বছৰৰ আৰম্ভণিতেই ইছৰোৱে ৰচিলে আন এক ইতিহাস। ইছৰোৱে উৎক্ষেপণ কৰিলে ‘EOS-N1 অন্বেষা’
ভাৰতীয় মহাকাশ গৱেষণা সংস্থা অৰ্থাৎ ইছৰোৱে আজি মহাকাশৰ ক্ষেত্ৰত আন এক বৃহৎ জাঁপ মাৰে।ইছৰোৱে পিএছএলভি চি-৬২ অভিযানৰ অধীনত দেশৰ উপগ্ৰহ ‘EOS-N1 অন্বেষা’ মহাকাশলৈ প্ৰেৰণ কৰিছে।
এই উপগ্ৰহটোৱে সীমান্ত চোৱাচিতা, লুকাই থকা লক্ষ্য ধৰা পেলোৱা আৰু পৰিৱেশ নিৰীক্ষণত এক বৈপ্লৱিক পৰিৱৰ্তন আনিব বুলি আশা কৰা হৈছে।ইছৰোৰ ২০২৬ চনৰ প্ৰথমটো উপগ্ৰহ শ্ৰীহৰিকোটা মহাকাশ বন্দৰৰ পৰা পুৱা প্ৰায় ১০:১৭ বজাত উৎক্ষেপণহয়।
ইছৰোৱে ২০২৬ চনৰ প্ৰক্ষেপণ কেলেণ্ডাৰখন সোমবাৰে ‘PSLV-C62’ মিছনৰ জৰিয়তে আৰম্ভ কৰে। এই অভিযানৰ অধীনত পৃথিৱী পৰ্যবেক্ষণ উপগ্ৰহ ‘EOS-N1অন্বেষা’ আৰু আন ১৪টা পেলোড মহাকাশত স্থাপন কৰা হ’ব।
ইছৰোৰ বাণিজ্যিক শাখা ‘নিউস্পেচ ইণ্ডিয়া লিমিটেড’ (এনএছআইএল)ৰ এই অভিযানত অন্তৰ্ভূক্ত দেশী-বিদেশী গ্ৰাহকৰ আন ১৪টা সহযাত্ৰী উপগ্ৰহ পুৱা ১০:১৭ বজাত শ্ৰীহৰিকোটাৰ সতীশ ধৱন মহাকাশ কেন্দ্ৰৰ প্ৰথমটো উৎক্ষেপণ স্থানৰ পৰা উৎক্ষেপণ কৰা হয়।
মূল পেলোড DRDO ৰ EOS-N1 অন্বেষা হাইপাৰস্পেকট্ৰল পৃথিৱী পৰ্যবেক্ষণ উপগ্ৰহ,যিয়ে সীমান্ত চোৱাচিতা, লুকাই থকা লক্ষ্য ধৰা পেলোৱা আৰু পৰিৱেশ নিৰীক্ষণত এক বৈপ্লৱিক পৰিৱৰ্তন আনিব।
লগতে পঢ়ক: মহাকাশত সফলতাৰ এক নতুন অধ্যায় লিখিবলৈ সাজু ভাৰত; পিছ পৰি ৰ’ল আমেৰিকা
