২০২৬ বৰ্ষৰ আৰম্ভণিতে অটিটি প্লেটফৰ্মত ধুমুহাৰ সৃষ্টি কৰিব সদ্য মুক্তিপ্ৰাপ্ত কেইবাখনো জনপ্ৰিয় তথা ব্লকবাষ্টাৰ ছবিয়ে…
২০২৬ চনৰ আৰম্ভণি চিনেমাপ্ৰেমীৰ বাবে বিশেষ হ’বলৈ গৈ আছে । কিয়নো জানুৱাৰী মাহত অটিটি প্লেটফৰ্মত মুক্তি পাব বহু প্ৰত্যাশিত কেইবাখনো ছবিয়ে । ২০২৬ৰ জানুৱাৰী মাহত বিভিন্ন অ’টিটি প্লেটফৰ্মত মুক্তি পাবলৈ সাজু হৈছে বলীউডৰ বহু আকৰ্ষণীয় ছবি । এই তালিকাত ৰণবীৰ সিঙৰ ব্লকবাষ্টাৰ ছবি “ধুৰন্ধৰ”ৰ পৰা আৰম্ভ কৰি য়ামী গৌতমৰ “হক”লৈকে সকলো আছে ।
হক-
“হক” শ্বাহ বানো গোচৰৰ আধাৰত নিৰ্মিত কৰ্ট ৰূম ড্ৰামা । এই ছবিখনৰ মুখ্য চৰিত্ৰত অভিনয় কৰিছে য়ামী গৌতম আৰু ইমৰাণ হাছমীয়ে । যোৱা ৭ নৱেম্বৰত চিনেমাগৃহত মুক্তি পোৱা ছবিখন এতিয়া অটিটি প্লেটফৰ্মত মুক্তিৰ বাবে সাজু হৈছে । OTT Play ৰ এক প্ৰতিবেদন অনুসৰি ২০২৬ চনৰ ২ জানুৱাৰীত নেটফ্লিক্সত মুক্তি পাব “হক” ।
দে দে প্যাৰ দে ২-
অজয় দেৱগন আৰু ৰাকুল প্ৰীত সিঙৰ কমেডী ছবি “দে দে প্যাৰ দে ২”ও জানুৱাৰী মাহত অটিটি প্লেটফৰ্মত মুক্তি পাব । খবৰ অনুসৰি ছবিখন ২০২৬ চনৰ ৯ জানুৱাৰীত নেটফ্লিক্সত প্ৰচাৰ হ’ব । ছবিখনত অভিনয় কৰিছে আৰ মাধৱন, ৰবি কিষণ, ৰোশনী ৱালিয়া আৰু গৌতমী কাপুৰে ।
মস্তি ৪-
ৰিতেশ দেশমুখ, আফতাব শিৱদাসানী আৰু বিবেক অবেৰয়ক একেলগে পুনৰ দেখা যাব ‘মস্তি ৪’ত । এই কমেডী ফ্ৰেঞ্চাইজি এতিয়া অ’টিটিত মুক্তি পাব । ২০২৬ চনৰ ১৬ জানুৱাৰীৰ পৰা ZEE5 ত প্ৰচাৰ হোৱাৰ সম্ভাৱনা আছে ‘মস্তি ৪’ ।
১২০ বাহাদুৰ-
ফাৰহান আখতাৰৰ যুদ্ধভিত্তিক ছবি ‘১২০ বাহাদুৰ’ও অচিৰেই অ’টিটি প্লেটফৰ্মত মুক্তি পাব । ২০২৬ চনৰ ১৬ জানুৱাৰীৰ পৰা প্ৰাইম ভিডিঅ’ত প্ৰচাৰ হোৱাৰ সম্ভাৱনা আছে ছবিখন ।
ধুৰন্ধৰ-
বক্স অফিচত চাঞ্চল্যৰ সৃষ্টি কৰিছে ৰণবীৰ সিং অভিনীত “ধুৰন্ধৰ” য়ে । এতিয়া বাতৰি অনুসৰি জানুৱাৰী মাহৰ শেষৰ সপ্তাহত ছবিখন অ’টিটি প্লেটফৰ্মত মুক্তি পাব পাৰে । নেটফ্লিক্সে ২৮৫ কোটি টকাত “ধুৰন্ধৰ”ৰ OTT অধিকাৰ লাভ কৰিছে ।
তেৰে ইছক মেইন-
কৃতি ছেনন আৰু ধনুশৰ ছবি “তেৰে ইছক মেইন” বক্স অফিচত বিপুল জনপ্ৰিয়তা লাভ কৰিছে । এতিয়া জানুৱাৰী মাহৰ শেষ সপ্তাহত ছবিখনে অ’টিটি প্লেটফৰ্মত মুক্তি পোৱাৰ সম্ভাৱনা আছে । OTT Play ৰ মতে তেৰে ইছক মেইন ছবিখনে নেটফ্লিক্সত মুক্তি পাব ।
গুস্তাখ ইছক-
গুস্তাখ ইছকত ডিজাইনাৰ মনীষ মালহোত্ৰাই প্ৰযোজক হিচাপে আত্মপ্ৰকাশ কৰিছে । বিজয় বাৰ্মা আৰু ফাতিমা চানা শ্বেখ অভিনীত ছবিখনৰ প্ৰিমিয়াৰ জানুৱাৰী মাহৰ শেষ সপ্তাহত জিঅ’ হটষ্টাৰত হোৱাৰ সম্ভাৱনা আছে ।
লগতে পঢ়ক : ‘মই জীয়াই আছো’; ভয়ংকৰ দুৰ্ঘটনাৰ পিছত নোৰা ফতেহীৰ প্ৰতিক্ৰিয়া
