পাটনা উচ্চ ন্যায়ালয়ৰ জাননী জাৰি কৰাৰ ফলত বিহাৰৰ ৰাজনৈতিক দলসমূহৰ হৃদস্পন্দন বৃদ্ধি পাইছে। বিপদত পৰিছে বিহাৰৰ ৪২ গৰাকীকৈ বিধায়কৰ
দিনে দিনে বিপদ বৃদ্ধি পাইছে বিহাৰৰ কেইবাগৰাকীও বিধায়কৰ। পাটনা উচ্চ ন্যায়ালয়ে বিহাৰ বিধানসভাৰ ৪২ গৰাকী বিধায়কলৈ জাননী জাৰি কৰিছে।এই গোচৰটো মনোনয়নৰ সময়ত দাখিল কৰা শপতনামাত তথ্য লুকুৱাই ৰখাৰ সৈতে জড়িত।
পাটনা উচ্চ ন্যায়ালয়ৰ জ্যেষ্ঠ অধিবক্তা শশী ভূষণ মংগলমে এই সন্দৰ্ভত তথ্য প্ৰদান কৰিছে। তেওঁ কৈছে যে,যি ৪২ গৰাকী বিধায়কক জাননী জাৰি কৰা হৈছে,তেওঁলোকৰ দ্বাৰা দাখিল কৰা শপতনামাত তথ্য সম্পূৰ্ণকৈ আৰু শুদ্ধ তথ্য দিয়া হোৱা নাছিল।
অভিযোগ অনুসৰি একাংশ বিধায়কে শপতনামাৰ কিছু অনুচ্ছেদ খালী কৰি থৈ গৈছিল,যিহেতু সকলো কথাৰ স্পষ্ট তথ্য নিৰ্ধাৰিত আৰ্হিত দিয়াটো প্ৰয়োজনীয়।
ইয়াৰ পিছতো তেওঁৰ মনোনয়ন সংশ্লিষ্ট ৰিটাৰ্নিং অফিচাৰে বৈধ বুলি ঘোষণা কৰে।এই আধাৰতেই পৰাজিত প্ৰাৰ্থী আৰু একাংশ ভোটাৰে এই বিষয়টোক আদালতত প্ৰত্যাহ্বান জনায়।আবেদনখনত কোৱা হৈছে যে শপতনামাত তথ্য লুকুৱাই ৰখাটো এটা গুৰুতৰ বিষয় আৰু ই নিৰ্বাচনী প্ৰক্ৰিয়াৰ স্বচ্ছতাৰ সৈতে জড়িত এক প্ৰশ্ন।
আবেদনকাৰীসকলে কয় যে যদিহে প্ৰয়োজনীয় তথ্য সম্পূৰ্ণৰূপে শপতনামাত দিয়া হোৱা নাছিল বা কিছুমান স্তম্ভ খালী ৰখা হৈছিল, তেন্তে মনোনয়নৰ বৈধতাক লৈ প্ৰশ্ন উত্থাপন কৰাটো স্বাভাৱিক।
গোচৰৰ শুনানি গ্ৰহণ কৰি পাটনা উচ্চ ন্যায়ালয়ে সংশ্লিষ্ট ৪২ গৰাকী বিধায়কক জাননী জাৰি কৰিছে, তেওঁলোকৰ সঁহাৰি বিচাৰি।
আদালতে তেওঁলোকক দাখিল কৰা শপতনামাত তথ্য সন্দৰ্ভত উত্থাপিত প্ৰশ্নসমূহ স্পষ্ট কৰিবলৈ কয় যে, সেইবোৰৰ ওপৰত তেওঁৰ স্থিতি কি? এতিয়া এই গোচৰৰ পৰৱৰ্তী শুনানিৰ সময়ত আদালতে সকলো পক্ষৰ যুক্তি শুনানি গ্ৰহণ কৰিব।
লগতে পঢ়ক: দক্ষিণ কোৰিয়াৰ প্ৰাক্তন ৰাষ্ট্ৰপতিক যাৱজ্জীৱন কাৰাদণ্ড; দেশত জাৰি কৰিছিল সামৰিক আইন
