দীৰ্ঘদিনৰ বিৰতিৰ অন্তত বিজয় হাজাৰে ট্ৰফীত খেলিবলৈ সাজু হৈছে বিৰাট কোহলী আৰু ৰোহিত শৰ্মাই । এই ট্ৰফীৰ বাবে এতিয়া অনুৰাগীয়ে আশাৰে বাট চাইছে । জানক এই প্ৰতিযোগিতাত কেতিয়া কেতিয়া মেচ খেলিব ৰোহিত-বিৰাটে…
বিজয় হাজাৰে ট্ৰফী হৈছে বি চি চি আইৰ উদ্যোগত আয়োজিত এ তালিকাভুক্ত প্ৰতিযোগিতা । অনুৰাগীসকলে এই ঘৰুৱা প্ৰতিযোগিতাখনৰ বাবে আগ্ৰহেৰে অপেক্ষা কৰি আছে, কিয়নো দীৰ্ঘদিনৰ বিৰতিৰ অন্তত বিৰাট কোহলী আৰু ৰোহিত শৰ্মায়ো এই প্ৰতিযোগিতাত খেলিব । কোহলীয়ে শেষবাৰৰ বাবে ২০১০ চনত, যেতিয়া তেওঁ কেৰিয়াৰৰ প্ৰাৰম্ভিক পৰ্যায়ত আছিল তেতিয়া এই প্ৰতিযোগিতাত খেলিছিল । বহু বছৰৰ পাছত বিজয় হাজাৰে ট্ৰফীত খেলিব ৰোহিত শৰ্মায়ো । বিজয় হাজাৰে ট্ৰফী ২০২৫-২৬ত বিৰাট আৰু ৰোহিতে কেতিয়া কেতিয়া মেচ খেলিব জানক ।
বিৰাট কোহলীয়ে ১৫ বছৰৰ পাছত বিজয় হাজাৰে ট্ৰফীত খেলিব আৰু ৭ বছৰৰ পাছত ৰোহিত শৰ্মাই । দুয়োগৰাকী প্ৰবীণ খেলুৱৈয়ে টি-২০ আৰু টেষ্ট ক্ৰিকেটৰ পৰা অৱসৰ লৈ এতিয়া এদিনীয়া ফৰ্মেটতহে খেলি আছে । বিজয় হাজাৰে ট্ৰফীও এদিনীয়া ফৰ্মেটত খেলা হয় । এই প্ৰতিযোগিতাখন নিউজীলেণ্ডৰ বিৰুদ্ধে এদিনীয়া শৃংখলাৰ পূৰ্বে দুয়োগৰাকী খেলুৱৈৰ বাবে বিশেষ প্ৰতিযোগিতা হ’ব যদিও পূৰ্বৰ শৃংখলাত দুয়োগৰাকী ভাল ফৰ্মত আছিল । বিজয় হাজাৰে ট্ৰফীত বিৰাট কোহলী আৰু ঋষভ পন্টে উপলব্ধতা নিশ্চিত কৰা বুলি ইতিমধ্যে ডি ডি চি এই নিশ্চিত কৰিছে আৰু প্ৰথম দুখন মেচৰ বাবে এছ’চিয়েশ্যনে দলো ঘোষণা কৰিছে ।
বিজয় হাজাৰে ট্ৰফীত কেতিয়া কেতিয়া মেচ খেলিব বিৰাট কোহলীয়ে ?
