গুলীচালনাৰ পিছতেই ৰাষ্ট্ৰপতি ড’নাল্ড ট্ৰাম্পে মন্তব্য কৰি তেওঁৰ আৰু তেওঁৰ সমগ্ৰ কেবিনেটৰ সুৰক্ষা নিশ্চিত কৰিছে। তেওঁ ছিক্ৰেট চাৰ্ভিছৰ প্ৰশংসা কৰে।
ৰাষ্ট্ৰপতি ড’নাল্ড ট্ৰাম্পে ‘হোৱাইট হাউছৰ কৰ্পৰেণ্ডেণ্টছ’ৰ ৰাতিৰ আহাৰ’ৰ সময়ত সংঘটিত হোৱা গুলীচালনাৰ পিছত সংবাদ মাধ্যমক সম্বোধন কৰে আৰু তেওঁ নিৰাপদ বুলি উল্লেখ কৰিছে।নিৰাপত্তাৰক্ষীসকলক প্ৰশংসা কৰি তেওঁ কয় যে তেওঁলোকে এক উৎকৃষ্ট কাম কৰিলে।
তেওঁ লগতে কয় যে, এই গুলীচালনাত এজন নিৰাপত্তাৰক্ষী বিষয়া আহত হৈছে আৰু বুলেটপ্ৰুফ সুৰক্ষাৰ দ্বাৰা তেওঁৰ জীৱন ৰক্ষা পৰিল। ছিক্ৰেট চাৰ্ভিছে সাহস প্ৰদৰ্শন কৰি লগে লগে এজন আক্ৰমণকাৰীক আটক কৰে।ঘটনাৰ লগে লগে নিৰাপত্তা সংস্থাৰ অনুৰোধত প্ৰট’কল অনুসৰণ কৰি অনুষ্ঠানৰ স্থান তৎক্ষণাত খালী কৰা হৈছে।
ট্ৰাম্পে কয় যে, “ছিক্ৰেট চাৰ্ভিছে যিদৰে মোক,মেলানিয়া, ভ্যান্স আৰু অন্যান্য লোক সকলক নিৰাপদে বাহিৰলৈ আনিলে, সেইটো অতি প্ৰশংসনীয়। আটক কৰা আক্ৰমণকাৰীজন কেলিফৰ্ণিয়াৰ আৰু তেওঁৰ অসুস্থ।মোৰ সকলো কেবিনেট সহকৰ্মী নিৰাপদ’।লগতে ট্ৰাম্পে কয় যে এই ঘটনাৰ বাবে স্থগিত ৰখা অনুষ্ঠানটো অহা ৩০ দিনৰ ভিতৰত পুনৰ নিৰ্ধাৰণ কৰা হ’ব।
জানিব পৰা মতে, গুলীচালনা কৰা ব্যক্তিজনৰ নাম ক’ল থমাছ এলেন বুলি জানিব পৰা গৈছে। তেওঁৰ বয়স ৩১ বছৰ আৰু তেওঁ কেলিফৰ্ণিয়াৰ বাসিন্দা।নিৰাপত্তা সংস্থাই জেৰা অব্যাহত ৰাখিছে। তেওঁৰ হাতত বহু অস্ত্ৰ আছে।
লগতে পঢ়ক: নৈশ ভোজমেলত অঘটন; ড’নাল্ড ট্ৰাম্পলৈ পুনৰ গুলীচালনা!
