মুখ্যমন্ত্ৰী হিমন্ত বিশ্ব শৰ্মাই অসম প্ৰদেশ কংগ্ৰেছৰ প্ৰাক্তন সভাপতি ভূপেন বৰাক বিজেপিত আদৰণি জনাই ।
কংগ্ৰেছত ভেটিত কঁপনি তুলি দেওবাৰে বিজেপিত আনুষ্ঠানিকভাৱে যোগদান কৰে প্ৰদেশ কংগ্ৰেছৰ প্ৰাক্তন সভাপতি ভূপেন বৰাই । মুখ্যমন্ত্ৰী হিমন্ত বিশ্ব শৰ্মাই অসম প্ৰদেশ কংগ্ৰেছৰ প্ৰাক্তন সভাপতি ভূপেন কুমাৰ বৰাক বিজেপিত আদৰণি জনাই কয় যে আজিৰ পৰা বৰাই এক নতুন ৰাজনৈতিক যাত্ৰা আৰম্ভ কৰিব ।
সংবাদ মাধ্যমৰ আগত মুখ্যমন্ত্ৰী ড০ শৰ্মাই ভূপেন বৰাৰ অভিজ্ঞতাক স্বীকাৰ কৰি কয় যে তেওঁ কংগ্ৰেছ দললৈ বহু অৱদান আগবঢ়াইছে । তেওঁ কয়, “ভূপেন কুমাৰ বৰাই কংগ্ৰেছ দলৰ বাবে বহুত অৱদান আগবঢ়াইছে । তেওঁ ৩২ বছৰ ধৰি কংগ্ৰেছ দলত সেৱা আগবঢ়াইছিল । আজিৰ পৰা তেওঁ এক নতুন ৰাজনৈতিক যাত্ৰা আৰম্ভ কৰিব । মই তেওঁলৈ শুভকামনা জনাইছো ।”
আগন্তুক বিধানসভা নিৰ্বাচনৰ পূৰ্বে ৰাজ্যিক বিজেপিৰ সভাপতি দিলীপ শইকীয়া আৰু বিজেপিৰ সাংসদ বৈজয়ন্ত পাণ্ডাৰ উপস্থিতিত ভূপেন বৰাই আজি বিজেপিত যোগদান কৰে । ইয়াৰ পূৰ্বে মঙলবাৰে মুখ্যমন্ত্ৰীয়ে ঘোষণা কৰিছিল যে কংগ্ৰেছ দলৰ পৰা পদত্যাগ কৰাৰ পিছত বৰাই বিজেপিত যোগদান কৰিব ।
মুখ্যমন্ত্ৰী হিমন্ত বিশ্ব শৰ্মাই কয় যে, ভূপেন কুমাৰ বৰাক তেওঁৰ নতুন ৰাজনৈতিক জীৱনৰ বহুত বহুত শুভেচ্ছা জনাইছোঁ । আজিৰে পৰা তেওঁৰ কংগ্ৰেছৰ পৰিচয় সম্পূৰ্ৰূপে নোহোৱা হ’ল । এতিয়া আমি এগৰাকী গৌৰৱী বিজেপিৰ কাৰ্যকৰ্তা হিচাবে, বিজেপিক শক্তিশালী কৰিবলৈ, অসম মাতৃ আৰু ভাৰত মাতৃৰ সেৱা কৰিবলৈ আমি একেলগে কাম কৰিম ।
লগতে পঢ়ক : গেৰুৱা বসন, গেৰুৱা টুপি পিন্ধি আনুষ্ঠানিকভাৱে বিজেপিত যোগদান ভূপেন বৰাৰ
