৬০ দিনৰ খাৰুৱা তেল, ৬০ দিনৰ প্ৰাকৃতিক গেছ, ৪৫ দিনৰ এল পি জি (LPG) মজুত আছে ভাৰতৰ

পশ্চিম এছিয়াৰ যুদ্ধৰ পৰিপ্ৰেক্ষিতত বিশ্বজুৰি শক্তিৰ বজাৰত সৃষ্টি হোৱা অস্থিৰতাৰ মাজতে ভাৰত চৰকাৰে এক বৃহৎ “ৰাষ্ট্ৰীয় অভিযান”ৰ ঘোষণা কৰিছে । দেশৰ অৰ্থনীতিক সুৰক্ষিত কৰিবলৈ আৰু ইন্ধন সংৰক্ষণৰ বাবে চৰকাৰ তথা ব্যক্তিগত খণ্ডৰ নেতৃবৃন্দই একগোট হৈ জনসাধাৰণক এই যুঁজত অংশীদাৰ হ’বলৈ আহ্বান জনাইছে ।

প্ৰতিৰক্ষা মন্ত্ৰী ৰাজনাথ সিঙৰ অধ্যক্ষতাত সোমবাৰে অনুষ্ঠিত পঞ্চমখন অনানুষ্ঠানিক মন্ত্ৰী গোটৰ (IGoM) গুৰুত্বপূৰ্ণ বৈঠকত এই ৰণনীতি চূড়ান্ত কৰা হয় । ক’ভিড-১৯ মহামাৰীৰ সময়ত দেশবাসীয়ে যিদৰে একত্ৰিত হৈ যুঁজ দিছিল, ঠিক তেনেদৰে বৰ্তমানৰ অৰ্থনৈতিক প্ৰত্যাহ্বানৰ বিৰুদ্ধেও সামূহিক অংশগ্ৰহণৰ আহ্বান জনোৱা হৈছে ।

ভাৰতৰ শক্তি ভাণ্ডাৰ সুৰক্ষিত-

বৈঠকত জনোৱা হয় যে আন্তঃৰাষ্ট্ৰীয় বজাৰত অস্থিৰতা থাকিলেও ভাৰতৰ শক্তি নিৰাপত্তা বৰ্তমানলৈ সুদৃঢ় হৈ আছে । প্ৰতিৰক্ষা মন্ত্ৰালয়ৰ তথ্য অনুসৰি দেশৰ হাতত :

-৬০ দিনৰ খাৰুৱা তেল

-৬০ দিনৰ প্ৰাকৃতিক গেছ

-৪৫ দিনৰ এল পি জি (LPG) মজুত আছে । তদুপৰি, ভাৰতৰ বৈদেশিক মুদ্ৰাৰ ভাণ্ডাৰ বৰ্তমান ৭০৩ বিলিয়ন ডলাৰৰ এক সুবিধাজনক স্থিতিত আছে ।

দৈনিক ১,০০০ কোটি টকাৰ লোকচান-

বিশ্বজুৰি ৭০ দিন ধৰি যুদ্ধ চলি থকাৰ পাছতো ভাৰতত ইন্ধনৰ মূল্য বৃদ্ধি নোহোৱাকৈ ৰখা হৈছে । কিন্তু ইয়াৰ বাবে দেশৰ তৈল বিপণন কোম্পানীসমূহে (OMCs) প্রতিদিনে ১,০০০ কোটি টকাৰ লোকচান ভৰি আছে । চলিত ২০২৬ চনৰ প্ৰথমটো ত্ৰৈমাসিকতে এই আৰ্থিক বোজা ২ লাখ কোটি টকালৈ বৃদ্ধি পোৱাৰ সম্ভাৱনা আছে । জনসাধাৰণৰ ওপৰত যাতে অতিৰিক্ত মূল্যবৃদ্ধিৰ বোজা নপৰে, তাৰ বাবে চৰকাৰে এই লোকচান সহ্য কৰি আছে ।

প্ৰধানমন্ত্ৰীৰ আহ্বান: কি কৰিব লাগে সাধাৰণ জনতাই ?

