জিলা পৰিষদ আৰু পঞ্চায়ত সমিতিৰ নিৰ্বাচনত বিজয় সাব্যস্ত কৰি জয়ৰ হেট্ৰিক অৰ্জন কৰিছে মহাযুতিয়ে । ইয়াৰ পূৰ্বে মহাযুতিয়ে পৌৰসভা, নগৰ পঞ্চায়ত, পৌৰ নিগমৰ নিৰ্বাচনতো শক্তিশালী প্ৰদৰ্শন আগবঢ়াইছিল ।
মহাৰাষ্ট্ৰৰ জিলা পৰিষদ আৰু পঞ্চায়ত সমিতিৰ নিৰ্বাচনত বিজয় সাব্যস্ত কৰি জয়ৰ হেট্ৰিক অৰ্জন কৰিছে মহাযুতিয়ে । ইয়াৰ পূৰ্বে মহাযুতিয়ে পৌৰসভা, নগৰ পঞ্চায়ত, পৌৰ নিগমৰ নিৰ্বাচনতো শক্তিশালী প্ৰদৰ্শন আগবঢ়াইছিল । এতিয়া জিলা পৰিষদ আৰু পঞ্চায়ত সমিতিৰ নির্বাচনত সফলতা লাভ কৰি মহাযুতিয়ে স্পষ্ট কৰি দিছে যে স্থানীয় স্বশাসন প্রতিষ্ঠানৰ প্রতি জনসাধাৰণৰ আস্থা দৃঢ়ভাৱে প্ৰকাশ কৰিছে ৷
নিৰ্বাচনৰ ফলাফল সন্দৰ্ভত প্ৰতিক্ৰিয়া প্ৰকাশ কৰি উপ-মুখ্যমন্ত্ৰী একনাথ শিন্দেই কয় যে এই নিৰ্বাচনত জনসাধাৰণে শিৱসেনাক অভূতপূৰ্ব সমৰ্থন আগবঢ়াইছে । তেওঁ লগতে কয় যে এই জয় কেৱল সংখ্যাৰ জয় নহয়, জনসাধাৰণৰ আস্থাৰ জয় । শিৱসেনাই জনসাধাৰণে তেওঁলোকৰ ওপৰত যি আস্থা ৰাখিছে, সেই আস্থা অনুসৰি কাম কৰিব আৰু তৃণমূল পৰ্যায়ত উন্নয়ন আৰু অধিক ত্বৰান্বিত কৰিব বুলি কয় তেওঁ ।
উপ-মুখ্যমন্ত্ৰী শিন্দেই কয় যে মহাৰাষ্ট্ৰৰ জনসাধাৰণৰ পৰা শিৱসেনাই লাভ কৰা সমৰ্থনে গ্ৰামাঞ্চলত দলটোৰ ভেটি পূৰ্বতকৈ অধিক শক্তিশালী হোৱাটো প্ৰমাণ কৰে । ৰায়গড়, ৰত্নগিৰিৰ দৰে জিলাৰ বিজয়ৰ কথা উল্লেখ কৰি তেওঁ কয় যে কোংকানবাসীয়ে প্ৰকৃত শিৱসেনাৰ সৈতে থিয় দিছে বুলি স্পষ্ট বাৰ্তা প্ৰেৰণ কৰিছে ।
শিন্দেই কয় যে শ্ৰদ্ধাৰ বালাছাহেব থাকৰেৰ শিৱসেনাক ঘৰে ঘৰে লৈ যোৱাৰ সপোন আজি বাস্তৱত পৰিণত হৈছে । এই বিজয় উপলক্ষে তেওঁৰ বালাছাহেব থাকৰেৰ কথা গভীৰভাৱে সোঁৱৰে ।
উপ-মুখ্যমন্ত্ৰীগৰাকীয়ে কয় যে বিগত তিনি বছৰত মহাযুতি চৰকাৰে চহৰ আৰু গ্ৰামাঞ্চল উভয়ৰে বাবে কেইবাটাও গুৰুত্বপূৰ্ণ সিদ্ধান্ত গ্ৰহণ কৰিছে । পথ উন্নয়ন, খোৱাপানী যোগান, ত্বৰান্বিত জলসিঞ্চন প্ৰকল্প, উন্নত শিক্ষা আৰু মহিলাৰ আত্মনিৰ্ভৰশীল কাৰ্যসূচীৰ প্ৰভাৱ এতিয়া স্পষ্টভাৱে দেখা গৈছে । কেৱল গাঁও পঞ্চায়তসমূহক সবলীকৰণৰ বাবে ধনৰ ব্যৱস্থা কৰাই নহয়, প্ৰশাসনক অধিক কাৰ্যক্ষম কৰি তোলাৰ ওপৰতো গুৰুত্ব দিয়া হৈছিল ।
শ্বিন্দেই কয় যে এই সফলতাৰ কাৰণ হৈছে দলীয় কৰ্মীসকলৰ কঠোৰ পৰিশ্ৰম, প্ৰতিখন গাঁৱত তেওঁলোকৰ কাম আৰু ৰাজহুৱা বিষয়ত তেওঁলোকৰ স্পষ্ট স্থিতি । জনসাধাৰণে যি আস্থা ৰাখিছে সেয়া কেতিয়াও ভংগ নহয় বুলি তেওঁ আশ্বাস দিয়ে । জিলা পৰিষদৰ জৰিয়তে গ্ৰাম্য উন্নয়ন, কৃষক, মহিলা, যুৱক-যুৱতী, আৰু সাধাৰণ জনতাৰ কল্যাণৰ বাবে অধিক দায়িত্ব লৈ কাম কৰা হ’ব বুলি কয় তেওঁ ।
লগতে পঢ়ক : মহাৰাষ্ট্ৰ জিলা পৰিষদ নিৰ্বাচনত মহাযুতিৰ আধিপত্য; ৭৩১খন আসনৰ ভিতৰত ৫৫২খন দখল
