ৱাকফ বিধেয়কক লৈ চলি আছে বিতৰ্ক।আজিও এই বিষয়ত শুনানিৰ সময়ত উচ্চতম ন্যায়ালয়ে এই বিষয়ত চৰকাৰক সকাহ দি ৭ দিনৰ ভিতৰত উত্তৰ দাখিল কৰিবলৈ কৈছে।
এই সন্দৰ্ভত পশ্চিম বংগৰ মুখ্যমন্ত্ৰী মমতা বেনাৰ্জীয়ে অহৰহ চৰকাৰক লক্ষ্য কৰি লৈছে।আকৌ এবাৰ তেওঁ পিএম মোডীক লৈ কটাক্ষ কৰিছে।
তেওঁ ক’লে যে আপুনি মুছলমানৰ বিৰোধী, কিন্তু চৌদি আৰৱত, আপুনি মুছলমানক সাক্ষাৎ কৰে। মুছলমান ধৰ্মগুৰুসকলৰ সৈতে হোৱা বৈঠকত এক সভাত ভাষণ দি মমতা বেনাৰ্জীয়ে কয় যে, আপুনি ডুবাই, ইউ এ ই লৈ যায়, তেতিয়া তাত আপুনি কাৰ আতিথ্য গ্ৰহণ কৰে?
আপুনি নিজৰ দেশত এটা কথা কয় আৰু বেলেগ দেশত আন এটা কথা কয়। লগতে তেওঁ ৱাকফ (সংশোধনী) আইন, ২০২৫ ৰ বিৰুদ্ধে একত্ৰিত হৈ থাকিবলৈ আৰু একেলগে যুঁজিবলৈ আহ্বান কৰিছে, যাৰ পাছ হোৱাৰ পিছতেই বিৰোধীৰ তীব্ৰ আপত্তি আৰু প্ৰতিবাদ দেখিবলৈ পোৱা গৈছে।
লগতে মমতা বেনাৰ্জীয়ে কয় যে মই ভাৰত ব্লকত আবেদন কৰিম, আহক আমি ঐক্যবদ্ধ হৈ থাকো আৰু একেলগে সাহসেৰে যুঁজ দিওঁ। এইটো কোনো ব্যক্তিগত কথা নহয়।
ইয়াৰ প্ৰভাৱ সকলোৰে ওপৰত পৰিব। আজি আপোনাৰ বিৰুদ্ধে এনেকুৱা হৈছে। কাইলৈ আন কাৰোবাৰ বিৰুদ্ধে হ’ব।
উল্লেখ যোগ্য যে ৱাকফ আইনক লৈ পশ্চিমবংগৰ মুৰ্ছিদাবাদত হিংসাত্মক ঘটনা সংঘটিত হৈছিল।এই হিংসাত তিনিজন লোকে প্ৰাণ হেৰুৱাৰ লগতে বহু লোক আহত হৈছিল।ইয়াৰ তদন্তৰ বাবে SIT গঠন কৰা হৈছে।
