জুবিন গাৰ্গৰ মৃত্যুত স্তম্ভিত আমিৰ খান
অসম তথা বলীউডত নিজৰ সুৰীয়া কণ্ঠেৰে কোটি কোটি মানুহৰ অন্তৰত স্থান দখল কৰা কণ্ঠশিল্পী জুবিন গাৰ্গ আমাৰ মাজত নাই।
১৯ ছেপ্টেম্বৰত তেওঁৰ হঠাৎ মৃত্যুৰ খবৰে সংগীত জগতৰ লগতে তেওঁৰ অনুৰাগী সকলৰ মাজতো শোকৰ ছাঁ পেলাইছে। অসমৰ হিয়াৰ আমঠু জুবিন গাৰ্গৰ মৃত্যুত বলীউডৰ বহু তাৰকাই গভীৰ শোক প্ৰকাশ কৰিছে।
তাৰ মাজতে এতিয়া বলিউডৰ অভিনেতা আমিৰ খানেও জুবিন গাৰ্গৰ মৃত্যুত এটা আৱেগিক পোষ্ট কৰিছে। আমিৰ খান প্ৰডাকচনে তেওঁলোকৰ পেজত এটা পোষ্ট শ্বেয়াৰ কৰিছে।
য’ত লিখা হৈছিল যে,”জুবিন গাৰ্গৰ মৃত্যুত আমি গভীৰ শোক প্ৰকাশ কৰিছো।তেওঁ এজন মহান শিল্পী আছিল,তেওঁৰ কণ্ঠই কোটি কোটি লোকক স্পৰ্শ কৰিছিল আৰু তেওঁৰ সংগীতে প্ৰজন্মৰ পিছত প্ৰজন্মক প্ৰভাৱিত কৰিছে।শিল্প-সংস্কৃতিৰ ক্ষেত্ৰত তেওঁৰ অৱদান সদায় অনন্য হৈ থাকিব।তেখেতৰ পৰিয়াল আৰু আপোনজনৰ প্ৰতি আমি গভীৰ সমবেদনা জ্ঞাপন কৰিছো।–টীম AKP”
লগতে পঢ়ক: বলীউডত দুৰ্গা পূজাৰ উসাহ; খুড়াকলৈ মনত পেলাই উচুপি উঠিল ৰাণী-কাজল
