হৰমুজ প্ৰণালীক লৈ ইৰাণে এতিয়া আমেৰিকাক মুকলিলৈ প্ৰত্যাহ্বান জনাইছে। ইৰাণৰ সামৰিক বিষয়াসকলে কয় যে আমেৰিকাৰ ৰাষ্ট্ৰপতিগৰাকীৰ যদি সাহস আছে তেন্তে আমেৰিকাৰ যুদ্ধজাহাজৰ সুৰক্ষাত এই পথটোৰে তেল টেংকাৰসমূহক নি দেখুৱাওক।
হৰমুজ প্ৰণালীৰ সন্দৰ্ভত ইৰাণে আমেৰিকা আৰু ইজৰাইললৈ নতুন সতৰ্কবাণী জাৰি কৰিছে। মঙলবাৰে আমেৰিকাৰ ৰাষ্ট্ৰপতি ড’লান্ড ট্ৰাম্পে হৰমুজ প্ৰণালীত বাণিজ্যিক জাহাজক ‘এছকৰ্ট’ দিয়াৰ কথা উল্লেখ কৰিছিল।
তাৰ পিছতেই এতিয়া এই ক্ষেত্ৰত আমেৰিকাৰ ৰাষ্ট্ৰপতি ড’নাল্ড ট্ৰাম্পক ইৰাণে প্ৰত্যাহ্বান জনোৱা হৈছে যে তেওঁলোকে তেল টেংকাৰক ‘এছকৰ্ট’ দি দেখাওক।
দৰাচলতে, হৰমুজ প্ৰণালী হৈছে বিশ্বব্যাপী তেল বাণিজ্যৰ বাবে আটাইতকৈ গুৰুত্বপূৰ্ণ কৰিডৰ।যুদ্ধ আৰম্ভ হোৱাৰ পিছতেই ইৰাণে সকীয়াই দিছিল যে যদি ইয়াৰ ক্ষতি হয় তেন্তে তেওঁলোকে হৰমুজৰ মাজেৰে যোৱা জাহাজবোৰ বন্ধ কৰিব পাৰে। ইয়াৰ পিছত শ শ জাহাজ হৰমুজত আবদ্ধ হৈ পৰে,ইয়াৰ বাবে খাৰুৱা তেলৰ যোগানো প্ৰভাৱিত হৈছিল।
এতিয়া ইৰাণৰ এজন জ্যেষ্ঠ সামৰিক বিষয়াই স্পষ্ট কৰি দিছে যে ইৰানে হৰমুজ প্ৰণালী বন্ধ কৰা নাই। কিন্তু ইজৰাইল আৰু আমেৰিকাৰ জাহাজবোৰ তাৰ মাজেৰে পাৰ হৈ যাব নোৱাৰে।
ইয়াৰ উপৰিও ইৰাণ ৰিভল্যুচনেৰী গাৰ্ডছৰ এগৰাকী মুখপাত্ৰই কয় যে,আমি ট্ৰাম্পক প্ৰত্যাহ্বান জনাইছো যে তেওঁ হৰমুজৰ পৰা পৰা তেল টেংকাৰসমূহ আঁতৰাবলৈ আমেৰিকাৰ জাহাজক ‘এছকৰ্ট’ হিচাপে ব্যৱহাৰ কৰি দেখাওক।
আমেৰিকাৰ কোষাগাৰ সচিব স্কট বেচেণ্টেও হৰমুজ সন্দৰ্ভত এক বিবৃতি প্ৰকাশ কৰে। তেওঁ কয় যে,সেই পথেদি জাহাজসমূহ সুৰক্ষিত ভাৱে উলিয়াই আনিবলৈ আমেৰিকাই চেষ্টা কৰি আছে আৰু সোনকালেই ইয়াৰ সমাধান ওলাব।
লগতে পঢ়ক: “বিনাচৰ্তত আত্মসমৰ্পণৰ বাহিৰে ইৰাণৰ সৈতে কোনো চুক্তি নহ’ব”; যুদ্ধৰ মাজতে ট্ৰাম্পৰ ডাঙৰ ঘোষণা
