কাইলৈ কৃষকৰ একাউন্টত সোমাব প্ৰধানমন্ত্ৰী কিষাণ সন্মান নিধি যোজনাৰ ২২নং কিস্তিৰ ধন
বহু অপেক্ষাৰ অন্তত ১৩ মাৰ্চ, শুকুৰবাৰে দেশৰ লাখ লাখ কৃষকৰ একাউন্টত সোমাব দুহেজাৰকৈ টকা । কিয়নো কাইলৈ কৃষকৰ একাউন্টত সোমাব প্ৰধানমন্ত্ৰী কিষাণ সন্মান নিধি যোজনাৰ ২২নং কিস্তিৰ ধন । ভাৰত চৰকাৰৰ দ্বাৰা পৰিচালিত এই আঁচনিৰ অধীনত হিতাধিকাৰীক বছৰত তিনিবাৰকৈ ২০০০ টকাকৈ প্ৰদান কৰা হয় ।
এই পৰ্যন্ত আঁচনিৰ ২১টা কিস্তি মুকলি হোৱাৰ পাছত এতিয়া ২২ সংখ্যক কিস্তিৰ সময় । এই কিস্তি কাইলৈ অৰ্থাৎ ১৩ মাৰ্চ, ২০২৬ তাৰিখে মুকলি কৰা হ’ব । গতিকে কিস্তি মুকলি হ’বলৈ মাত্ৰ এটা দিন বাকী আছে । যদি আপুনি এই কিস্তি লাভ কৰে তেন্তে আপুনি আপোনাৰ বেংক একাউণ্টত সোমাল নে নাই সেয়া কেনেকৈ পৰীক্ষা কৰিব ।
কাইলৈ ১৩ মাৰ্চ, ২০২৬ তাৰিখে মুকলি কৰা হ’ব পি এম কিষাণ যোজনাৰ ২২ নং কিস্তি । গুৱাহাটীৰ পৰা এই কিস্তি মুকলি কৰিব প্ৰধানমন্ত্ৰী নৰেন্দ্ৰ মোদীয়ে । বিয়লি ৫ বজাৰ পৰা এই কাৰ্যসূচী আৰম্ভ হ’ব আৰু তাৰ পিছত হিতাধিকাৰীসকলৰ বেংক একাউণ্টলৈ কিস্তি স্থানান্তৰ কৰা হ’ব ।
আপোনাৰ একাউণ্টত কিস্তি জমা হৈছে নে নাই কেনেকৈ পৰীক্ষা কৰিব ?
প্ৰথম পদ্ধতি-
পি এম কিষাণ যোজনাৰ কিস্তি মুকলি হোৱাৰ পিছত চৰকাৰৰ পৰা এটা বাৰ্তা লাভ কৰিব । কিস্তি মুকলিৰ বিষয়ে আপোনাৰ পঞ্জীয়নভুক্ত মোবাইল নম্বৰত অৱগত কৰা হয় । একেধৰণৰ বাৰ্তা বেংকে একাউণ্টধাৰীলৈও প্ৰেৰণ কৰে, য’ত তেওঁলোকক জনোৱা হয় যে আপোনাৰ বেংক একাউণ্টত ২,০০০ টকা জমা হৈছে ।
দ্বিতীয় পদ্ধতি-
চৰকাৰৰ বা বেংকৰ মেছেজ নাপালে ওচৰৰ এটিএমত বেলেঞ্চ চেক কৰিব পাৰে । আপুনি আপোনাৰ একাউণ্টৰ মিনি ষ্টেটমেণ্ট পৰীক্ষা কৰি চাব পাৰে যে ২০০০ টকাৰ কিস্তি আপোনাৰ একাউণ্টত জমা হৈছে নে নাই ।
তৃতীয় পদ্ধতি-
আপুনি আপোনাৰ বেংকলৈ গৈ কিস্তিৰ সুবিধা লাভ কৰিছে নে নাই সেয়া পৰীক্ষা কৰিব পাৰে । ইয়াৰ বাবে পাছবুক আপোনাৰ বেংকলৈ লৈ আহিব লাগিব । আপুনি আপোনাৰ পাছবুক প্ৰিন্ট কৰিব পাৰে আৰু আপুনি আপোনাৰ কিস্তিৰ সুবিধা লাভ কৰিছে নে নাই পৰীক্ষা কৰিব পাৰে ।
লগতে পঢ়ক : অপেক্ষাৰ অন্ত… একাউন্টত দুই হাজাৰ টকা পাবলৈ শীঘ্ৰেই কৰক এই কাম
