নতুন বছৰৰ আৰম্ভণিতে সুস্থ জীৱনশৈলীৰ পৰিৱৰ্তন, বেয়া অভ্যাস ত্যাগ আৰু স্বাস্থ্য উন্নত কৰাৰ এক উত্তম সময় । নৱবৰ্ষৰ আটাইতকৈ জনপ্ৰিয় সংকল্পসমূহৰ ভিতৰত আছে অধিক ব্যায়াম কৰা, ওজন কমোৱা, স্বাস্থ্যসন্মত খাদ্য খোৱা । যদিও অতি কম সংখ্যক লোকে নিজৰ সংকল্প ৰাখে, তথাপিও আগন্তুক বছৰত সুস্থ হৈ থাকিবলৈ আৰু আপোনাৰ স্বাস্থ্য সংকল্পৰ লক্ষ্যত উপনীত হ’বলৈ আপুনি ল’ব পৰা কিছুমান টিপছ আগবঢ়োৱা হ’ল ।
নতুন বছৰৰ বাবে ৬টা স্বাস্থ্য সংকল্প-
সন্তুলিত আহাৰ-
সন্তুলিত আহাৰৰ দ্বাৰা নতুন বছৰটো আৰম্ভ কৰিব পাৰে । শৰীৰৰ বাবে প্ৰয়োজনীয় সকলো পুষ্টিকৰ উপাদান আপোনাৰ প্লেটত অন্তৰ্ভুক্ত কৰক । দিনটোত কমেও ৭ৰ পৰা ৮ গিলাচ পানী খাব লাগে । গোটেই দিনটো কম কমকৈ আহাৰ গ্ৰহণ কৰক । ইয়াৰ উপৰিও জাংক, ফাষ্ট আৰু প্ৰচেছড ফুডৰ পৰা আঁতৰি থাকক ।
প্ৰতিদিনে ৱৰ্কআউট কৰক-
প্ৰতিদিনে কমেও ৩০ মিনিট শাৰীৰিক ক্ৰিয়া-কলাপ কৰক । ইয়াৰ ভিতৰত যোগাসন, খোজ কঢ়া, দৌৰা, চাইকেল চলোৱা বা যিকোনো প্ৰিয় ব্যায়াম আদি থাকিব পাৰে । প্ৰতিদিনে ৩০ মিনিট খোজ কাঢ়িলে আপোনাৰ পেশী আৰু হৃদযন্ত্ৰ শক্তিশালী হৈ থাকিব ।
মানসিক স্বাস্থ্যৰ ওপৰত গুৰুত্ব দিয়ক-
এই নতুন বছৰত আপোনাৰ মানসিক স্বাস্থ্যক অগ্ৰাধিকাৰ দিয়ক । নিয়মিতভাৱে ধ্যান, উশাহ-নিশাহৰ অনুশীলন, চিত্ৰ অংকন বা সংগীত শুনা আদি সৃষ্টিশীল কাৰ্যকলাপত মনোনিৱেশ কৰক । মানসিক চাপৰ পৰা হাত সাৰিবলৈ বিৰতি লওক আৰু নিজকে সময় দিয়ক । যদি আপোনাৰ মানসিক স্বাস্থ্য ভাল হয় তেন্তে আপুনি শাৰীৰিকভাৱেও সুস্থ হৈ উঠিব ।
পৰ্যাপ্ত টোপনি লওক-
এই নতুন বছৰত আপোনাৰ টোপনিকো অগ্ৰাধিকাৰ দিয়ক । শুই উঠাৰ সময় এটা ঠিক কৰক । শুই উঠাৰ আগতে একেবাৰেই গেজেট ব্যৱহাৰ নকৰিব । ৮ ঘণ্টা ভাল আৰু গভীৰ টোপনি অতি প্ৰয়োজনীয় ।
ধূমপান আৰু সুৰাৰ পৰা আঁতৰি থাকক-
যদি আপুনি ধূমপান কৰে তেন্তে এৰিবলৈ চেষ্টা কৰক । এই অভ্যাস সম্পূৰ্ণ নাইকীয়া কৰিবলৈ চেষ্টা কৰক । ইয়াৰ ফলত হৃদযন্ত্ৰ আৰু যকৃত সুস্থ কৰি ৰখাত সহায়ক হয় আৰু কেন্সাৰ আৰু অন্যান্য গুৰুতৰ ৰোগৰ সম্ভাৱনা কম হয় ।
নিয়মীয়া স্বাস্থ্য পৰীক্ষা কৰক-
বছৰত এবাৰ হ’লেও স্বাস্থ্য পৰীক্ষা কৰক, যেনে তেজৰ পৰীক্ষা, তেজৰ শৰ্কৰাৰ মাত্ৰা, ৰক্তচাপ আৰু কলেষ্টেৰল । ইয়াৰ দ্বাৰা আপুনি সহজেই গম পাব যে আপোনাৰ কোনো ধৰণৰ স্বাস্থ্যজনিত সমস্যা আছে নে নাই ।
এই নতুন বছৰটোত এই অভ্যাসবোৰ যদি আপুনি আপোনাৰ জীৱনৰ অংগ কৰি লয় তেন্তে আপুনি কেৱল ৰোগৰ পৰা সুৰক্ষিত হোৱাই নহয়, দীৰ্ঘদিনীয়া আৰু সুখী জীৱন যাপন কৰিবলৈও সক্ষম হ’ব ।
