পশ্চিমবংগৰ মুখ্যমন্ত্ৰী তথা টিএমচিৰ মুৰব্বী মমতা বেনাৰ্জীয়ে কলকাতাৰ ভবানিপুৰ বিধানসভাৰ আসনৰ বাবে মনোনয়ন পত্ৰ দাখিল কৰে।
পশ্চিমবংগৰ মুখ্যমন্ত্ৰী মমতা বেনাৰ্জীয়ে ভবানিপুৰ সমষ্টিৰ পৰা তৃণমূল কংগ্ৰেছৰ প্ৰাৰ্থী হিচাপে বুধবাৰে মনোনয়ন পত্ৰ দাখিল কৰে। মনোনয়ন দাখিল কৰাৰ পূৰ্বে মুখ্যমন্ত্ৰী মমতা বেনাৰ্জীয়ে এক পদযাত্ৰা কৰে।এই সময়ত টিএমচিৰ বহু সংখ্যক নেতা-কৰ্মী উপস্থিত আছিল।
মনোনয়ন দাখিল কৰাৰ পিছত মমতা বেনাৰ্জীয়ে কয়,“মই ৰাইজক আহ্বান জনাইছো—কেৱল ভৱানীপুৰতে নহয়,বৰঞ্চ বংগৰ ২৯৪খন আসনৰ আটাইকেইখনতে টিএমচিৰ জয় নিশ্চিত কৰিব লাগে।মই সঁচাকৈ গভীৰ দুখ পাইছো যে SIR ৰ সময়ত বংগৰ ভোটাৰ তালিকাৰ পৰা ইমানবোৰ নাম আঁতৰাই দিয় হ’ল।
যেতিয়া মুখ্যমন্ত্ৰী মমতা বেনাৰ্জীয়ে মনোনয়ন পত্ৰ দাখিল কৰিবলৈ কালিঘাটৰ বাসগৃহৰ পৰা ওলাই আহিছিল তেতিয়া সমৰ্থকৰ ব্যাপক ভিৰ তেওঁৰ লগত গৈছিল।মমতা বেনাৰ্জীয়ে ৰাস্তাৰ দুয়োকাষে শাৰী পাতি থকা দলীয় কৰ্মী আৰু সমৰ্থকসকলক সম্ভাষণ জনায়।এই সময়ছোৱাত প্ৰায় ৮০০ মিটাৰ খোজ কাঢ়ি আলিপুৰ জৰীপ বিল্ডিঙত উপস্থিত হয়, য’ত তেওঁ মনোনয়ন পত্ৰ দাখিল কৰে।
লগতে পঢ়ক: কাইলৈ অসম বিধানসভা নিৰ্বাচন; নিৰ্ণয় হ’ব ৭২২ গৰাকী প্ৰাৰ্থীৰ ভাগ্য
