নিৰ্বাচন আয়োগক প্ৰত্যুত্তৰ ৰাহুল গান্ধীৰ

দেওবাৰে নিৰ্বাচন আয়োগৰ সংবাদমেলৰ পিছতে প্ৰতিক্ৰিয়া প্ৰকাশ কৰিছে কংগ্ৰেছৰ সাংসদ তথা লোকসভাৰ বিৰোধী দলপতি ৰাহুল গান্ধীয়ে।

ৰাহুল গান্ধীয়ে নিৰ্বাচন আয়োগৰ বিৰুদ্ধে মহাৰাষ্ট্ৰৰ নিৰ্বাচনত ভোট চুৰি আৰু ভোটাৰ তালিকাৰ লগত খেল কৰাৰ অভিযোগ উত্থাপন কৰে।ইয়াৰ মাজতে তেওঁ প্ৰধানমন্ত্ৰী মোদী আৰু অমিত শ্বাহকো লক্ষ্য কৰি লয়।

লগতে তেওঁ কয় যে নিৰ্বাচন আয়োগে মোক শপতনামা বিচাৰিছে,কিন্তু অনুৰাগ ঠাকুৰেও মই যি কৈছো সেই একেটা কথাই কৈছে,তেন্তে আয়োগে তেওঁৰ পৰা শপতনামা বিচৰা নাই কিয়?

কংগ্ৰেছৰ সাংসদ ৰাহুল গান্ধীয়ে বিহাৰৰ সাছাৰামত এখন ৰাজহুৱা সভাত ভাষণ দি কয় যে, ‘আজি দেওবাৰে নিৰ্বাচন আয়োগে এখন সংবাদমেল অনুষ্ঠিত কৰিছে।

মই আপোনালোকক সুধিব বিচাৰো যে যদি আপুনি চিচিটিভিৰ বাবে আইন বনাইছিল তেন্তে আপুনি কিয় সলনি কৰিলে? আপুনি জানেনে যে নিৰ্বাচন আয়োগৰ বিৰুদ্ধে কোনেও গোচৰ ৰুজু কৰিব নোৱাৰে?

কোনো আদালতে গোচৰ ৰুজু কৰিব নোৱাৰে, কিয় এই আইনখন বনোৱা হ’ল? এইটো এনেদৰে কৰা হৈছিল যাতে কোনেও কেতিয়াও নিৰ্বাচন আয়োগৰ বিৰুদ্ধে গোচৰ ৰুজু কৰিব নোৱাৰে।”

তেওঁ কয়, এই আইনখন মোডী-অমিত শ্বাহে বনাইছিল যাতে ভোট চুৰি হ’ব পাৰে।কিন্তু আমি ভোট চুৰি হ’বলৈ নিদিওঁ।মোডী আৰু নিৰ্বাচন আয়োগে বুজিব লাগে যে তেজস্বী আৰু মই আপোনাক ভয় কৰা নাই।

ভোট চুৰিৰ সত্যতা আমি ভাৰতৰ প্ৰতিজন নাগৰিকৰ সন্মুখত উপস্থাপন কৰিম।ইয়াৰ পুলিচে বেৰিকেড লগাই দিলে যাতে আমি আগবাঢ়িব নোৱাৰো। কিন্তু আমি বেৰিকেডৰ ওচৰ পালোঁগৈ। আপোনালোকে অহা উচিত। এয়াই বিহাৰৰ শক্তি।”

ৰাহুল গান্ধীয়ে কয়, ‘আমি বিহাৰত এই ভোটাৰ ৰাইটছ যাত্ৰা আৰম্ভ কৰিছো কাৰণ দীৰ্ঘদিন ধৰি মানুহে আমাৰ ভোট চুৰি হোৱা বুলি সন্দেহ কৰি আহিছে।মহাৰাষ্ট্ৰৰ উদাহৰণ লওক।

মহাৰাষ্ট্ৰত লোকসভা নিৰ্বাচন অনুষ্ঠিত হৈ সৰ্বভাৰতীয় মিত্ৰজোঁটৰ জয়।চাৰি মাহৰ পাছত বিধানসভা নিৰ্বাচন অনুষ্ঠিত হ’ল আৰু একেখন মহাৰাষ্ট্ৰতে বিজেপি মিত্ৰজোঁটে বৃহৎ জয় লাভ কৰিলে আৰু আমাৰ মিত্ৰতা ক’তো দেখা নগ’ল।নোহোৱা হৈ গ’ল।”

তেওঁ কয়, ‘যেতিয়া আমি তদন্ত কৰিছিলো তেতিয়া আমি দেখিছিলো যে লোকসভা নিৰ্বাচনৰ চাৰি মাহৰ পাছত নিৰ্বাচন আয়োগে যাদুকৰীভাৱে এক কোটি নতুন ভোটাৰৰ সৃষ্টি কৰিছিল।

