বাজেট অধিবেশনৰ সময়ত লোকসভাত উৎপাদনশীলতা ৯৩ শতাংশ আৰু ৰাজ্যসভাত ১১০ শতাংশ আছিল
২৮ জানুৱাৰীৰ পৰা ৰাষ্ট্ৰপতি দ্ৰৌপদী মুৰ্মুৰ ভাষণেৰে আৰম্ভ হোৱা বাজেট অধিবেশনৰ সামৰণি পৰিল । ১৮ এপ্ৰিলত কাৰ্য্যবিধিৰ আৰম্ভণিতে লোকসভাৰ অধ্যক্ষ ওম বিৰলা আৰু ৰাজ্যসভাৰ অধ্যক্ষ চি পি ৰাধাকৃষ্ণনে অধিবেশনৰ কাৰ্যসূচীৰ ওপৰত এক আভাস দিয়ে আৰু তাৰ পিছত স্থগিত ৰখাৰ কথা ঘোষণা কৰে । বাজেট অধিবেশনৰ সময়ত লোকসভাত উৎপাদনশীলতা ৯৩ শতাংশ আৰু ৰাজ্যসভাত ১১০ শতাংশ আছিল ।
লোকসভাৰ অধ্যক্ষ ওম বিৰলাই সদনৰ কাৰ্যবিধি স্থগিত ৰখাৰ কথা ঘোষণা কৰি কয় যে সদন ১৫১ ঘণ্টা ৪২ মিনিট ধৰি কাৰ্যবিধি চলে । ৰাজ্যসভাৰ অধ্যক্ষ চি.পি. ৰাধাকৃষ্ণনে উল্লেখ কৰে যে সদনে ১৫৭ ঘণ্টা ৪০ মিনিট কাম কৰিছিল । বাজেট অধিবেশনৰ সময়ত উৎপাদনশীলতা আছিল ১০৯.৮৭ শতাংশ । এই অধিবেশনত ১১৭টা প্ৰশ্ন কৰা হৈছিল, ৪৪৬টা শূন্য ঘন্টা অনুষ্ঠিত কৰা হৈছিল আৰু বিশেষ উল্লেখৰ অধীনত ২০৭টা বিষয় উত্থাপন কৰা হৈছিল ।
ৰাজ্যসভাৰ অধ্যক্ষই এই অধিৱেশনত তৃতীয়বাৰৰ বাবে হৰিবংশক উপাধ্যক্ষ নিৰ্বাচিত হোৱা বুলিও ঘোষণা কৰে । প্ৰধানমন্ত্ৰীয়ে বিভিন্ন দলৰ নেতা-সদস্যৰ লগতে হৰিবংশক অভিনন্দন জনায় । সদনৰ কাম-কাজ চলোৱাৰ ক্ষেত্ৰত সকলো সদস্য, উপাধ্যক্ষ, উপাঅধ্যক্ষৰ পেনেলৰ প্ৰতি সহযোগিতাৰ বাবে অধ্যক্ষই কৃতজ্ঞতা জ্ঞাপন কৰে । ইয়াৰ পিছতে অধ্যক্ষই সদন স্থগিত ৰখাৰ কথা ঘোষণা কৰে ।
লগতে পঢ়ক : আজি নিশা দেশবাসীক সম্বোধন কৰিব প্ৰধানমন্ত্ৰী মোদীয়ে
