পাকিস্তানৰ প্ৰাক্তন প্ৰধানমন্ত্ৰী আৰু পাকিস্তান তেহjfক-ই-ইনচাফ (পিটিআই)ৰ প্ৰতিষ্ঠাপক ইমৰান খান বৰ্তমান কাৰাগাৰত আছে। তেওঁৰ পত্নী বুশ্ৰা বিবিও কাৰাগাৰৰ ভিতৰতে আছে।
বহু কেইটা গোচৰত অভিযুক্ত, ইমৰান খান আৰু বুশ্ৰা বিবিৰ কাৰাবাস সম্পৰ্কীয় বাতৰি প্ৰায়ে ওলাই থাকে। এটা শেহতীয়া প্ৰতিবেদনে তেওঁলোকৰ খাদ্যৰ তালিকা আৰু আহাৰৰ মেনুৰ সৈতে সম্পৰ্কিত ব্যয়বোৰ প্ৰকাশ পাইছে।
ৰাৱালপিণ্ডি আৰু আদিয়ালা কাৰাগাৰত বন্দী হৈ থকা ইমৰান আৰু বুশ্ৰাৰ ব্যয় যথেষ্ট বৃদ্ধি হোৱাৰ পিছত এই প্ৰতিবেদন প্ৰকাশ পাইছে।
খবৰ অনুসৰি কেইমাহমান আগলৈকে প্ৰতি মাহে ব্যয় আছিল প্ৰায় ৪ৰ পৰা ৫ লাখ টকা, কিন্তু এতিয়া সেই ব্যয় ৭ লাখ টকালৈ বৃদ্ধি হৈছে।
জানিব পৰা মতে প্ৰাক্তন প্ৰধানমন্ত্ৰী ইমৰান খানে নিজেই ৰাতিপুৱাৰ, দুপৰীয়াৰ আৰু ৰাতিৰ আহাৰৰ মেনু নিৰ্ধাৰণ কৰে। ইফালে, ইমৰান খানৰ পত্নী বুশ্ৰা বিবিৰ খাদ্য ‘সেৱক বন্দী’ৰ দ্বাৰা পাকঘৰত পৃথকে প্ৰস্তুত কৰা হয়।
ইমৰান খানে কাৰাগাৰত খোৱা ৰাতিপুৱাৰ আহাৰৰ বিষয়ে কবলৈ গ’লে, তেওঁ সতেজ ৰস আৰু সতেজ ফল খাবলৈ ভাল পায়। তেওঁ দিনত তিনিবাৰ কফি খায়। ইয়াৰ উপৰিও, তেওঁক পৰিৱেশন কৰা সকলোবোৰ প্ৰথমে পুষ্টিৰ বাবে পৰীক্ষা কৰা হয়।
ইমৰান খানে গুলপীয়া চালমন মাছৰ চুপ আৰু লোকেল মুৰ্গীৰ জোল খাবলৈ ভাল পায়। জানিব পৰা মতে মাছটো প্ৰতি কিলোগ্ৰামত প্ৰায় ১১ হাজাৰ টকা।
এই সকলো ব্যয়বহুল বস্তুৰ বাবে, ইমৰান খান আৰু তেওঁৰ পত্নী বুশ্ৰাই মাহে ৭০০,০০০ টকা খৰচ কৰিছে। অৱশ্যে, এই ব্যয় চৰকাৰে সামৰি লোৱা নাই, বৰঞ্চ ইমৰান খানৰ পৰিয়ালে পৰিশোধ কৰিছে।
ইমৰান খান আৰু বুশ্ৰা বিবিৰ এখন মেনুৱেল একাউণ্ট আছে। এই একাউণ্টত, ইমৰান খানৰ পৰিয়ালে ধন জমা কৰে, আৰু যেতিয়া একাউণ্টটোৰ পুঁজি শেষ হয়, কাৰাগাৰ বিভাগে পৰিয়ালটোক সতৰ্ক কৰি দিয়ে, যাৰ পিছত তেওঁলোকে পুনৰ একাউণ্টত ধন জমা কৰে।