২০২৫-২০২৬ বৰ্ষৰ বিজয় হাজাৰে ট্ৰফীৰ বাবে দিল্লীক গ্ৰুপ ডিত স্থান দিয়া হৈছে, লগতে অন্ধ্ৰ প্ৰদেশ, গুজৰাট, হাৰিয়ানা, ওড়িশা, ৰেলৱে, সৌৰাষ্ট্ৰ আৰু চাৰ্ভিচেছৰ দলসমূহো আছে । প্ৰথম দুখন খেলৰ বাবে ডি ডি চি এৰ দল ঘোষণা কৰা হৈছে । ঋষভ পন্ট অধিনায়ক, আয়ুষ বদোনী উপ-অধিনায়ক । বিৰাট কোহলীকো দলত অন্তৰ্ভুক্ত কৰা হৈছে আৰু ডি ডি চি এই তেওঁৰ উপলব্ধতা নিশ্চিত কৰিছে । খবৰ অনুসৰি বিৰাটে প্ৰথম দুখন মেচ খেলিব । উল্লেখ্য যে ভাৰত বনাম নিউজীলেণ্ডৰ এদিনীয়া শৃংখলা ১১ জানুৱাৰীৰ পৰা আৰম্ভ হ’ব ।
দিল্লীৰ সূচী-
২৪ ডিচেম্বৰ, ২০২৫ : বনাম অন্ধ্ৰ প্ৰদেশ (বেংগালুৰুত)
২৬ ডিচেম্বৰ, ২০২৫: বনাম গুজৰাট (বেংগালুৰুত)
২৯ ডিচেম্বৰ, ২০২৫: বনাম সৌৰাষ্ট্ৰ (আলুৰত)
৩১ ডিচেম্বৰ, ২০২৫: বনাম ওড়িশা (আলুৰত)
৩ জানুৱাৰী, ২০২৬: বনাম সেৱা (বেংগালুৰুত)
৬ জানুৱাৰী, ২০২৬: বনাম ৰেলৱে (আলুৰত)
৮ জানুৱাৰী, ২০২৬: বনাম হাৰিয়ানা (বেংগালুৰুত)
প্ৰথম দুখন মেচত খেলিব ৰোহিত শৰ্মাই-
২০২৫-২৬ বিজয় হাজাৰে ট্ৰফীত ছিকিম, উত্তৰাখণ্ড, ছত্তীশগড়, গোৱা, মহাৰাষ্ট্ৰ, হিমাচল প্ৰদে আৰু পঞ্জাৱৰ সৈতে মুম্বাই গ্ৰুপ চিত স্থান লাভ কৰিছে । খবৰ অনুসৰি ৰোহিত শৰ্মাই প্ৰথম দুখন মেচ খেলিব । চাওক মুম্বাইৰ গ্ৰুপ ষ্টেজৰ সূচী-
২৪ ডিচেম্বৰ, ২০২৫: বনাম ছিকিম (জয়পুৰত)
২৬ ডিচেম্বৰ, ২০২৫: বনাম উত্তৰাখণ্ড (জয়পুৰত)
২৯ ডিচেম্বৰ, ২০২৫: বনাম ছত্তীশগড় (জয়পুৰত)
৩১ ডিচেম্বৰ, ২০২৫: বনাম গোৱা (জয়পুৰত)
৩ জানুৱাৰী, ২০২৬: বনাম মহাৰাষ্ট্ৰ (জয়পুৰত)
৬ জানুৱাৰী, ২০২৬: বনাম হিমাচল প্ৰদেশ (জয়পুৰত)
৮ জানুৱাৰী, ২০২৬: বনাম পঞ্জাৱ (জয়পুৰত)
বিজয় হাজাৰে ট্ৰফীত ৰোহিত-বিৰাটৰ ৰেকৰ্ড-
এই প্ৰতিযোগিতাত এতিয়ালৈকে বিৰাট কোহলীয়ে ১৩খন খেলত ৬৮.২৫ গড়ে ৮১৯ ৰান সংগ্ৰহ কৰিছে । কোহলীৰ ষ্ট্ৰাইক ৰেট ১০৬.০৮ আৰু তেওঁৰ নামত আছে চাৰিটা শতক । ৰোহিতে ১৮খন খেলত ৩৮.৭ গড়ে ৫৮১ ৰান সংগ্ৰহ কৰিছে । বিজয় হাজাৰে ট্ৰফীত ৰোহিত শৰ্মাৰ নামত এটা শতক আৰু তিনিটা অৰ্ধশতক আছে ।
লগতে পঢ়ক : টি-২০ বিশ্বকাপৰ বাবে ঘোষণা হ’ল ভাৰতীয় দল, জানক নিৰ্বাচিত খেলুৱৈসকলৰ বিগত এটা বছৰৰ প্ৰদৰ্শন