প্ৰধানমন্ত্ৰী নৰেন্দ্ৰ মোদীয়ে দেশবাসীক আমদানিকৃত ইন্ধনৰ ওপৰত নিৰ্ভৰশীলতা কমাবলৈ আৰু বৈদেশিক মুদ্ৰা ৰাহি কৰিবলৈ কেতবোৰ নিৰ্দেশনা দিছে :

যাতায়ত: ব্যক্তিগত বাহনৰ পৰিৱৰ্তে মেট্ৰ’ আৰু ৰাজহুৱা পৰিবহণ ব্যৱহাৰ কৰা বা কাৰ-পুলিং (Car Pooling) কৰা ।

পৰ্যটন: অপ্ৰয়োজনীয় বিদেশ ভ্ৰমণ পৰিহাৰ কৰি ঘৰুৱা পৰ্যটন আৰু দেশৰ ভিতৰতে উৎসব-পাৰ্বন পালন কৰা ।

বিত্তীয় সাৱধানতা: অতি কমেও এবছৰৰ বাবে অপ্ৰয়োজনীয় সোণ ক্ৰয়ৰ পৰা বিৰত থকা ।

কৃষি খণ্ড: কৃষকসকলক ৰাসায়নিক সাৰৰ ব্যৱহাৰ ৫০% হ্ৰাস কৰিবলৈ আৰু ডিজেল পাম্পৰ পৰিৱৰ্তে সৌৰশক্তি চালিত পাম্প ব্যৱহাৰ কৰিবলৈ আহ্বান জনোৱা হৈছে ।

প্ৰতিৰক্ষা মন্ত্ৰী ৰাজনাথ সিঙে কয় যে চৰকাৰী বিভাগসমূহৰ লগতে প্ৰতিগৰাকী নাগৰিকে দায়িত্বশীল ব্যৱহাৰ প্ৰদৰ্শন কৰিলেহে দেশৰ অৰ্থনীতিৰ এই বৃহৎ বোজা হ্ৰাস কৰাটো সম্ভৱ হ’ব ।

এই বৈঠকত ৰাসায়নিক আৰু সাৰ মন্ত্ৰী জগত প্ৰকাশ নাড্ডা; পেট্ৰ’লিয়াম আৰু প্ৰাকৃতিক গেছ মন্ত্ৰী হৰদীপ সিং পুৰী; ৰেল, তথ্য আৰু সম্প্ৰচাৰ, ইলেক্ট্ৰনিক্স আৰু তথ্য প্ৰযুক্তি মন্ত্ৰী অশ্বিনী বৈষ্ণৱ; সংসদীয় পৰিক্ৰমা মন্ত্ৰী কিৰেন ৰিজিজু; অসামৰিক বিমান পৰিবহণ মন্ত্ৰী কিঞ্জাৰাপু ৰামমোহন নাইডু; বন্দৰ, জাহাজ আৰু জলপথ মন্ত্ৰী সৰ্বানন্দ সোণোৱাল আৰু বিজ্ঞান আৰু প্ৰযুক্তি মন্ত্ৰালয়ৰ ৰাজ্যিক মন্ত্ৰী (স্বতন্ত্ৰ দায়িত্ব) ড° জীতেন্দ্ৰ সিঙে অংশগ্ৰহণ কৰে ।

লগতে পঢ়ক : বিশ্ব সংকটৰ মাজত ভাৰতৰ ঢাল হ’ব ‘নাগৰিক সত্যাগ্ৰহ’; দেশবাসীক নতুন দায়িত্ব অৰ্পণ প্ৰধানমন্ত্ৰীৰ

দুখনকৈ ভাৰতীয় জাহাজক হৰমুজ হোৱাৰ অনুমতি দিয়া হৈছিল । ইয়াৰে এখন এল পি জি ভৰ্তি জাহাজ ভাৰতত আহি উপস্থিত হৈছে ।

