দীপনগৰ আৰক্ষী থানা এলেকাৰ ভিতৰৰ মাঘৰাৰ শীতলা মন্দিৰত সংঘটিত হয় এই ঘটনা
বিহাৰৰ নালন্দা স্থিত এটা মন্দিৰত মঙলবাৰে পুৱা সংঘটিত হোৱা এক কৰুণ ঘটনাত ৭গৰাকী মহিলা ভক্তৰ মৃত্যু হয় । এই ঘটনাত আন কেইবাজনো আহত হয় বুলি জানিব পৰা গৈছে । ইফালে মৃতকৰ সংখ্যা বৃদ্ধি পাব পাৰে বুলিও ধাৰণা কৰা হৈছে । দীপনগৰ আৰক্ষী থানা এলেকাৰ ভিতৰৰ মাঘৰাৰ শীতলা মন্দিৰত সংঘটিত হয় এই ঘটনা ।
এখ হূলস্থূলীয়া পৰিৱেশত, ঠেলা-হেঁচাৰ বাবে পদপিষ্ট হৈ এইসকল লোকৰ মৃত্যু হোৱা বুলি জানিব পৰা গৈছে । অতিমাত্ৰা ভিৰ আৰু পৰিচালনাৰ ত্ৰুতিৰ বাবেই এই ঘটনা সংঘটিত হোৱা বুলি জানিব পৰা গৈছে । ইতিমধ্যে সাহায্য আৰু উদ্ধাৰ অভিযান আৰম্ভ হৈছে ।
উল্লেখ্য যে প্ৰতি মঙলবাৰে হাজাৰ হাজাৰ ভক্ত পূজা কৰিবলৈ এই মন্দিৰত উপস্থিত হয় । এই মঙলবাৰে নিৰাপত্তাৰ ব্যৱস্থা সম্পূৰ্ণ ত্ৰুতিপূৰ্ণ আছিল বুলি অভিযোগ উত্থাপন হৈছে । পূজা কৰিবলৈ অপেক্ষা কৰি থকা ভক্তৰ বৃহৎ জনসমাগমৰ বাবেই হুলস্থুলীয়া পৰিৱেশৰ সৃষ্টি হয় । ঘটনাৰ সঠিক কাৰণ এতিয়াও জানিব পৰা হোৱা নাই । তথ্য লাভ কৰাৰ লগে লগে ঘটনাস্থলীত উপস্থিত হয় কেইবাখনো এম্বুলেন্স । লগতে জিলা প্ৰশাসনৰ দলো ঘটনাস্থলীত আহি উপস্থিত হয় ।
এই ঘটনাত আহত ভক্তৰ সংখ্যা প্ৰায় ১০ৰ পৰা ১২ জন বুলি অনুমান কৰা হৈছে । আহতসকলক চিকিৎসাৰ বাবে সদৰ চিকিৎসালয়লৈ প্ৰেৰণ কৰা হৈছে । মন্দিৰ কমপ্লেক্স সম্পূৰ্ণৰূপে খালী কৰা হৈছে । ঘটনাৰ পিছতে আহি উপস্থিত হৈছে বৃহৎ আৰক্ষী বাহিনী ।
জানিব পৰা মতে মঙলবাৰে নালন্দা বিশ্ববিদ্যালয়ত অনুষ্ঠিত হৈছে সমাৱৰ্তন অনুষ্ঠান । ৰাজগীৰত অনুষ্ঠিত হ’বলগীয়া এই অনুষ্ঠানত ৰাষ্ট্ৰপতি দ্ৰৌপদী মুৰ্মুয়ে অংশগ্ৰহণ কৰাৰ কথা । মুখ্যমন্ত্ৰী নীতিশ কুমাৰেও এই সমাৱৰ্তনত অংশগ্ৰহণ কৰিব । উপ-মুখ্যমন্ত্ৰী সম্ৰাট চৌধুৰীও তেওঁৰ লগত থাকিব । ইয়াৰ মাজতে মন্দিৰত এই কৰুণ ঘটনা সংঘটিত হৈছে ।
লগতে পঢ়ক : ফিলিপাইনছত জৰুৰীকালীন অৱস্থা, পাকিস্তানত স্মাৰ্ট লকডাউন… ইৰাণ যুদ্ধৰ বাবে ভয়াৱহ সংকটত কেইবাখনো দেশ
