বাজেট অধিবেশনৰ পূৰ্বে সৰ্বদলীয় বৈঠক আহ্বান কৰিছে কেন্দ্ৰীয় চৰকাৰে। ২৮ জানুৱাৰীৰ পৰা আৰম্ভ হ’ব সংসদৰ বাজেট অধিৱেশন ।
বাজেট অধিবেশনৰ পূৰ্বে কেন্দ্ৰীয় চৰকাৰে সৰ্বদলীয় বৈঠক আহ্বান কৰিছে । এই সভা অহা ২৭ জানুৱাৰীৰ পুৱা ১১ বজাত অনুষ্ঠিত হ’ব । ইয়াত বিধায়িনী কাৰ্য আৰু সংসদত আহিবলগীয়া অন্যান্য বিষয়সমূহৰ ওপৰত আলোচনা কৰা হ’ব । ২৮ জানুৱাৰীৰ পৰা আৰম্ভ হ’ব সংসদৰ বাজেট অধিৱেশন । প্ৰথম দিনাই দুয়োখন সদনত (লোকসভা আৰু ৰাজ্যসভা) ৰাষ্ট্ৰপতিয়ে ভাষণ প্ৰদান কৰিব । লগতে ইকনমিক চাৰ্ভেও দাখিল কৰা হ’ব ।
ইয়াৰ পিছত ১ ফেব্ৰুৱাৰীত কেন্দ্ৰীয় বাজেট দাখিল কৰা হ’ব । ২৮ জানুৱাৰীৰ পৰা আৰম্ভ হ’ব লগা অধিৱেশনৰ প্ৰথম খণ্ড ১৩ ফেব্ৰুৱাৰীলৈকে চলিব । প্ৰথম খণ্ডৰ সময়ছোৱাত দুয়োখন সদনে ৰাষ্ট্ৰপতিৰ ভাষণত ধন্যবাদসূচক প্ৰস্তাৱৰ ওপৰত আলোচনা কৰিব । দুয়োখন সদনৰ আলোচনাৰ প্ৰতি সঁহাৰি জনাব প্ৰধানমন্ত্ৰী মোদীয়ে । বাজেট অধিবেশনৰ দ্বিতীয় খণ্ড ৯ মাৰ্চৰ পৰা আৰম্ভ হ’ব আৰু ২ এপ্ৰিললৈকে চলিব ।
লগতে পঢ়ক : নামভৰ্তিৰ পৰা চাকৰিলৈ… সকলোতে লাগিব জন্মৰ প্ৰমাণ পত্ৰ, চৰকাৰৰ ডাঙৰ সিদ্ধান্ত
