বিহাৰৰ মুখ্যমন্ত্ৰী নীতিশ কুমাৰৰ হিজাব বিতৰ্কক লৈ চৰ্চা অব্যাহত আছে। এইবাৰ এই বিতৰ্কক লৈ প্ৰতিক্ৰিয়া প্ৰকাশ কৰিছে গীতিকাৰ জাভেদ আখতাৰে।
বৰ্তমান সময়ত বিহাৰৰ মুখ্যমন্ত্ৰী নীতিশ কুমাৰৰ হিজাব বিতৰ্ক তুংগত উঠিছে। এটা অনুষ্ঠানত নীতিশ কুমাৰে এগৰাকী মহিলা চিকিৎসকৰ মুখৰ পৰা বোৰ্খা আঁতৰাবলৈ চেষ্টা কৰিছিল।
বহু চেলিব্ৰিটিয়ে এই সন্দৰ্ভত নিজৰ ক্ষোভ প্ৰকাশ কৰিছে,এতিয়া বিশিষ্ট কবি তথা গীতিকাৰ জাভেদ আখতাৰেও এই বিষয়ত প্ৰতিক্ৰিয়া প্ৰকাশ কৰিছে।
বিশিষ্ট গীতিকাৰ গৰাকীয়ে এই প্ৰতিক্ৰিয়া সেই সময়ত প্ৰকাশ কৰিছে যেতিয়া বিহাৰৰ মুখ্যমন্ত্ৰী গৰাকীৰ প্ৰতি সমৰ্থন প্ৰকাশ কৰি বোৰ্খা সন্দৰ্ভত তেওঁৰ বক্তব্য ছ’চিয়েল মিডিয়াত ভাইৰেল হৈ পৰিছে।
জাভেদ আখতাৰে এক্সত পোষ্ট কৰি নিজৰ মতামত প্ৰকাশ কৰে।নীতিশ কুমাৰৰ এই কাৰ্যক গৰিহণা দি তেওঁ লিখিছে- যিসকলে মোক অলপো চিনি পায়…আৰু তেওঁলোকে জানে মই পৰ্দা প্ৰথাৰ পৰম্পৰাগত ধাৰণাটোৰ কিমান বিৰোধী।
কিন্তু ইয়াৰ অৰ্থ এইটো একেবাৰেই নহয় যে মই মুখ্যমন্ত্ৰী গৰাকীয়ে এগৰাকী মুছলমান মহিলা চিকিৎসকৰ সৈতে কৰা আচৰণটো মই মানি ল’ব পাৰো।
এই কথাটো মই অতি কঠোৰভাৱে গৰিহণা দিছো।মহিলাগৰাকীৰ ওচৰত মুখ্যমন্ত্ৰী গৰাকীয়ে বিনাচৰ্তে ক্ষমা খুজিব লাগে।
নৱেম্বৰ মাহত বোৰ্খা সন্দৰ্ভত দিয়া এক বক্তব্য ভাইৰেল হোৱাৰ পিছত জাভেদ আখতাৰে এই স্পষ্টীকৰণ দিছে।
লগতে পঢ়ক: মাতৃ হ’বলৈ ওলাইছে নেকি সোভিতা ধূলিপালা? শহুৰ নাগাৰ্জুনে দিলে প্ৰতিক্ৰিয়া