য’ত নতুন ভোটাৰ আহিছিল তাতেই বিজেপি জয়ী হৈছিল।আমাৰ ভোট কমি যোৱা নাছিল। ইণ্ডিয়া এলায়েন্সে লোকসভাত যিমান সংখ্যক ভোট লাভ কৰিছিল, বিধানসভাতটো সিমানেই ভোট লাভ কৰিছিল।কিন্তু বিজেপিয়ে সকলো নতুন ভোটাৰ পালে। সেইবাবেই আমাৰ সন্দেহ হ’ল।”

কংগ্ৰেছ নেতাগৰাকীয়ে কয়, ‘আমি নিৰ্বাচন আয়োগক এই কথা আমাক বুজাবলৈ ক’লোঁ, এই এক কোটি ভোটাৰ ক’ৰ পৰা আহিল, তেওঁলোক কোন?নিৰ্বাচন আয়োগে কয় যে আমি একো নকওঁ।

আমাক আপোনাৰ ব্যাখ্যাৰ প্ৰয়োজন নাই। তাৰ পিছত আমি তেওঁলোকক ক’লোঁ যে আপুনি চিচিটিভি লগাইছে।আইন অনুসৰি যি পক্ষই চিচিটিভি ফুটেজ বিচাৰিব, তেওঁলোকে চিচিটিভি ফুটেজ দিব লাগিব।

কিন্তু তেওঁলোকে কয় যে তেওঁলোকে চিচিটিভি ফুটেজ নিদিয়ে। তাৰ পিছত আমি কলো ভোটাৰ তালিকা আমাক দিয়া।কিন্তু ইলেক্ট্ৰনিক ভোটাৰ তালিকাও নিদিও বুলি কলে।

লগতে পঢ়ক: ‘আমাৰ বাবে কোনো পক্ষ বা বিপক্ষ নাই, আমাৰ…’; ভোট চুৰিৰ অভিযোগক লৈ নিৰ্বাচন আয়োগৰ প্ৰত্যুত্তৰ

জাননী প্ৰেৰণ কৰি নিৰ্বাচনী আয়োগে বিচাৰিলে প্ৰমাণ

কৰ্ণাটকৰ মুখ্য নিৰ্বাচনী বিষয়াই দেওবাৰে কংগ্ৰেছ নেতা ৰাহুল গান্ধীলৈ জাননী জাৰি কৰিছে,য’ত তেওঁ অভিযোগ কৰিছিল যে এগৰাকী মহিলাই দুবাৰকৈ ভোটদান কৰিছিল।

নিৰ্বাচনী শীৰ্ষ বিষয়াগৰাকীয়ে কয় যে ৰাহুল গান্ধীৰ এই নথি-পত্ৰই সম্পূৰ্ণ তদন্ত চলোৱাত সহায় কৰিব।যোৱা সপ্তাহত নতুন দিল্লীত এখন সংবাদমেলত ৰাহুল গান্ধীয়ে এই নথিসমূহ দেখুৱাইছিল।

মুখ্য নিৰ্বাচনী বিষয়াই জাননীত লিখিছে, ‘ৰাহুল গান্ধীয়ে কয় যে ভোটগ্ৰহণ বিষয়াই দিয়া অভিলেখ অনুসৰি,শ্ৰীমতী শকুন ৰাণীয়ে দুবাৰকৈ ভোট দিছে, কিন্তু সোধা-পোছা কৰাত শ্ৰীমতী শকুন ৰাণীয়ে কয় যে তেওঁ দুবাৰ নহয়, এবাৰহে ভোট দিছে।

জাননীখনত উল্লেখ কৰা হৈছে মুখ্য কাৰ্যবাহী বিষয়াৰ কাৰ্যালয়ে কৰা প্ৰাৰম্ভিক তদন্ততো সেই কথা পোহৰলৈ আহিছে যে ৰাহুল গান্ধীয়ে দেখুওৱা টিক-মাৰ্ক থকা নথিখন ভোটগ্ৰহণ বিষয়াই জাৰি কৰা নাই।

মুখ্য নিৰ্বাচনী বিষয়াই জাননীখনত আৰু লিখিছে, ‘ৰাহুল গান্ধীক অনুৰোধ কৰা হৈছে যে তেওঁৰ হাতত যি নথি আছে, সেয়া নিৰ্বাচন আয়োগৰ সন্মুখত উপস্থাপন,যাৰ ভিত্তিত সিদ্ধান্ত লোৱা হওক যে শ্ৰীমতী শকুন ৰাণী বা আন কোনোবাই দুবাৰ ভোট দিছে আৰু এই বিষয়ে আয়োগে পুংখানুপুংখভাৱে তদন্ত কৰিব।

একে সময়তে বিহাৰত ভোটাৰ তালিকাৰ বিশেষ নিবিড় পুনৰীক্ষণ সন্দৰ্ভত দেওবাৰে নিৰ্বাচনী আয়োগে কয় যে ১ আগষ্টত বিহাৰৰ খচৰা ভোটাৰ তালিকা প্ৰকাশ হোৱাৰ পিছৰে পৰা এতিয়ালৈকে কোনো ৰাজনৈতিক দলে ভোটাৰ তালিকাৰ পৰা নাম যোগ বা আঁতৰাবলৈ যোগাযোগ কৰা নাই।

