শনিবাৰে প্ৰধানমন্ত্ৰী মোদীয়ে ছৌদি আৰৱৰ ক্ৰাউন প্ৰিন্স আৰু প্ৰধানমন্ত্ৰী ৰাজকুমাৰ মহম্মদ বিন ছালমানৰ সৈতে বাৰ্তালাপ কৰে
পশ্চিম এছিয়াৰ গভীৰ সংকটৰ মাজতে শনিবাৰে প্ৰধানমন্ত্ৰী নৰেন্দ্ৰ মোদীয়ে ছৌদি আৰৱৰ ক্ৰাউন প্ৰিন্স আৰু প্ৰধানমন্ত্ৰী ৰাজকুমাৰ মহম্মদ বিন ছালমানৰ সৈতে বাৰ্তালাপ কৰে । দুয়োজনে পশ্চিম এছিয়াত চলি থকা সংঘাতৰ বিষয়ে আলোচনা কৰে । প্ৰধানমন্ত্ৰী মোদীয়ে নিজৰ টুইটাৰ হেণ্ডেলত লিখিছে, শক্তিৰ আন্তঃগাঁথনিৰ ওপৰত হোৱা আক্ৰমণৰ ক্ষেত্ৰত ভাৰতৰ স্থিতি পুনৰবাৰ দুহাৰো ।
আঞ্চলিক পৰিস্থিতিৰ কথা উল্লেখ কৰি প্ৰধানমন্ত্ৰী মোদীয়ে লিখিছে, “আমি এই কথাত একমত হওঁ যে যাতায়তৰ স্বাধীনতা নিশ্চিত কৰা আৰু জাহাজ পৰিবহণ লাইন মুকলি আৰু সুৰক্ষিত ৰখাটো অতি প্ৰয়োজনীয় । চৌদি আৰৱত ভাৰতীয় সম্প্ৰদায়ৰ কল্যাণৰ বাবে তেওঁলোকে অবিৰত সমৰ্থনৰ বাবেও মই কৃতজ্ঞতা প্ৰকাশ কৰিলোঁ ।”
ভাৰতৰ মতে অঞ্চলটোত শান্তি বৰ্তাই ৰখাটো কেৱল ইয়াৰ জনসাধাৰণৰ বাবেই নহয়, বিশ্ব অৰ্থনীতি আৰু নিৰাপত্তাৰ বাবেও অপৰিহাৰ্য । এই সংকটৰ সমাধানৰ বাবে দেশসমূহে কেনেদৰে একেলগে কাম কৰিব পাৰে সেই বিষয়েও আলোচনা কৰা হয় । আলোচনা আৰু কূটনীতিৰ জৰিয়তে সংঘাত সমাধানৰ ক্ষেত্ৰত ভাৰতে সদায় সমৰ্থন আগবঢ়াই আহিছে ।
প্ৰধানমন্ত্ৰী মোদীয়ে বহুবাৰ উল্লেখ কৰিছে যে এয়া যুদ্ধৰ যুগ নহয় । ৰাছিয়া-ইউক্ৰেইনৰ সংঘাতৰ পৰা আৰম্ভ কৰি আমেৰিকা, ইজৰাইল আৰু ইৰাণৰ মাজৰ সংঘাতলৈকে তেওঁ এই কথাটো পুনৰ উল্লেখ কৰিছে । উল্লেখ্য যে পশ্চিম এছিয়া ভাৰতৰ বাবে এক অতি গুৰুত্বপূৰ্ণ অঞ্চল, ইয়াত বৃহৎ সংখ্যক ভাৰতীয় নাগৰিকে কাম কৰে । তদুপৰি ভাৰতৰ শক্তি সুৰক্ষাও এই অঞ্চলৰ সৈতে জড়িত ।
লগতে পঢ়ক : শপত গ্ৰহণৰ পিছতে নৰেন্দ্ৰ মোদীক ধন্যবাদ জনালে নেপালৰ প্ৰধানমন্ত্ৰী বলেন্দ্ৰ শ্বাহে
