কংগ্ৰেছ নেতা ৰাহুল গান্ধীয়ে বৈদেশিক পৰিক্ৰমা মন্ত্ৰী এছ জয়শংকৰ আৰু কেন্দ্ৰীয় মোদী চৰকাৰক লৈ প্ৰশ্ন উত্থাপন কৰিছে।

ৰাহুল গান্ধীয়ে কৈছে যে ‘জয়শংকৰে নিজেই কৈছে যে পাকিস্তানৰ সন্ত্ৰাসবাদী শিবিৰত আক্ৰমণ কৰাৰ পূৰ্বে তেওঁ পাকিস্তানক জনাইছিল’।

‘এয়া কূটনীতি নহয়, এইটো চোৰাংচোৱাগিৰি। কংগ্ৰেছৰ মুখপাত্ৰ পৱন খেৰাই কয় যে একাংশ চোৰাংচোৱাক গ্ৰেপ্তাৰ কৰাৰ খবৰ আহিছিল যদিও তাৰ পিছতে ঢাকি ৰখাৰ কাম আৰম্ভ হয়’।

ৰাহুল গান্ধীয়ে বৈদেশিক পৰিক্ৰমা মন্ত্ৰী এছ জয়শংকৰক প্ৰশ্ন কৰি কয় যে পাকিস্তানক তথ্য দিয়াৰ বাবে আমি কিমান ভাৰতীয় বিমান হেৰুৱালোঁ? এয়া অপৰাধ আৰু দেশে সত্য জানিব লাগে”।

শেহতীয়াকৈ ৰাহুল গান্ধীয়ে বৈদেশিক মন্ত্ৰীৰ বক্তব্যৰ সন্দৰ্ভত এটা প্ৰশ্ন উত্থাপন কৰিছিল যে অপাৰেচন সিন্দুৰৰ তথ্য প্ৰথমে কিয় পাকিস্তানক দিয়া হৈছিল’।

অৱশ্যে এই সন্দৰ্ভত বৈদেশিক পৰিক্ৰমা মন্ত্ৰালয়ে এক বিবৃতি প্ৰকাশ কৰি ৰাহুল গান্ধীয়ে ভুল তথ্য দাঙি ধৰিছে বুলি কৈছিল।  

নেশ্যনেল হেৰাল্ডৰ গোচৰত কংগ্ৰেছৰ প্ৰাক্তন সভানেত্ৰী ছোনিয়া গান্ধী আৰু ৰাহুল গান্ধীৰ বিপদ বৃদ্ধি পাইছে।ইডিৰ চাৰ্জশ্বীটৰ প্ৰতি লক্ষ্য ৰাখি দিল্লীৰ ৰাউজ এভিনিউ আদালতে দুয়োৰে বিৰুদ্ধে জাননী জাৰি কৰিছে।

বিশেষ ন্যায়াধীশ বিশাল গগনে এই কথা কয় যে, ‘ছোনিয়া গান্ধী আৰু ৰাহুল গান্ধীয়ে অভিযোগ পত্ৰৰ সচেতনতা লোৱাৰ সময়ত নিজৰ পক্ষ দাখিল কৰাৰ অধিকাৰ আছে’।

তেওঁ আৰু কয় যে, “যিকোনো পৰ্যায়তে গোচৰ দাখিল কৰাৰ অধিকাৰেই হৈছে ন্যায্য বিচাৰৰ প্ৰাণ।”তেওঁ গোচৰটোৰ পৰৱৰ্তী শুনানি ৮ মে’ত দিব।

শেহতীয়াকৈ বলবৎকাৰী সঞ্চালকালয়ে এই গোচৰৰ অভিযোগনামা দাখিল কৰিছিল।২০২১ চনত ইডিয়ে তদন্ত আৰম্ভ কৰিছিল।এই বিষয়ত ২০১৪ চনৰ ২৬ জুনত বিজেপি নেতা সুব্ৰমণ্য স্বামীয়ে এজাহাৰ দাখিল কৰিছিল ।

