ৱসাগৰ বিধানসভা সমষ্টিৰ বাবে নিৰ্বাচনী ৰণত প্ৰৱেশ কৰা কুশল দুৱৰীয়েও আজি দাখিল কৰে মনোময়ন পত্ৰ
আগন্তুক বিধানসভা নিৰ্বাচনৰ বাবে আজি মনোনয়ন দাখিলৰ অন্তিম দিন । অন্তিম দিনটোত বিজেপিৰ কেইবাজনো হেভীৱেইট প্ৰাৰ্থীয়ে দাখিল কৰিলে মনোনয়ন । ইয়াৰ মাজতে শিৱসাগৰ বিধানসভা সমষ্টিৰ বাবে নিৰ্বাচনী ৰণত প্ৰৱেশ কৰা কুশল দুৱৰীয়েও আজি দাখিল কৰে মনোময়ন পত্ৰ । সহস্ৰাধিক সমৰ্থকৰ উপস্থিতিত শিৱসাগৰৰ আয়ুক্ত কাৰ্যালয়ত মনোনয়ন দাখিল কৰে প্ৰাৰ্থীগৰাকীয়ে ।
বহু দিনৰ জল্পনা-কল্পনাৰ অন্ত পেলাই বিজেপিয়ে শিৱসাগৰ সমষ্টিৰ পৰা কুশল দুৱৰীক প্ৰক্ষেপ কৰে । ইয়াৰ পূৰ্বে এনডিএ মিত্ৰজোঁটে এই আসনখন অগপ প্ৰাৰ্থী প্ৰদীপ হাজৰিকাক এৰি দিছিল যদিও অৱশেষত বিজেপিয়ে দুৱৰীক প্ৰাৰ্থিত্ব প্ৰদান কৰে । কুশল দুৱৰীয়ে তেওঁৰ প্ৰতি থকা সমৰ্থনৰ বাবে দলীয় নেতৃত্ব আৰু সমষ্টিৰ ৰাইজক ধন্যবাদ জ্ঞাপন কৰে আৰু আগন্তুক নিৰ্বাচনৰ বাবে নিজৰ জয়ক লৈ আশাবাদী বুলি জনায় ।
ইফালে ডিমৌ সমষ্টিৰ বাবে মনোনয়ন দাখিল কৰে বিজেপি প্ৰাৰ্থী সুশান্ত বৰগোহাঁয়ে । ডিমৌৰ পৰা শিৱসাগৰ জিলা আয়ুক্ত কাৰ্যালয়লৈ সহস্ৰাধিক সমৰ্থকক লগত লৈ মনোনয়ন দাখিল কৰে প্ৰাৰ্থীগৰাকীয়ে ।
সংবাদ মাধ্যমৰ আগত সুশান্ত বৰগোহাঁয়ে জনসাধাৰণৰ সঁহাৰিত অভিভূত হোৱা বুলি উল্লেখ কৰি কয় যে তেওঁ পূৰ্বৰ কোনো নিৰ্বাচনতে এনে সমৰ্থন দেখা নাছিল । বিগত নিৰ্বাচনতকৈ এইবাৰ অধিক ভোটত জয়ী হ’ব বুলি তেওঁ আত্মবিশ্বাস প্ৰকাশ কৰে আৰু এইবাৰ তেওঁৰ মূল প্ৰতিদ্বন্দ্বী হিচাপে অজয় গগৈৰ নাম উল্লেখ কৰে । তেওঁ লগতে কয় যে দলীয় ৰাজনীতিত কেতিয়াবা সংগঠনৰ স্বাৰ্থত প্ৰাৰ্থীসকলে মিত্ৰতাৰ মাজতো প্ৰতিদ্বন্দ্বিতাত অৱতীৰ্ণ হ’বলগীয়া হয় ।
লগতে পঢ়ক : ‘বিধায়ক হ’বলৈ মাতটো মিহি হ’ব লাগিব জোঙা হ’লে নহ’ব’; জ্ঞানশ্ৰী বৰাক কটাক্ষ ৰূপজ্যোতি কুৰ্মীৰ
