মাহৰ প্ৰথম দিনটোত মোডী চৰকাৰৰ বাবে এটা ভাল খবৰ আহিছে। চৰকাৰে প্ৰকাশ কৰা GST সংগ্ৰহৰ পৰিসংখ্যা নৱেম্বৰ মাহত ৮.৫ শতাংশ বৃদ্ধি পাই ১.৮২ লাখ কোটি টকা হৈছে। ডিচেম্বৰ মাহৰ প্ৰথম দিনাই মোডী চৰকাৰৰ বাবে এটা ভাল খবৰ আহিছে। প্ৰথম তাৰিখতে চৰকাৰে নৱেম্বৰ মাহত সামগ্ৰী আৰু সেৱা কৰ অৰ্থাৎ GST সংগ্ৰহৰ তথ্য প্ৰকাশ কৰিছে।তথ্য অনুসৰি নৱেম্বৰ মাহত GST সংগ্ৰহ ৮.৫ শতাংশ বৃদ্ধি পোৱাৰ লগতে চৰকাৰী কোষাগাৰলৈ আহিছে ১.৮২ লাখ কোটি টকা। ইয়াৰ পূৰ্বে অক্টোবৰ মাহত চৰকাৰে GST সংগ্ৰহৰ পৰা বিপুল পৰিমাণৰ ধন লাভ কৰিছিল আৰু এই অভিলেখ আছিল ১.৮৭ লাখ কোটি টকা। আনহাতে ২০২৪ চনৰ ছেপ্টেম্বৰ মাহত এই সংখ্যা আছিল ১.৭৩ লাখ কোটি টকা।
পিটিআইৰ তথ্য অনুসৰি নৱেম্বৰ মাহত চৰকাৰে ঘৰুৱা লেনদেনৰ জৰিয়তে অধিক ৰাজহ লাভ কৰিছে আৰু ইয়াৰ প্ৰভাৱ GST সংগ্ৰহ বৃদ্ধিৰ ৰূপত হ’ব
দেওবাৰে চৰকাৰে প্ৰকাশ কৰা তথ্য অনুসৰি কেন্দ্ৰীয় GST সংগ্ৰহ (চি এছ জি টি) ৩৪,১৪১ কোটি, ৰাজ্যিক GST সংগ্ৰহ (এছ জি এছ টি) ৪৩,০৪৭ কোটি টকা। দেশত GST কাৰ্যকৰী হোৱাৰ পিছত ২০২৪ চনৰ এপ্ৰিল মাহত সৰ্বাধিক জি এছ টি সংগ্ৰহ কৰা হৈছিল, যিটো আছিল ২.১০ লাখ কোটি টকা। এইবাৰ প্ৰথমবাৰৰ বাবে GST সংগ্ৰহ ২ লাখ কোটি টকা অতিক্ৰম কৰিছিল।
