অধিনায়ক সূৰ্যকুমাৰ যাদৱে পাকিস্তানৰ বিুৰুদ্ধে মেচৰ পূৰ্বে অভিষেক শৰ্মাক লৈ ডাঙৰ মন্তব্য কৰিছে ।
টি-২০ বিশ্বকাপত পাকিস্তানৰ বিৰুদ্ধে হাইভল্টেজ মেচৰ পূৰ্বে টীম ইণ্ডিয়ালৈ সুখবৰ । এই মেচখন অনুষ্ঠিত হোৱাৰ পূৰ্বে অধীৰ আগ্ৰহেৰে ৰৈ থকা ভাৰতীয় অনুৰাগীয়ে লাভ কৰিছে এটা ভাল খবৰ । অধিনায়ক সূৰ্যকুমাৰ যাদৱে শনিবাৰে নিশ্চিত কৰিছে যে দেওবাৰে কলম্বোত অভিষেক শৰ্মাই চিৰ প্ৰতিদ্বন্দ্বী পাকিস্তানৰ বিৰুদ্ধে খেলিব । বিস্ফোৰক বেটছমেনগৰাকীয়ে শেহতীয়াকৈ নামিবিয়াৰ বিৰুদ্ধে খেলখনৰ বাবে ভাৰতীয় মূল একাদশ স্থানত স্থান লাভ নাছিল । অসুস্থতাৰ বাবে তেওঁক চিকিৎসালয়ত ভৰ্তি কৰা হৈছিল যদিও তাৰ পিছত তেওঁক যাবলৈ দিয়া হয় ।
অভিষেকৰ প্ৰত্যাৱৰ্তন-
টি-২০ বিশ্বকাপৰ এই হাই ভল্টেজ সংঘৰ্ষৰ পূৰ্বে ভাৰতীয় অধিনায়ক সূৰ্যকুমাৰ যাদৱে নিশ্চিত কৰে যে অভিষেক শৰ্মাই এই মেচত খেলিব । তেওঁ কয়, “আপোনালোক সকলোৱে যদি অভিষেক শৰ্মাই খেলাটো বিচাৰে তেন্তে আমি তেওঁক খেলোৱাম ।” চলিত প্ৰতিযোগিতাত অভিষেকে এতিয়ালৈকে মাত্ৰ এখন খেলহে খেলিছে । আমেৰিকাৰ বিৰুদ্ধে তেওঁ শূণ্যতে আউট হয় । লগতে অসুস্থতাৰ বাবে নামিবিয়াৰ বিৰুদ্ধে খেলখনত অংশ ল’ব নোৱাৰিলে তেওঁ । এতিয়া পাকিস্তানৰ বিৰুদ্ধে খেলখনৰ বাবে দললৈ উভতি আহিব বিস্ফোৰক অ’পেনাৰ অভিষেক শৰ্মা ।
লগতে পঢ়ক : ভাৰত-পাকিস্তানৰ খেলত খলনায়ক হ’ব পাৰে বৰষুণ; শ্ৰীলংকাৰ বতৰ বিজ্ঞান বিভাগৰ সতৰ্কবাণী জাৰি
