জম্মু-কাশ্মীৰৰ পহলগামৰ ভয়াবহ ঘটনাই সকলোকে স্তম্ভিত কৰি তুলিছে । মঙলবাৰৰ এই সন্ত্ৰাসবাদী আক্ৰমণত ২৬ জন লোকৰ মৃত্যু হোৱা বুলি আশংকা কৰা হৈছে । এই আক্ৰমণৰ বিৰুদ্ধে দুখ আৰু ক্ষোভত ফাটি পৰিছে বলীউডৰ চেলিব্ৰিটিসকলো । সঞ্জয় দত্ত, অক্ষয় কুমাৰ, অনুপম খেৰ আৰু বিকি কৌশলে পোষ্ট কৰি নিজৰ অনুভৱ ব্যক্ত কৰিছে । তেওঁলোকে এই ভয়াবহ ঘটনাক লৈ শংকা প্ৰকাশ কৰিছে ।
অক্ষয়ে কৰিলে প্ৰাৰ্থনা –
অক্ষয় কুমাৰে লিখিছে যে পহলগামত পৰ্যটকৰ ওপৰত সন্ত্ৰাসবাদী আক্ৰমণৰ খবৰ শুনি তেওঁ স্তম্ভিত হৈ পৰিছে । এনেদৰে নিৰীহ মানুহক হত্যা কৰাটো বৰ্বৰতা । ভুক্তভোগীৰ পৰিয়ালৰ বাবে প্ৰাৰ্থনা জনাইছে বুলি কয় অভিনেতাজনে ।
সঞ্জয় দত্তৰ আবেদন-
ক্ষোভ প্ৰকাশ কৰি সঞ্জয় দত্তই লিখিছে – তেওঁলোকে আমাৰ মানুহক নিৰ্মমভাৱে হত্যা কৰিলে । এই কথা ক্ষমা কৰিব নোৱাৰি । এই সন্ত্ৰাসবাদীসকলে জনাটো প্ৰয়োজন যে আমি মনে মনে নাথাকো । ইয়াৰ উপযুক্ত উত্তৰ আমি দিব লাগিব । আমাৰ প্ৰধানমন্ত্ৰী নৰেন্দ্ৰ মোদীজী, গৃহমন্ত্ৰী অমিত শ্বাহজী আৰু প্ৰতিৰক্ষা মন্ত্ৰী ৰাজনাথ সিংজীক তেওঁৰ কৰ্মৰ বাবে উপযুক্ত শাস্তি দিবলৈ অনুৰোধ জনালোঁ ।
অনুপম খেৰৰ শোক প্ৰকাশ-
অনুপম খেৰে এই ঘটনাক লৈ শোক প্ৰকাশ কৰিছে । তেওঁ আৱেগিক হৈ ক’লে – ভুল, ভুল, ভুল! পহলগাম হত্যাকাণ্ড! শব্দ আজি নপুংসক! ইয়াৰ সমান্তৰালকৈ তেওঁ ভিডিঅ’টোত কৈছে- আজি পহলগামত হিন্দুৰ লগত সংঘটিত হোৱা গণহত্যা, য’ত ২৭ জন হিন্দুক নিৰ্বাচিতভাৱে হত্যা কৰা হ’ল, সেই হত্যাকাণ্ডই নিশ্চয় হৃদয়ত দুখ কঢ়িয়াই আনিছে, কিন্তু খং আৰু ক্ষোভৰ কোনো সীমা নাই ।
অজয় দেৱগনৰ প্ৰতিক্ৰিয়া-
অজয় দেৱগনেও এই ঘটনাক লৈ শোক প্ৰকাশ কৰি লিখিছে- পহলগামত সংঘটিত সন্ত্ৰাসবাদী আক্ৰমণৰ খবৰ পাই মই অতি দুখী আৰু স্তম্ভিত হৈছো । ইয়াৰ বলি হোৱা লোকসকল আৰু তেওঁলোকৰ পৰিয়াল, তেওঁলোক সকলো নিৰীহ আছিল । যি হ’ল সেয়া হৃদয়বিদাৰক আৰু সম্পূৰ্ণ অমানৱীয় । মোৰ সমবেদনা আৰু প্ৰাৰ্থনা তেখেতসকলৰ লগত আছে ।
অমানৱীয় কাণ্ড বুলি অভিহিত কৰে বিকি কৌশলে-
অভিনেতা বিকি কৌশলে নিজৰ ইনষ্টাগ্ৰামত এটা ষ্টৰী শ্বেয়াৰ কৰি লিখিছে, ‘পহলগামত সন্ত্রাসবাদীৰ অমানৱীয় কার্যৰ ফলত আপোনজনক হেৰুৱাই পেলোৱা পৰিয়ালৰ বেদনা মই কল্পনা কৰিব নোৱাৰো ৷ মোৰ গভীৰ সমবেদনা তেওঁলোকৰ প্ৰতি । লগতে এই জঘন্য অপৰাধৰ দোষীয়ে কঠোৰ শাস্তি লাভ কৰিব বুলি আশা কৰা হৈছে ।
