জুবিন আৰু শ্যামকানু নলে-গলে লগা বন্ধু আছিল, জুবিনৰ মৃত্যুত শ্যামকানুৱে বহুত কষ্ট পাইছে। আদালতত উপস্থিত হৈ অনিতা মহন্তৰ প্ৰতিক্ৰিয়া।
বৃহস্পতিবাৰে শ্যামকানু মহন্তৰ জামিন আবেদনৰ শুনানিত আদালতত উপস্থিত হয় শ্যামকানুৰ পত্নী অনিতা ডেকা মহন্ত।সাংবাদিকৰ আগত অনিতা ডেকা মহন্তই কয় যে, জুবিন গাৰ্গক শ্যামকানু মহন্তই জোৰ কৰি ছিংগাপুৰলৈ নিয়া নাছিল, তাৰ কোনো প্ৰমাণ নাই। শ্যামকানু মহন্তই জুবিন গাৰ্গক সুৰা যোগান ধৰাৰো কোনো প্ৰমাণ নাই।গোচৰটোৰ কোনো সত্য সত্যতা নাই। মানুহে যি কৈছে সেইটোৰ ওপৰতেই গুৰুত্ব দি গোচৰটো চলি আছে।ইয়াত কোনো দোষী নহয়।আমিও ন্যাৰ বাবে আশা কৰি আছো। কোনো প্ৰমাণ নোহোৱাকো ৭ মাহে জেলত থকাটো ইমান সহজ কথা নহয়।
অনিতা মহন্তই আৰু কয় যে, জুবিন গাৰ্গ শ্যামকানু মহন্তৰ নলে গলে লগা বন্ধু আছিলে। জুবিনে শ্যামকানু মহন্তৰ সপোনবোৰ প্ৰথমদিনাৰ পৰাই সমৰ্থন কৰিছিল। যি কাম কৰিছিল সদায় জুবিনৰ উপদেশ লৈ কৰিছিলো। তেওঁ সদায় আমাৰ প্ৰতিটোকামতে সমৰ্থন জনাইছিলে।শ্যামকানু মহন্ত কিমান দুখ লাগিছে ভাবক । কাৰণ তেওঁ নিজৰ এজন শুভাকাংশী হেৰুৱাইছে।
তেওঁ আৰু কয় যে, জুবিনৰ নিচিনা ইমান ডাঙৰ এটা সত্বা আমাৰ মাজৰ পৰা হেৰাই গৈছে। এটা ডাঙৰ সাংস্কৃতিক শূন্যতা হৈছে। এই শূন্যতা আমি সৃষ্টিশীলতাৰে পূৰ্ণ কৰিব লাগিছিল, হিংসা খঙেৰে নহয়।নতুন নতুন সংগীত সৃষ্টি কৰি আগবাঢ়ি যাব লাগিছিল।
ৰাইজলৈ কাতৰ অনুৰোধ কৰি অনিতা মহন্তই কয় যে ৰাইজে হিংসা খং এৰি অসমীয়া জাতীয় জীৱনলৈ মৰম চেনেহবোৰ ঘুৰাই আনিব লাগে।
লগতে পঢ়ক: “শ্যামকানু জে’লত থকাৰ বাবে জুবিনে বহুত কষ্ট পাইছে”; প্ৰথমবাৰলৈ মুখ খুলিলে অনিতা মহন্তই
