মধ্যপ্ৰাচ্যত আমেৰিকা-ইজৰাইল আৰু ইৰাণৰ সংঘাত এক ভয়ংকৰ টাৰ্নিং পইণ্টত উপনীত হৈছে। যুদ্ধৰ মাজতে আমেৰিকাৰ ৰাষ্ট্ৰপতি ড’নাল্ড ট্ৰাম্পে ইৰাণৰ খাৰ্গ দ্বীপৰ তেল কেন্দ্ৰ সম্পূৰ্ণৰূপে ধ্বংস কৰাৰ হুংকাৰ দিছে।
মধ্যপ্ৰাচ্যত আমেৰিকা, ইজৰাইল আৰু ইৰাণৰ মাজত চলি থকা উত্তেজনা হ্ৰাস পোৱাৰ কোনো লক্ষণ দেখা পোৱা নাই। ইফালে, আমেৰিকাৰ ৰাষ্ট্ৰপতি ড’নাল্ড ট্ৰাম্পৰ এক বিবৃতিত চৰ্চা আৰম্ভ হৈছে।ট্ৰাম্পে ইৰাণৰ খাৰ্গ দ্বীপত অৱস্থিত তেল ৰপ্তানি টাৰ্মিনেলত অধিক আক্ৰমণৰ হুংকাৰ দিছে।
ইমানেই নহয়, তেওঁ ইয়াকো কৈছে যে, আমেৰিকাই ধেমালিৰ বাবেও তাত আকৌ আক্ৰমণ কৰিব পাৰে। ইয়াৰ উপৰিও তেওঁ নিজৰ অংশীদাৰ ৰাষ্ট্ৰসমূহক জনাইছে যে, তেওঁলোকে বিশ্বৰ অন্যতম জটিল তেলৰ পথৰ ভিতৰত অন্যতম হৰমুজ প্ৰণালীৰ নিৰাপত্তাৰ বাবে যুদ্ধজাহাজ নিয়োগ কৰক।
ইৰাণৰ সৈতে চলি থকা আমেৰিকা আৰু ইজৰাইলৰ যুদ্ধ তিনি সপ্তাহ হৈছে, কিন্তু শান্তিৰ ঠাইত এতিয়া ভাবুকি হে তীব্ৰতৰ হৈ পৰিছে। আমেৰিকাৰ ৰাষ্ট্ৰপতি ড’নাল্ড ট্ৰাম্পে এতিয়া ইৰাণক এক সতৰ্কবাণী জাৰি কৰিছে যিয়ে সমগ্ৰ বিশ্বক স্তম্ভিত কৰি তুলিছে।ট্ৰাম্পে কয় যে তেওঁ ইৰাণৰ তেলৰ স্থান সমূহত পুনৰ আক্ৰমণ কৰিব পাৰে—আৰু কেৱল ধেমালিৰ বাবেই তেনে কৰিব পাৰে।
শনিবাৰে এনবিচি নিউজৰ সৈতে হোৱা এক সাক্ষাৎকাৰত ট্ৰাম্পে অতি কঠোৰ সুৰত কয় যে আমেৰিকাৰ আক্ৰমণে খাৰ্গ দ্বীপত অৱস্থিত ইৰাণৰ তেল ৰপ্তানি টাৰ্মিনেলৰ এক বৃহৎ অংশ সম্পূৰ্ণৰূপে ধ্বংস কৰি পেলাইছে।বিষয়টো ইয়াতেই শেষ নহ’ল; ট্ৰাম্পে আৰু কয়, ‘ ‘আমি কেৱল ধেমালিৰ বাবে কেইবাবাৰো আক্ৰমণ কৰিব পাৰিলোঁহেঁতেন।’
লগতে পঢ়ক: ‘খেমেইনীৰ হত্যাৰ প্ৰতিশোধ লোৱা হ’ব,ইয়াৰ মূল্য দিব লাগিব’; ট্ৰাম্পৰ ভাবুকি ইৰাণৰ
