গুৱাহাটীৰ ভঙাগড়ৰ ৰুদ্ৰাক্ষ মলত ৰহস্যজনক অৱস্থাত এজন যুৱকৰ মৃতদেহ উদ্ধাৰ। যুৱকজন সোণাপুৰৰ সিদ্ধান্ত দাস বুলি জানিব পৰা গৈছে।
মহানগৰীৰ ৰুদ্ৰাক্ষ মলত এক চাঞ্চল্যকৰ ঘটনা সংঘটিত হৈছে।শ্বপিং মলটোৰ প্ৰথম মহলাৰ চিৰিত নিশা মূ্ৰ্মূর্ষ অৱস্থাত উদ্ধাৰ এজন যুৱক। যুৱকজন সোণাপুৰৰ ২৮ বছৰীয়া সিদ্ধান্ত দাস বুলি জানিব পৰা গৈছে।যুৱকগৰাকীক ততাতৈয়াকৈ GMCHত ভৰ্ত্তি কৰোৱা হৈছিল শনিবাৰে পুৱা মৃত্যুক সাবটি লয়।
কিন্তু সিদ্ধান্তৰ মৃত্যুক সহজভাৱে ল’ব পৰা নাই পৰিয়ালে।পৰিয়ালৰ মতে এয়া এক পৰিকল্পিত হত্যাকাণ্ড।নিশা কৰ্তব্যত থকা নিৰাপত্তাৰক্ষীয়ে পিতৃক স্পষ্টকৈ কৈছে যে, নিশা শ্বপিং মলটোৰ ভিতৰৰ পৰা চিঞৰ বাখৰ কৰি ওলাই আহিছিল সিদ্ধান্ত।সেই সময়তে চিৰিত পৰি গুৰুতৰ ভাৱে আহত হৈছিল তেওঁ।ঘটনা নিশা ১১ বজাতেই সংঘটিত হৈছিল যদিও আৰক্ষী আৰু ৰুদ্ৰাক্ষ মল কতৃপক্ষই পৰিয়ালক খবৰ দিয়া নাছিল।
জানিব পৰা মতে, খুবেই অমায়িক আৰু নম্ৰ স্বভাৱৰ আছিল সিদ্ধান্তই এমাহ পূৰ্বে বিবাহ পাশত আৱদ্ধ হৈছিল। অভিযন্তাৰ শিক্ষা সামৰি ঘৰতেই পানীৰ ব্যৱসায় কৰিছিল যুৱকগৰাকীয়ে। ঘটনাৰ সন্দৰ্ভত পৰিয়ালৰ লোকে পল্টন বজাৰ থানাত এজাহাৰ দাখিল কৰিছে।
লগতে পঢ়ক: ঐতিহাসিক… বিধানসভা নিৰ্বাচনত অভিলেখসংখ্যক ভোটদানক লৈ হিমন্ত বিশ্ব শৰ্মাৰ প্ৰতিক্ৰিয়া
