‘মই নেহৰুৰ অন্ধভক্ত নহয়’; দেশৰ প্ৰথম প্ৰধানমন্ত্ৰীক লৈ শশী থাৰুৰ বিস্ফোৰক মন্তব্য

দেশৰ প্ৰথম প্ৰধানমন্ত্ৰী জৱাহৰলাল নেহৰুক কংগ্ৰেছৰ সাংসদ শশী থাৰুৰে ডাঙৰ মন্তব্য কৰিছে। তেওঁ নেহৰুৰ অনুৰাগী কিন্তু সকলো নীতিকে সমৰ্থন নকৰে।

কংগ্ৰেছৰ সাংসদ শশী থাৰুৰে বৃহস্পতিবাৰে (৮ জানুৱাৰী, ২০২৬) কয় যে তেওঁ দেশৰ প্ৰথম প্ৰধানমন্ত্ৰী জৱাহৰলাল নেহৰুৰ অনুৰাগী,কিন্তু তেওঁৰ সকলো নীতিকে সমৰ্থন নকৰে।

নেহৰুৱেই দেশত গণতন্ত্ৰ প্ৰতিষ্ঠা কৰিছিল।নেহৰুৰ ভুলবোৰ স্বীকাৰ কৰিব লাগিব,কিন্তু সকলো কামৰ বাবে কেৱল তেওঁক জগৰীয়া কৰাটো ভুল।

নেহৰুৱে তেওঁৰ কাৰ্যকালত লোৱা কিছুমান সিদ্ধান্ত ভুল হ’ব পাৰে,কিন্তু আমি তেওঁক সকলো কথাৰ বাবে জগৰীয়া কৰিব নোৱাৰো।কেৰালা বিধানসভাৰ আন্তঃৰাষ্ট্ৰীয় গ্ৰন্থ মহোৎসৱত এই মন্তব্য কৰে শশী থাৰুৰে।

তেওঁ বিজেপি চৰকাৰক লৈ কয় যে তেওঁলোক নেহৰু বিৰোধী।তেওঁলোকে সকলো কথাতে নেহৰুক দোষ দিয়ে।কিছুমান ক্ষেত্ৰত নেহৰুক জগৰীয়া কৰাটো যুক্তিসংগত। কাৰণ নেহৰুৱে সেইবোৰত সিদ্ধান্ত লৈছিল,কিন্তু সকলো কথাতে তেওঁক জগৰীয়া কৰা ভুল।

শশী থাৰুৰে লগতে কয় যে, ‘মই জৱাহৰলাল নেহৰুৰ অনুৰাগী,কিন্তু তেওঁৰ অন্ধভক্ত নহয়। তেওঁৰ বুজাবুজি আৰু দৃষ্টিভংগীক মই অতিশয় প্ৰশংসা কৰো আৰু মই তেওঁক বহুত সন্মান কৰো,তথাপিও তেওঁৰ মতামত আৰু নীতিক মই ১০০% সমৰ্থন নকৰো’।

‘তেওঁ এনে বহু কাম কৰিছে,যাৰ বাবে তেওঁক যিমান প্ৰশংসা কৰা যায় সিমান কম হ’ব। আটাইতকৈ গুৰুত্বপূৰ্ণ কথাটো হ’ল যে, সেইজন নেহৰুৱেই আছিল, যিজনে ভাৰতত গণতন্ত্ৰ প্ৰতিষ্ঠা কৰিছিলে।মই নকওঁ যে বিজেপি চৰকাৰ গণতন্ত্ৰ বিৰোধী,কিন্তু তেওঁলোক নেহৰু বিৰোধী। নেহৰু বলিৰ ছাগলী হৈ পৰিছে।’

লগতে পঢ়ক: ডি কে শিৱকুমাৰ, প্ৰিয়ংকা গান্ধী, কানহাইয়া কুমাৰ…; নিৰ্বাচনৰ পূৰ্বে কংগ্ৰেছৰ বিশেষ টীম গঠন