কেলিফৰ্ণিয়াৰ বনজুইত এতিয়ালৈকে লছ এঞ্জেলছত ১৬ জন লোকৰ মৃত্যু হোৱাৰ লগতে ১২ হাজাৰৰো অধিক অট্টালিকা জ্বলি গৈছে । অগ্নিনিৰ্বাপক বাহিনীয়ে জুই নিয়ন্ত্ৰণৰ বাবে সংগ্ৰাম কৰি আছে । যদিও ইটন আৰু পেলিছাডছৰ জুই নিয়ন্ত্ৰণত কিছু সফলতা লাভ কৰা হৈছে, তথাপিও প্ৰচণ্ড বতাহে জুই নিয়ন্ত্ৰণ কৰাত অসুবিধাৰ সৃষ্টি কৰিছে ।
প্ৰচণ্ড বতাহৰ ফলত এই জুই ছান ফ্ৰান্সিস্কো চহৰতকৈও ডাঙৰ, ৩৯ হাজাৰ একৰতকৈও অধিক মাটিত বিয়পি পৰিছে । পেলিছাডেছ অগ্নিকাণ্ডত ২২,৬৬০ একৰ ভূমি জ্বলি যায় । আনহাতে ৫৩০০ৰো অধিক অট্টালিকা ধ্বংস বা ক্ষতিগ্ৰস্ত হৈছে । প্ৰচণ্ড বতাহৰ বাবে জুই নিয়ন্ত্ৰণ কৰাটো কঠিন হৈ পৰিছে । শুকান গছ-গছনিয়ে জুইৰ ইন্ধনৰ কাম কৰি আছে । ১ লাখ ৫৩ হাজাৰৰো অধিক লোকক খালী কৰা হৈছে । তাৎক্ষণিকভাৱে বিপদত পৰিছে ৫৭ হাজাৰ নিৰ্মাণ ।
প্ৰধান প্ৰভাৱিত অঞ্চল-
পেচিফিক পেলিছাডছত ২২ হাজাৰ একৰ মাটিত জুই জ্বলি উঠিছে । ৫ হাজাৰৰো অধিক নিৰ্মাণ ধ্বংস হোৱাৰ বিপৰীতে ৪২৬টা ঘৰ জ্বলি যায় । মাত্ৰ ১১% জুই নিয়ন্ত্ৰণ কৰা হৈছে । পেলিছাডছৰ বনজুইৰ ভিডিঅ’ ভাইৰেল হৈ পৰিছে, য’ত দেখা গৈছে জুইৰ ধ্বংসলীলা । ছান ফাৰ্নাণ্ডো ভেলী আৰু ব্ৰেণ্টউডৰ দৰে আড়ম্বৰপূৰ্ণ অঞ্চল এতিয়াও বিপদত আছে । ৪০৫ ফ্ৰীৱে’ৰ কাষ চাপিছে বনজুই ।
সন্ধানহীন হোৱা লোকৰ সংখ্যা-
এতিয়াও সন্ধানহীন হৈ আছে ১৩জন লোক । ডগ স্কোয়াডৰ সৈতে চাৰ্চ অপাৰেচন অব্যাহত আছে । লছ এঞ্জেলছৰ বনজুইৰ ফলত হোৱা আনুমানিক ক্ষতিৰ পৰিমাণ ১৩৫–১৫০ বিলিয়ন ডলাৰ হোৱাৰ অনুমান কৰা হৈছে । মেক্সিকোৱেও কেলিফৰ্ণিয়াত সাহায্য আৰু উদ্ধাৰ অভিযানত কানাডাৰ সৈতে যোগ দিছে । মেক্সিকোৰ পৰা অহা ১৪ হাজাৰতকৈ অধিক অগ্নিনিৰ্বাপক বাহিনী পেলিছাডছৰ অগ্নিকাণ্ডৰ বিৰুদ্ধে যুঁজিবলৈ আমেৰিকাৰ ৰাজ্যখনত আছে ।
ৰাষ্ট্ৰপতি জো বাইডেনৰ প্ৰতিক্ৰিয়া-
ৰাষ্ট্ৰপতি জো বাইডেনে বনজুইত ক্ষতিগ্ৰস্ত লোকসকলৰ বাবে ফেমা (ফেডাৰেল ইমাৰ্জেন্সি মেনেজমেণ্ট এজেন্সী)ৰ জৰিয়তে সহায়ৰ নিৰ্দেশ দিছে । এই বনজুইক তেওঁলোকে দুৰ্যোগ ঘোষণা কৰিছে । চৰকাৰী সাহায্যৰ সমন্বয়ৰ বাবে ৰাজ্য আৰু স্থানীয় বিষয়াসকলৰ সৈতে কথা পাতে বাইডেনে ।
ট্ৰাম্পৰ সঁহাৰি-
ট্ৰাম্পে এই অগ্নিকাণ্ডৰ বাবে লছ এঞ্জেলছৰ বিষয়াসকলক লক্ষ্য কৰি লৈছে । তেওঁ ট্ৰুথ ছ’চিয়েলত ৰাজনীতিবিদসকলক অযোগ্য বুলি অভিহিত কৰে । তেওঁ আৰু কয়, “তেওঁলোকে জুই নুমুৱাব নোৱাৰে । তেওঁলোকৰ কি হৈছে ?”
লছ এঞ্জেলছৰ বনজুইৰ ১০টা ডাঙৰ আপডেট-
১. পেলিছাডছৰ অগ্নিকাণ্ডৰ ফলত ২২ হাজাৰ একৰতকৈও অধিক ভূমি ক্ষতিগ্ৰস্ত হৈছে ।
২. জুইৰ ধুমুহাই আশংকা আৰু উদ্বেগ বৃদ্ধি কৰিছে ।
৩. ১৩ জন লোক এতিয়াও নিৰুদ্দেশ, অব্যাহত আছে অনুসন্ধান অভিযান ।
৪. অৰ্থনৈতিক লোকচান ১৩৫–১৫০ বিলিয়ন ডলাৰ হ’ব বুলি অনুমান কৰা হৈছে ।
৫. ফেমাৰ জৰিয়তে দুৰ্যোগ সাহায্য ঘোষণা ৰাষ্ট্ৰপতি বাইডেনৰ ।
৬. প্ৰচণ্ড বতাহৰ বাবে জুই নিয়ন্ত্ৰণ কৰাটো প্ৰত্যাহ্বানজনক ।
৭. ব্ৰেণ্টউড আৰু ৪০৫ ফ্ৰীৱেৰ দৰে মূল অঞ্চলৰ প্ৰতি ভাবুকি ।
৮. ৩৯,০০০ একৰতকৈ অধিক অঞ্চল ক্ষতিগ্ৰস্ত হৈছে ।
৯. আন্তঃৰাষ্ট্ৰীয় সাহায্য, অগ্নিনিৰ্বাপক আৰু সঁজুলিৰ সহায় ।
১০. যোৱা ৭ জানুৱাৰীৰ পৰা আৰম্ভ হোৱা অগ্নিকাণ্ড এসপ্তাহৰ পাছতো নিয়ন্ত্ৰণ কৰিব পৰা নাই ।
