ৰাজ্যসভাৰ নিৰ্বাচন বিহাৰত এন ডি এয়ে ক্লিন ছুইপেৰে বৃহৎ বিজয় সাব্যস্ত কৰিছে
ৰাজ্যসভাৰ নিৰ্বাচন বিহাৰত এন ডি এয়ে ক্লিন ছুইপেৰে বৃহৎ বিজয় সাব্যস্ত কৰিছে । ৫খনকৈ আসনত জয়লাভ কৰিছে এন ডি এ । পঞ্চম আসনখনত জয়ী হ’বলৈ এন ডি এক প্ৰয়োজন আছিল তিনিজন বিধায়কৰ । এই প্ৰয়োজনীয়তাৰ মাজতে গ্ৰেণ্ড এলায়েন্সৰ চাৰিজন বিধায়কে ভোটদানৰ পৰা বিৰত থাকে । গ্ৰেণ্ড এলায়েন্সক জয়ী হ’বলৈ প্ৰয়োজন হৈছিল ছয়জন বিধায়কৰ । তেজস্বী যাদৱে এআইএমআইএমৰ পৰা পাঁচজন আৰু বিএছপিৰ পৰা এজন বিধায়ক লাভ কৰি এই কাম পৰিচালনা কৰিছিল যদিও অনুপস্থিত আছিল আৰজেডিৰ এজন বিধায়ক আৰু তিনিজন কংগ্ৰেছ বিধায়ক ।
এই চাৰিজন বিধায়ক ভোটদানৰ পৰা বিৰত থকাত অৱশেষত ৰাজ্যসভাৰ নিৰ্বাচনৰ ফলাফল এন ডি এৰ পক্ষত যায় । লগে লগে পঞ্চম আসনখনো এন ডি এলৈ যায় । ভোটদান নকৰা বিধায়কসকলৰ ভিতৰত আছে বাল্মিকীনগৰৰ কংগ্ৰেছৰ বিধায়ক সুৰেন্দ্ৰ কুশৱাহা, ফৰ্বছগঞ্জৰ কংগ্ৰেছ বিধায়ক মনোজ বিশ্বাস, মণিহাৰীৰ কংগ্ৰেছ বিধায়ক মনোহৰ সিং, ঢাকাৰ আৰজেডিৰ বিধায়ক ফৈছাল ৰহমান ।
এই নির্বাচনত নীতিশ কুমাৰে প্রথম অগ্রাধিকাৰৰ ৪৪টা ভোট লাভ কৰে ৷ নীতিন নবীনে ৪৪টা, উপেন্দ্ৰ কুশৱাহা আৰু ৰামনাথ ঠাকুৰে ৪২টা ভোট লাভ কৰে । ইফালে গ্ৰেণ্ড এলায়েন্সৰ প্ৰাৰ্থী এ ডি সিঙে ৩৭টা ভোট লাভ কৰে ।
জেডিইউৰ জ্যেষ্ঠ নেতা তথা মন্ত্ৰী শ্ৰৱণ কুমাৰে দাবী কৰে যে এনডিএৰ ২০২ গৰাকী বিধায়কে ভোটদান কৰাৰ বিপৰীতে বিৰোধী গ্ৰেণ্ড এলায়েন্সৰ চাৰিজন বিধায়কে ভোটদানৰ পৰা বিৰত থাকে । মিত্ৰজোঁটে পূৰ্ণ শক্তিৰে নিৰ্বাচনী প্ৰতিদ্বন্দ্বিতাত প্ৰৱেশ কৰে । আমাৰ মিত্ৰতাই নিজৰ ঐক্য আৰু কৌশলগত শক্তি প্ৰদৰ্শন কৰিছে ।
লগতে পঢ়ক : বিজেপিয়ে প্ৰকাশ কৰিলে ১৪৪ জনীয়া প্ৰথমখন প্ৰাৰ্থী তালিকা, ‘দিদি’ৰ বিৰুদ্ধে যুঁজত সুবেন্দু অধিকাৰী