ইয়াৰ পিছতে দণ্ডাধীশ আদালতে বিষয়টোৰ প্ৰতি লক্ষ্য ৰাখিলে।কংগ্ৰেছ নেত্ৰী ছোনিয়া গান্ধী, তেওঁৰ সাংসদ পুত্ৰ ৰাহুল গান্ধী, প্ৰয়াত কংগ্ৰেছ নেতা মোটিলাল ভোৰা আৰু অস্কাৰ ফাৰ্নাণ্ডেছৰ উপৰিও অন্যান্য নেতা আৰু এটা ব্যক্তিগত কোম্পানী ‘ইয়ং ইণ্ডিয়ান’ৰ বিৰুদ্ধে ধন সৰবৰাহৰ অভিযোগ আছে।

এই আটাইকেইজনৰ বিৰুদ্ধে এছ’চিয়েটেড জাৰ্নেলছ লিমিটেড (এজেএল)ৰ ২০০০ কোটিৰো অধিক মূল্যৰ সম্পত্তি অবৈধভাৱে লাভ কৰি ধন সৰবৰাহৰ লগত জড়িত হোৱাৰ অভিযোগ উত্থাপন হৈছে।

কংগ্ৰেছ নেতা ৰাহুল গান্ধীয়ে বৃহস্পতিবাৰে উত্তৰ প্ৰদেশত এগৰাকী ১১ বছৰীয়া দলিত কিশোৰীক ধৰ্ষণৰ ঘটনাক লৈ বিজেপি চৰকাৰক লক্ষ্য কৰি অপৰাধীজনৰ বিৰুদ্ধে কঠোৰ ব্যৱস্থা গ্ৰহণৰ দাবী জনাইছে।

তেওঁৰ এক্স হেণ্ডেলত হিন্দীতে এটা পোষ্ট দিছে যে বিজেপিৰ দলিত বিৰোধী আৰু নাৰী বিৰোধী মানসিকতাৰ বাবে ৰাজ্যত এনেধৰণৰ অপৰাধ ধাৰাবাহিকভাৱে সংঘটিত হৈ আছে।

উল্লেখ্য যে এগৰাকী মুক বধিৰ যুৱতী মংগলবাৰৰ পৰা নিৰুদ্দেশ হৈ আছিল। বুধবাৰে পুৱা এখন পথাৰত অসংযত অৱস্থাত উদ্ধাৰ হয় যুৱতী গৰাকী।

চিকিৎসালয়ত চিকিৎসাধীন হৈ থকা কিশোৰীগৰাকীৰ অৱস্থা সংকটজনক বুলি জানিব পৰা গৈছে।এই ঘটনাটোৰ পিছত ৰাহুল গান্ধীয়ে লিখিছে যে, ‘উত্তৰ প্ৰদেশৰ ৰামপুৰত ১১ বছৰীয়া দলিত কিশোৰীগৰাকীৰ সৈতে হোৱা এই নৃশংসতা অত্যন্ত লজ্জাজনক আৰু আচৰিত ধৰণৰ’।

‘ইউ পিত অবিৰতভাৱে ঘটি থকা এনে অপৰাধে এই কথা স্পষ্টভাৱে প্ৰমাণ কৰে যে বিজেপি চৰকাৰত দলিত আৰু বিশেষকৈ কন্যা সন্তান সম্পূৰ্ণ অসুৰক্ষিত’।

তেওঁ লগতে লিখিছে যে, ‘এয়া বিজেপিৰ দলিত বিৰোধী আৰু নাৰী বিৰোধী মানসিকতাৰ ফলত অপৰাধী আইন-শৃংখলাৰ প্ৰতি নিৰ্ভীক হৈ পৰিছে আৰু ভুক্তভোগী অসহায়’!

‘কাৰণ, উত্তৰ প্ৰদেশৰ কন্যা সন্তানসকল কিমান দিনলৈ এনে বৰ্বৰতাৰ বলি হৈ থাকিব’। লোকসভাৰ বিৰোধী দলপতিগৰাকীয়ে কয়, আমাৰ প্ৰশাসনৰ পৰা এটা সাধাৰণ দাবী-দোষীৰ বিৰুদ্ধে কঠোৰ ব্যৱস্থা গ্ৰহণ কৰক আৰু ভুক্তভোগী আৰু তেওঁৰ পৰিয়ালক শীঘ্ৰে ন্যায় প্ৰদান কৰক’।

তাৰ মাজতে উত্তৰ প্ৰদেশ আৰক্ষীয়ে বৃহস্পতিবাৰে ঘটনাৰ ২৪ ঘণ্টাৰ ভিতৰতে এজন ২৪ বছৰীয়া যুৱকক গ্ৰেপ্তাৰ কৰে।