আগন্তুক বিজয় হাজাৰে ট্ৰফীত খেলা দেখা যাব ভাৰতীয় ক্ৰিকেট দলৰ প্ৰাক্তন অধিনায়ক ৰোহিত শৰ্মা । কেতিয়া আৰু কোন কেইখন মেচ খেলিব তেওঁ…
ৰোহিত শৰ্মা সন্দৰ্ভত এটা ডাঙৰ খবৰ প্ৰকাশ পাইছে । শেহতীয়া খবৰ অনুসৰি বিজয় হাজাৰে ট্ৰফীত মুম্বাইৰ প্ৰথম দুখন খেলৰ বাবে ভাৰতীয় প্ৰাক্তন অধিনায়ক ৰোহিত শৰ্মা নিৰ্বাচনৰ বাবে উপলব্ধ হোৱাৰ সম্ভাৱনা আছে । ২৪ আৰু ২৬ ডিচেম্বৰত ছিকিম আৰু উত্তৰাখণ্ডৰ বিৰুদ্ধে মেচৰ বাবে ৰোহিত মুম্বাইৰ দলৰ অংশ হ’ব পাৰে ।
ইয়াৰ পূৰ্বে কোৱা হৈছিল যে মুম্বাইয়ে তেওঁলোকৰ এজন ডাঙৰ তাৰকা অবিহনে বিজয় হাজাৰে ট্ৰফী অভিযান আৰম্ভ কৰিব, কিয়নো ৰোহিতে প্ৰতিযোগিতাখনৰ উদ্বোধনী মেচত অংশ ল’ব নোৱাৰিব । তেওঁৰ অনুপস্থিতিয়ে বৰ্তমানৰ আন্তঃৰাষ্ট্ৰীয় বিৰতিৰ সময়ত ভাৰতীয় জ্যেষ্ঠ খেলুৱৈক ঘৰুৱা ক্ৰিকেট খেলা দেখিবলৈ আগ্ৰহী অনুৰাগীসকলৰ মাজত উত্তেজনাৰ সৃষ্টি কৰিছিল ।
গুৰুত্বপূৰ্ণ কথাটো হ’ল বা ৰাষ্ট্ৰীয় দল পৰিচালনাৰ কৰ্মবোজা ব্যৱস্থাপনাৰ বাবেও নহয় । এদিনীয়া প্ৰতিযোগিতাৰ প্ৰাৰম্ভিক পৰ্যায়ত যুৱ খেলুৱৈক সুযোগ দি মেচৰ চাপত মূল্যায়ন কৰিব বিচৰা মুম্বাইৰ নিৰ্বাচক দলে এই সিদ্ধান্ত গ্ৰহণ কৰিছে ।
১১ জানুৱাৰীৰ পৰা নিউজীলেণ্ডৰ বিৰুদ্ধে শৃংখলা-
অৱশ্যে শেহতীয়াকৈ এক প্ৰতিবেদনে অনুৰাগীসকলৰ আশা পুনৰ জগাই তুলিছে যে তেওঁলোকে হয়তো প্ৰথম দুখন মেচত ভাৰতীয় প্ৰাক্তন অধিনায়কগৰাকীক খেলা দেখিবলৈ পাব । ইয়াৰ পিছত ৰোহিত শৰ্মাৰ গুৰুত্ব ২০২৬ চনৰ ১১ জানুৱাৰীৰ পৰা নিউজীলেণ্ডৰ বিৰুদ্ধে এদিনীয়া শৃংখলালৈ স্থানান্তৰিত হোৱাৰ সম্ভাৱনা আছে ।
যশস্বীও হ’ব এই প্ৰতিযোগিতাৰ অংশ-
প্ৰতিযোগিতাখনত ৰোহিত শৰ্মাৰ উপৰিও যশস্বী জয়ছোৱালে মুম্বাইৰ হৈ কেইখনমান মেচ খেলাৰ সম্ভাৱনা আছে । জয়ছোৱালে এই ছিজনত মুম্বাইৰ হৈ এখন ৰঞ্জি ট্ৰফী মেচ খেলিছিল আৰু চৈয়দ মুস্তাক আলী ট্ৰফীৰ অংশ আছিল যদিও গেষ্ট্ৰাইটিছৰ বাবে তেওঁৰ অভিযান চুটি হৈছিল ।
ভাৰতৰ টি-২০ৰ অধিনায়ক সূৰ্যকুমাৰ যাদৱ আৰু শিৱম ডুবেও এই প্ৰতিযোগিতাত অংশগ্ৰহণ কৰাৰ সম্ভাৱনা আছে । শেহতীয়াকৈ দক্ষিণ আফ্ৰিকাৰ বিৰুদ্ধে টি-২০ শৃংখলাত ৩-১ ব্যৱধানত জয়লাভ কৰা দলটোৰ অংশ হিচাপে থকা দুয়োগৰাকী খেলুৱৈয়ে ৬ আৰু ৮ জানুৱাৰীত জয়পুৰত ক্ৰমে হিমাচল প্ৰদেশ আৰু পঞ্জাৱৰ বিৰুদ্ধে অনুষ্ঠিত হ’বলগীয়া মেচখনৰ বাবে উপলব্ধ হোৱাৰ সম্ভাৱনা আছে বুলি এম চি এৰ বিষয়াই জনায় । ২১ জানুৱাৰীৰ পৰা আৰম্ভ হ’বলগীয়া নিউজীলেণ্ডৰ বিৰুদ্ধে টি-২০ শৃংখলাৰো অংশ হ’ব সূৰ্যকুমাৰ আৰু ডুবে ।
বিজয় হাজাৰে ট্ৰফীৰ বাবে মুম্বাইক গ্ৰুপ চিত স্থান দিয়া হৈছে, য’ত পঞ্জাৱ, উত্তৰাখণ্ড, হিমাচল প্ৰদেশ, ছিকিম, ছত্তীশগড়, মহাৰাষ্ট্ৰ আৰু গোৱা আছে ।
লগতে পঢ়ক : মহিলা ক্ৰিকেটৰ বাবে ডাঙৰ উপহাৰ… বৃদ্ধি হ’ল ঘৰুৱা মহিলা খেলুৱৈৰ মেচ মাচুল
