মধ্যপ্ৰাচ্যৰ সংঘাতৰ বাবে খাৰুৱা তেলৰ মূল্য বৃদ্ধি পাইছে। ফলত এটা বাণিজ্যিক এল পি জি চিলিণ্ডাৰৰ মূল্য ১৯৫.৫০ টকা বৃদ্ধি পাই ২,০৭৮.৫০ টকা হৈছে গৈ।
মধ্যপ্ৰাচ্যত চলি থকা সংঘাতৰ প্ৰত্যক্ষ প্ৰভাৱ এতিয়া জনসাধাৰণৰ ওপৰত পৰিছে। আন্তঃৰাষ্ট্ৰীয় খাৰুৱা তেলৰ মূল্য বৃদ্ধিৰ বাবে চৰকাৰী তেল কোম্পানীসমূহে বাণিজ্যিক এল পি জি চিলিণ্ডাৰৰ মূল্য ১৯৫.৫০ টকা বৃদ্ধি কৰাৰ কথা ঘোষণা কৰিছে। বুধবাৰৰ পৰা কাৰ্যকৰী হোৱা এই নতুন মূল্যই ব্যৱসায়ী আৰু ৰেষ্টুৰেণ্ট পৰিচালকসকলৰ উদ্বেগ আৰু অধিক বৃদ্ধি কৰিছে।
ইয়াৰ পূৰ্বে ১ মাৰ্চত ১৯ কিলোগ্ৰাম ওজনৰ চিলিণ্ডাৰৰ মূল্য ১১৪.৫ টকা বৃদ্ধি কৰা হৈছিল।অৱশ্যে ঘৰুৱা চিলিণ্ডাৰৰ মূল্য বৃদ্ধি হোৱা নাই। ঘৰুৱা ৰন্ধন গেছৰ (এল পি জি) দাম শেষবাৰৰ বাবে ৭ মাৰ্চত ৬০ টকা বৃদ্ধি পাইছিল।
লগতে পঢ়ক: শীতলা মাতা মন্দিৰত অঘটন : পদপিষ্ট হৈ অতিকমেও ৮ জন লোকৰ মৃত্যু, আহত বহুতো
