প্ৰথমবাৰৰ বাবে গুৱাহাটীত অনুষ্ঠিত হ’ব টেষ্ট মেচ । এদিনীয়া, টি-২০ আৰু আই পি এলৰ পিছত এইবাৰ অসমৰ ক্ৰিকেট প্ৰেমীয়ে বৰ্ষাপাৰাত উপভোগ কৰিব পাৰিব টেষ্ট মেচ । ইতিমধ্যে বি চি চি আইয়ে ২০২৫ চনৰ বাবে টিম ইণ্ডিয়াৰ ঘৰুৱা আন্তঃৰাষ্ট্ৰীয় ছিজনৰ সময়সূচী ঘোষণা কৰিছে । আগন্তুক ছিজনত ভাৰতে ৱেষ্ট ইণ্ডিজ আৰু দক্ষিণ আফ্ৰিকাৰ বিৰুদ্ধে খেলিব, য’ত টেষ্ট মেচ, ৱান ডে ইণ্টাৰনেশ্যনেল আৰু টি-২০ ইণ্টাৰনেশ্যনেল (টি-২০ আই) অন্তৰ্ভুক্ত আছে ।
ভাৰতীয় দলৰ ঘৰুৱা ছিজন ২০২৫ চনৰ ২ অক্টোবৰত আহমেদাবাদত ৱেষ্ট ইণ্ডিজৰ বিৰুদ্ধে টেষ্ট শৃংখলাৰ যোগেদি আৰম্ভ হ’ব । এই শৃংখলাৰ দ্বিতীয় আৰু অন্তিম টেষ্ট ১০ অক্টোবৰৰ পৰা কলকাতাত অনুষ্ঠিত হ’ব । ৱেষ্ট ইণ্ডিজৰ বিৰুদ্ধে শৃংখলাৰ পিছত ভাৰতে তিনিওটা ফৰ্মেটতে দক্ষিণ আফ্ৰিকাৰ বিৰুদ্ধে যুঁজত অৱতীৰ্ণ হ’ব । দক্ষিণ আফ্ৰিকাৰ বিৰুদ্ধে টেষ্ট শৃংখলা ঐতিহাসিক হ’ব কাৰণ গুৱাহাটীৰ বৰ্ষাপাৰা ক্ৰিকেট ষ্টেডিয়ামত প্ৰথমবাৰৰ বাবে অনুষ্ঠিত হ’বলৈ গৈ আছে টেষ্ট মেচ । ১৪ নৱেম্বৰত নতুন দিল্লীত আৰম্ভ হ’ব এই শৃংখলা, ২২ নৱেম্বৰত গুৱাহাটীত আৰম্ভ হ’ব শৃংখলাৰ দ্বিতীয়খন টেষ্ট ।
ডিচেম্বৰ মাহত ভাৰত আৰু দক্ষিণ আফ্ৰিকাৰ মাজত তিনিখনীয়া মেচৰ এদিনীয়া শৃংখলা আৰু পাঁচখনীয়া মেচৰ টি-২০ শৃংখলা অনুষ্ঠিত হ’ব আৰু ইয়াৰ অন্তিমখন খেল আহমেদাবাদত অনুষ্ঠিত হ’ব ।
টিম ইণ্ডিয়াৰ ২০২৫ চনৰ ঘৰুৱা আন্তঃৰাষ্ট্ৰীয় ছিজনৰ সম্পূৰ্ণ সূচী :
ৱেষ্ট ইণ্ডিজৰ ভাৰত ভ্ৰমণ :
– ১ম টেষ্ট : ০২ অক্টোবৰ ২০২৫ – ০৬ অক্টোবৰ ২০২৫, আহমেদাবাদ
– দ্বিতীয় টেষ্ট : ১০ অক্টোবৰ, ২০২৫ – ১৪ অক্টোবৰ, ২০২৫, কলকাতা
দক্ষিণ আফ্ৰিকাৰ ভাৰত ভ্ৰমণ :
– ১ম টেষ্ট : ১৪ নৱেম্বৰ, ২০২৫ – ১৮ নৱেম্বৰ, ২০২৫, নতুন দিল্লী
– ২য় টেষ্ট : ২২ নৱেম্বৰ, ২০২৫ – ২৬ নৱেম্বৰ, ২০২৫, গুৱাহাটী –
১ম এদিনীয়া : ৩০ নৱেম্বৰ, ২০২৫, ১:৩০ বজাৰ পৰা, ৰাঁচী
– ২য় এদিনীয়া : ০৩ ডিচেম্বৰ ২০২৫, ১:৩০ বজাৰ পৰা , ৰায়পুৰ
– ৩য় এদিনীয়া : ০৬ ডিচেম্বৰ ২০২৫, ১:৩০ বজাৰ পৰা, বিশাখাপট্টনম
– ১ম টি-২০ : ০৯ ডিচেম্বৰ ২০২৫, ৭:০০ বজাৰ পৰা, কটক
– ২য় টি-২০ : ১১ ডিচেম্বৰ, ২০২৫, ৭:০০ বজাৰ পৰা, নিউ চণ্ডীগড়
– ৩য় টি২০ : ১৪ ডিচেম্বৰ, ২০২৫, ৭:০০ বজাৰ পৰা, ধৰমশালা
– চতুৰ্থ টি২০ : ১৭ ডিচেম্বৰ ২০২৫, ৭:০০ বজাৰ পৰা, লক্ষ্ণৌ
– ৫ম টি২০ : ১৯ ডিচেম্বৰ, ২০২৫, সন্ধিয়া ৭:০০ বজাৰ পৰা, আহমেদাবাদ
এই ছিজন ভাৰতীয় ক্ৰিকেটৰ বাবে এক ৰোমাঞ্চকৰ সময় হ’ব, দেশৰ বিভিন্ন চহৰত খেল অনুষ্ঠিত হ’ব ।
