প্ৰধানমন্ত্ৰী মোদীক সাক্ষাৎ চীনৰ বিদেশ মন্ত্ৰীৰ
চীনৰ বৈদেশিক মন্ত্ৰী ৱাং য়ীয়ে মঙলবাৰে প্ৰধানমন্ত্ৰী নৰেন্দ্ৰ মোদীক তেওঁৰ চৰকাৰী বাসগৃহত সাক্ষাৎ কৰে । ৱাং য়ীয়ে প্ৰধানমন্ত্ৰী মোদীক চাংহাই সহযোগিতা সংস্থাৰ সন্মিলনৰ কাৰ্যসূচী আৰু চীন-ভাৰত সম্পৰ্কৰ শেহতীয়া অগ্ৰগতিৰ বিষয়ে অৱগত কৰে । আগন্তুক চীন ভ্ৰমণৰ পূৰ্বে ৱাঙৰ সৈতে প্ৰধানমন্ত্ৰী মোদীৰ এই বৈঠক অনুষ্ঠিত হয় ।
আমেৰিকাৰ সৈতে উত্তেজনাৰ মাজতে চীন আৰু ভাৰতে নিজৰ সম্পৰ্ক উন্নত কৰাৰ কাম আৰম্ভ কৰিছে । সোমবাৰে ভাৰতত উপস্থিত হয় ৱাং । প্ৰধানমন্ত্ৰী মোদীক সাক্ষাৎ কৰাৰ পূৰ্বে বৈদেশিক পৰিক্ৰমা মন্ত্ৰী এছ জয়শংকৰ আৰু এন এছ এ অজিত ডোভালক সাক্ষাৎ কৰে তেওঁ । সন্ধিয়া প্ৰায় ৬:৩০ বজাত চীনৰ বৈদেশিক মন্ত্ৰী ৱাং য়ীৰ কনভয় প্ৰধানমন্ত্ৰী নৰেন্দ্ৰ মোদীৰ চৰকাৰী বাসগৃহ ৭ লোক কল্যাণ মাৰ্গৰ পৰা ওলাই অহা দেখা যায় ।
ইফালে বৈঠক সন্দৰ্ভত তথ্য দি প্ৰধানমন্ত্ৰীয়ে এক্সত লিখিছে, ‘বিদেশ মন্ত্ৰী ৱাং য়িক লগ পাই আনন্দিত হৈছো । যোৱা বছৰ কাজানত ৰাষ্ট্ৰপতি ছি জিনপিঙৰ সৈতে মোৰ সাক্ষাৎৰ পিছৰে পৰা ইজনে সিজনৰ স্বাৰ্থ আৰু সংবেদনশীলতাৰ প্ৰতি সন্মান জনাই ভাৰত-চীনৰ সম্পৰ্ক ক্ৰমাগতভাৱে আগবাঢ়িছে । ভাৰত আৰু চাংহাই সহযোগিতা সংস্থা (এছ চি অ’) শীৰ্ষ সন্মিলনৰ সময়ত টিয়ানজিনত আমাৰ পৰৱৰ্তী বৈঠকৰ বাবে মই আগ্ৰহী । ভাৰত আৰু চাংহাইৰ মাজত সুস্থিৰ, নিৰ্ভৰযোগ্য আৰু গঠনমূলক সম্পৰ্ক আঞ্চলিক আৰু বিশ্ব শান্তি আৰু সমৃদ্ধিৰ ক্ষেত্ৰত চীনে যথেষ্ট অৰিহণা যোগাব ।
চীন ভ্ৰমণলৈ যাব প্ৰধানমন্ত্ৰী মোদী-
সংবাদ মাধ্যমৰ বাতৰি অনুসৰি ৱাঙৰ এই ভ্ৰমণৰ সহায়ত দুয়োপক্ষই চাংহাই সহযোগিতা সংস্থাৰ বাৰ্ষিক শীৰ্ষ সন্মিলনত অংশগ্ৰহণৰ বাবে প্ৰধানমন্ত্ৰী মোদীৰ চীন ভ্ৰমণৰ বাবে প্ৰস্তুতি সম্পূৰ্ণ কৰিব পাৰে । প্ৰধানমন্ত্ৰী মোদীয়ে ৩১ আগষ্টৰ পৰা ১ ছেপ্টেম্বৰৰ ভিতৰত চীন ভ্ৰমণ কৰি চাংহাই সহযোগিতা সংস্থাৰ সন্মিলনত অংশগ্ৰহণ কৰিব পাৰে ।
ভাৰত আৰু পাকিস্তানৰ মাজত মধ্যস্থতাৰ প্ৰস্তাৱ-
চীনৰ বৈদেশিক মন্ত্ৰী ৱাং য়ীৰ ভ্ৰমণৰ মাজতে চীনে ভাৰত-পাকিস্তানৰ সম্পৰ্কত মধ্যস্থতা কৰাৰ প্ৰস্তাৱ দিছে । চীনে কয় যে দুয়োখন দেশৰ মাজত বন্ধুত্বপূৰ্ণ সম্পৰ্ক বিচাৰে আৰু তেওঁলোকৰ সমস্যা সমাধানৰ ক্ষেত্ৰত ইতিবাচক ভূমিকা ল’ব পাৰে । আনহাতে, মঙলবাৰৰ পৰা এছ জয়শংকৰে ৰাছিয়া ভ্ৰমণ আৰম্ভ কৰিছে ।
লগতে পঢ়ক : ট্ৰাম্পক সাক্ষাৎ কৰাৰ পূৰ্বে শান্তি আলোচনাৰ বাবে চৰ্ত নিৰ্ধাৰণ জেলেনস্কিৰ…
