বৈদেশিক পৰিক্ৰমা মন্ত্ৰালয়ে ভাৰতত সংখ্যালঘু লোকৰ ওপৰত পাকিস্তানৰ নিজ দেশৰ অত্যাচাৰৰ অভিলেখৰ দিশটোলৈ আঙুলিয়াই দিয়ে ।
ভাৰতত সংখ্যালঘুৰ আক্ৰমণৰ অভিযোগ সন্দৰ্ভত পাকিস্তানৰ বৈদেশিক মন্ত্ৰালয়ে দিয়া বক্তব্যক সোমবাৰে ভিত্তিহীন বুলি নাকচ কৰে ভাৰতে । বৈদেশিক পৰিক্ৰমা মন্ত্ৰালয়ে ভাৰতত সংখ্যালঘু লোকৰ ওপৰত পাকিস্তানৰ নিজ দেশৰ অত্যাচাৰৰ অভিলেখৰ দিশটোলৈ আঙুলিয়াই দিয়ে । বৈদেশিক মন্ত্ৰালয়ৰ মুখপাত্ৰ ৰণধীৰ জয়ছোৱালে পাকিস্তানক নিজৰ দেশৰ অৱস্থা চাবলৈ পৰামৰ্শ দিয়ে ।
বৈদেশিক মন্ত্ৰালয়ৰ মুখপাত্ৰ ৰণধীৰ জয়ছোৱালে কয় যে পাকিস্তানৰ বৈদেশিক মন্ত্ৰালয়ৰ মুখপাত্ৰ তাহিৰ আন্দ্ৰাবীয়ে দিয়া বক্তব্যসমূহ নতুন দিল্লীয়ে লক্ষ্য কৰি ভিত্তিহীন বুলি অভিহিত কৰিছে । জয়ছোৱালে কয় যে এই বিষয়ত যিখন দেশৰ অগাধ অভিলেখে সেইখন দেশৰ এই মন্তব্য আমি নাকচ কৰিছো ।
তেওঁ কয় যে পাকিস্তানত সংখ্যালঘুসকলৰ লগত কৰা ব্যৱহাৰ সকলোৱে জানে । তেওঁ কয়, “পাকিস্তানত বিভিন্ন ধৰ্মৰ সংখ্যালঘুসকলৰ ওপৰত হোৱা ভয়ংকৰ আৰু পদ্ধতিগত নিৰ্যাতন এটা সকলোৱে জনা কথা । কোনো পৰিমাণৰ আঙুলি টোৱাই এই কথাটো মচি পেলাব নোৱাৰে ।”
পাকিস্তানৰ বৈদেশিক মন্ত্ৰালয়ে জাৰি কৰা এক আনুষ্ঠানিক বিবৃতিত দাবী কৰা হৈছে যে ভাৰতত বৰদিনৰ পূৰ্বে হিংসাত্মক ঘটনা সংঘটিত হৈছিল, যাৰ ফলত ধৰ্মীয় সংখ্যালঘুসকলৰ মাজত ভয় আৰু নিৰাপত্তাহীনতাৰ ভাৱ বাঢ়িছে । পাকিস্তানে অভিযোগ কৰে যে, “ভাৰতত সংখ্যালঘুসকলৰ ওপৰত হোৱা নিৰ্যাতন গভীৰ চিন্তাৰ বিষয় । কেৱল খ্ৰীষ্টান উৎসৱক লক্ষ্য কৰি লোৱাই নহয়, মুছলমানৰ বিৰুদ্ধেও হিংসা সংঘটিত কৰা হৈছিল ।”
এইখন এনে এখন পাকিস্তান য’ত সংখ্যালঘুৰো কোনো অধিকাৰ নাই । বেলুচিস্তানৰ যুৱক-যুৱতী আৰু মহিলাসকলৰ লগত যি ঘটি আছে সেয়া বিশ্বৰ মঞ্চত স্পষ্টভাৱে দেখা গৈছে । ৰাষ্ট্ৰসংঘৰ এক প্ৰতিবেদনত দাবী কৰা হৈছে যে প্ৰতি বছৰে পাকিস্তানত প্ৰায় ১০০০ গৰাকী হিন্দু আৰু খ্ৰীষ্টান ছোৱালীক অপহৰণ কৰি ধৰ্মান্তৰিত কৰি জোৰকৈ বিয়া কৰাই দিয়া হয় ।
মানৱ অধিকাৰৰ তথ্যপত্ৰ অনুসৰি ২০২২ চনত ১২৪ গৰাকী হিন্দু ছোৱালীক বলপূৰ্বকভাৱে ধৰ্মান্তৰিত কৰি মুছলমান পুৰুষৰ লগত বিয়া কৰোৱা হৈছিল । ২০১৯ চনৰ পৰা ২০২৫ চনলৈ হিন্দুৰ বিৰুদ্ধে ৩৩৪ টা গুৰুতৰ হিংসা আৰু হত্যাৰ গোচৰ ৰুজু হৈছিল ।
লগতে পঢ়ক : আমেৰিকা এতিয়া প্ৰকৃত ৰাষ্ট্ৰসংঘঃ ট্ৰাম্পৰ ডাঙৰ ঘোষণা, ভাৰত-পাককে ধৰি ৮ খন যুদ্ধৰ সমাধানৰ দাবী