নিৰ্বাচনী আয়োগে দিয়া তথ্য অনুসৰি, দাবী আৰু আপত্তি ১ ছেপ্টেম্বৰ পৰ্যন্ত খচৰা তালিকাত দাখিল কৰিব পাৰিব।য’ত যোগ্য নাগৰিকৰ নাম অন্তৰ্ভুক্ত কৰা বা অযোগ্য নাম আঁতৰোৱাৰ ব্যৱস্থা আছে।

লগতে পঢ়ক: ২০২৬ৰ ফেব্ৰুৱাৰী মাহৰ প্ৰথম সপ্তাহত নিৰ্বাচন অনুষ্ঠিত হ’ব বাংলাদেশত… নিৰ্বাচন আয়োগৰ ঘোষণা

ৰাহুল গান্ধীক ধমক  উচ্চতম ন্যায়ালয়ৰ

ৰাহুল গান্ধীয়ে ভাৰতীয় সেনাক লৈ কৰা কথিত মন্তব্যক লৈ উচ্চতম ন্যায়ালয়ে তেওঁৰ বিৰুদ্ধে উত্থাপিত মানহানিৰ গোচৰত ৰায় দিয়ে।

ভাৰতীয় সেনাক লৈ কৰা মন্তব্য সন্দৰ্ভত মানহানিৰ গোচৰত ৰাহুল গান্ধীক ডাঙৰ সকাহ দিছে উচ্চতম ন্যায়ালয়ে।লক্ষ্ণৌৰ বিচাৰ আদালতৰ চমন স্থগিত ৰাখিছে উচ্চতম ন্যায়ালয়ে।

অৱশ্যে সোমবাৰে শুনানিৰ সময়ত আদালতে ৰাহুলক ধমক দি কয় যে, আপুনি কেনেকৈ গম পালে যে চীনে ভাৰতৰ ২০০০ কিলোমিটাৰ মাটি দখল কৰিছে? আপুনি যদি এজন প্ৰকৃত ভাৰতীয় হ’লহেঁতেন তেন্তে এই কথা নক’লেহেঁতেন।

দৰাচলতে ২০২২ চনৰ ৯ ডিচেম্বৰত ভাৰত আৰু চীনৰ সেনাৰ সংঘৰ্ষৰ পিছত ভাৰতীয় সেনাক লৈ কৰা কথিত মন্তব্যক লৈ লোকসভাৰ নেতা তথা কংগ্ৰেছ সাংসদ গৰাকীক সকাহ দিয়া হয়।

তেওঁক জাৰি কৰা চমন স্থগিত ৰখা হয়। উচ্চতম ন্যায়ালয়ে মূল আবেদনকাৰীক জাননী জাৰি কৰি তিনি সপ্তাহৰ ভিতৰত উত্তৰ বিচাৰিছিল।

এই নিৰ্দেশ ন্যায়াধীশ দিপাংকৰ দত্ত আৰু ন্যায়াধীশ এ জি মাছিৰ বিচাৰপীঠে প্ৰদান কৰে।শুনানিৰ সময়ত ন্যায়াধীশ দিপাংকৰ দত্ত আৰু ন্যায়াধীশ এ জি মাছিৰ বিচাৰপীঠে ৰাহুল গান্ধীয়ে দিয়া বক্তব্যৰ সৈতে মতানৈক্য প্ৰকাশ কৰে।

কংগ্ৰেছৰ সাংসদ গৰাকীৰ হৈ হাজিৰ হোৱা জ্যেষ্ঠ অধিবক্তা অভিষেক মনু সিংভীয়ে কয় প্ৰথমতে যুক্তি দিছিল যে যদি কোনো বিৰোধী নেতাই বিষয় উত্থাপন কৰিব নোৱাৰে তেন্তে সেয়া এক দুৰ্ভাগ্যজনক পৰিস্থিতি হ’ব।

দৰাচলতে মে’ মাহত এলাহাবাদ উচ্চ ন্যায়ালয়ে লক্ষ্ণৌৰ সাংসদ-বিধায়ক আদালতে গৃহীত কৰা চমন আদেশক প্ৰত্যাহ্বান জনাই ৰাহুলৰ আবেদন নাকচ কৰিছিল।ইয়াৰ পিছতে তেওঁ উচ্চতম ন্যায়ালয়ৰ দুৱাৰত টোকৰ মাৰিলে। আৰু অৱশেষত আজি সকাহ পালে।

লগতে পঢ়ক: এটা যুগৰ অন্ত ;ঝাৰখণ্ডৰ প্ৰাক্তন মুখ্যমন্ত্ৰী শিবু সোৰেনৰ দেহাৱসান