পশ্চিমবংগৰ ২৯৪খন আসনৰ আটাইকেইখন আসনত প্ৰতিদ্বন্দ্বিতা কৰিছে বিজেপিয়ে
পশ্চিমবংগ বিধানসভা নিৰ্বাচনৰ বাবে আন এখন প্ৰাৰ্থী তালিকা প্ৰকাশ কৰিছে বিজেপিয়ে । এই চতুৰ্থ তালিকাত ১৩ জন প্ৰাৰ্থীৰ নাম সন্নিবিষ্ট কৰা হৈছে । দ্বিতীয় তালিকাত ঘোষণা কৰা এজন প্ৰাৰ্থীকো সলনি কৰা হৈছে । তালিকা অনুসৰি দ্বিতীয় তালিকাত ঘোষণা কৰা মায়নাগুৰি (অনুসূচিত জাতি) আসনৰ পৰা এতিয়া বিজেপিৰ প্ৰাৰ্থী হ’ব ডালিম ৰায় ।
নতুন তালিকা অনুসৰি আশুতোষ বাৰ্মাক সীতাই আসনৰ পৰা, নাটাবাৰীৰ পৰা গিৰিজা শংকৰ ৰায়, বাগদাৰ পৰা সোমা ঠাকুৰ, মগৰাহাট পূবৰ পৰা উত্তম কুমাৰ বানিক আৰু ফাল্টাৰ পৰা দেবাংশু পাণ্ডাক টিকট দিয়া হৈছে । সোণাৰপুৰ উত্তৰৰ পৰা দেবাশীষ পাঠক, হাওৰা দক্ষিণৰ পৰা শ্যামল হাতী, পঞ্চলা আসনৰ পৰা ৰঞ্জন কুমাৰ পল, চণ্ডীপুৰৰ পৰা পিয়ুষ কান্তি দাস, গৰবেটাৰ পৰা প্ৰদীপ লোধা, মেমাৰীৰ পৰা মানৱ গুহা আৰু বাৰাবাণী আসনৰ পৰা অৰিজিত ৰায় বিজেপিৰ প্ৰাৰ্থী হ’ব ।
উল্লেখ্য যে, পশ্চিম বংগত দুটা পৰ্যায়ত অনুষ্ঠিত হ’ব বিধানসভা নিৰ্বাচন । ২৩ তাৰিখে প্ৰথম পৰ্যায়ৰ ভোটগ্ৰহণ আৰু ২৯ এপ্ৰিলত দ্বিতীয় পৰ্যায়ৰ ভোটগ্ৰহণ অনুষ্ঠিত হ’ব । অহা ৪ মে’ত ঘোষণা কৰা হ’ব নিৰ্বাচনৰ ফলাফল ।
পশ্চিমবংগৰ ২৯৪খন আসনৰ আটাইকেইখন আসনত প্ৰতিদ্বন্দ্বিতা কৰিছে বিজেপিয়ে । এই পৰ্যন্ত বিজেপিয়ে ২৮৭খন আসনৰ বাবে প্ৰাৰ্থী ঘোষণা কৰিছে । প্ৰথমখন তালিকাত ১৪৪ গৰাকী প্ৰাৰ্থীৰ নাম প্ৰকাশ পোৱাৰ পিছতে দ্বিতীয় তালিকাত ১১১ গৰাকী আৰু তৃতীয় তালিকাত ১৯ গৰাকীৰ নাম প্ৰকাশ কৰিছে দলটোৱে । এতিয়া চতুৰ্থ তালিকাত ১৩ জন প্ৰাৰ্থীৰ নাম ঘোষণা কৰা হৈছে । সুৱেন্দু অধিকাৰী, দিলীপ ঘোষ, অগ্নিমিত্ৰ পল, স্বপন দাসগুপ্ত, নিশিত প্ৰমানিক, ৰূপা গাংগুলী, জিতেন্দ্ৰ কুমাৰ তিৱাৰী, কৌস্তৱ বাগচিকে ধৰি কেইবাগৰাকীও বিশিষ্ট নেতাই প্ৰতিদ্বন্দ্বিতা কৰিব বংগ বিজেপিৰ ।
লগতে পঢ়ক : ইউনিফৰ্ম চিভিল ক’ডৰ পৰা দুই লাখ চাকৰিলৈঃ নিৰ্বাচনী ইস্তাহাৰত বিজেপিৰ বিশেষ ঘোষণা
