দিল্লী বিমানবন্দৰত টেক্সিঙৰ সময়ত দুখন বিমান দুৰ্ঘটনাগ্ৰস্ত হয়। স্পাইচজেট বয়িং ৭৩৭-৭০০ বিমানখনে আকাছা এয়াৰৰ বিমানত খুন্দা মাৰে।
দিল্লী বিমানবন্দৰত এক ভয়ংকৰ বিমান দুৰ্ঘটনা সংঘটিত হয়। জানিব পৰা মতে, দিল্লী বিমানবন্দৰত বৃহস্পতিবাৰে দুখন বিমানৰ সংঘৰ্ষ হয়।এই বিমান দুখন স্পাইচজেট আৰু আকাছা এয়াৰৰ বুলি জানিব পৰা গৈছে।এই দুৰ্ঘটনাত কোনো লোক হতাহত হোৱাৰ খবৰ পোৱা নাই।
আকাছা এয়াৰে এক বিবৃতি যোগে প্ৰকাশ কৰে যে, দিল্লীৰ পৰা হায়দৰাবাদ অভিমুখী আকাছা এয়াৰৰ কিউপি ১৪০৬ বিমানখন দিল্লীৰ ইন্দিৰা গান্ধী আন্তঃৰাষ্ট্ৰীয় বিমানবন্দত ৰৈ আছিল। সেই সময়তে আন এটা বিমান সংস্থাৰ এখন বিমানে খুন্দা মাৰে।লগে লগে সকলো যাত্ৰী আৰু ক্ৰুক নিৰাপদে নমাই অনা হয়।প্ৰট’কল অনুসৰি সংশ্লিষ্ট বিষয়াসকলক দুৰ্ঘটনাটো অৱগত কৰা হৈছে, আৰু বিষয়টোৰ তদন্ত চলি আছে।
আনহাতে স্পাইচজেটৰ মুখপাত্ৰই দিয়া তথ্য অনুসৰি, ১৬ এপ্ৰিলৰ দিনা দিল্লী বিমানবন্দৰত স্পাইচজেট বি৭৩৭-৭০০ বিমানখন টেক্সীঙৰ সময়তে আকাছা বিমানখনত খুন্দা মাৰে।দুৰ্ঘটনাৰ ফলত স্পাইচজেট বিমানখনৰ সোঁফালৰ উইংলেটটো ক্ষতিগ্ৰস্ত হৈছে।আৰু আকাছা এয়াৰৰ বিমানখনৰ বাওঁফালৰ ষ্টেবিলাইজাৰটোৰো ক্ষতিসাধন হয়। সতৰ্কতামূলক ব্যৱস্থা হিচাপে স্পাইচজেট বিমানখনক দিল্লী বিমানবন্দৰত গ্ৰাউণ্ড কৰা হৈছে।
লগতে পঢ়ক: “বিধেয়কখন বিৰোধীতা কৰা সকল নিৰ্বাচনত পৰাস্ত হ’ব”; লোকসভাত মহিলা সংৰক্ষণ সন্দৰ্ভত প্ৰধানমন্ত্ৰী মোদী