আমেৰিকা আৰু ইৰাণৰ মাজত চলি থকা যুদ্ধৰ বাবে বহু দেশৰ জাহাজে হৰমুজ প্ৰণালী পাৰ হ’ব নোৱাৰি আৱদ্ধ হৈ পৰিছে । ইয়াৰ মাজতে দুখনকৈ ভাৰতীয় জাহাজক হৰমুজেৰে পাৰ হোৱাৰ অনুমতি দিয়া হৈছিল । ইয়াৰে এখন জাহাজ শিৱালিক সোমবাৰে এল পি জি কঢ়িয়াই ভাৰতত উপস্থিত হয় । গুজৰাটৰ মুন্দ্ৰা বন্দৰত উপস্থিত হোৱা শিৱলিক জাহাজখনৰ পৰা এতিয়া আনলোডিং হ’ব ।

সোমবাৰে সন্ধিয়া প্ৰায় ৫ বজাত মুন্দ্ৰা বন্দৰত উপস্থিত হয় শিৱালিক । এই এল পি জি কেৰিয়াৰখনে প্ৰায় ৪৬,০০০ মেট্ৰিক টন গেছ কঢ়িয়াই আনিছে, যিটো ৩২.৪ লাখ ঘৰুৱা চিলিণ্ডাৰৰ সমতুল্য । এই জাহাজখনো হৰমুজ প্ৰণালীত আবদ্ধ হৈ আছিল যদিও ১৪ মাৰ্চত ভাৰতল অহাৰ অনুমতি লাভ কৰিছিল । মধ্যপ্ৰাচ্যত চলি থকা যুদ্ধৰ মাজতে ভাৰতত উপস্থিত হোৱা এই জাহাজখনে দেশবাসীক যথেষ্ট সকাহ দিছে ।

ইফালে শিৱালিকৰ পিছতে এল পি জি ভৰ্তি নন্দা দেৱী শীঘ্ৰেই ভাৰতত উপস্থিত হোৱাৰ সম্ভাৱনা আছে । এই জাহাজখনে ৪৬ হাজাৰ মেট্ৰিক টন এল পি জি কঢ়িয়াই আনিছে । ভাৰতকে ধৰি কেইবাখনো দেশৰ জাহাজ এতিয়াও হৰমুজ প্ৰণালীত আবদ্ধ হৈ আছে । অৱশ্যে ইৰানে ভাৰতক বন্ধু বুলি উল্লেখ কৰিছে আৰু হৰমুজেৰে ভাৰতীয় জাহাজ পাৰ হোৱাত অনুমতি দিব বুলি উল্লেখ কৰিছে । ইৰাণৰ বৈদেশিক মন্ত্ৰী আব্বাছ আৰাঘচিয়ে শেহতীয়াকৈ উল্লেখ কৰিছে যে ইৰাণৰ শত্ৰুৰ বাহিৰে হৰমুজ প্ৰণালী সকলোৰে বাবে মুকলি ।

ভাৰতস্থিত ইৰাণৰ ৰাষ্ট্ৰদূত মহম্মদ ফাথালীয়ে শনিবাৰে কয় যে ইৰাণে হৰমুজ প্ৰণালীৰ মাজেৰে কিছু জাহাজ পাৰ হ’বলৈ অনুমতি দিছে । অৱশ্যে কিমান জাহাজ পাৰ হ’বলৈ দিয়া হ’ব সেই বিষয়ে তেওঁ স্পষ্ট কৰা নাছিল । ইয়াৰ ভিতৰত কেইবাখনো দেশৰ জাহাজো অন্তৰ্ভুক্ত হ’ব পাৰে বুলি ধাৰণা কৰা হৈছে ।

লগতে পঢ়ক : কটকৰ এছচিবি মেডিকেল কলেজ এণ্ড হাস্পতালৰ ICU ত ভয়ংকৰ অগ্নিকাণ্ড; ১০ জন ৰোগীৰ মৃত্যু

আশ্বস্ত কৰা খবৰটো হ’ল দুখন জাহাজ হৰমুজ প্ৰণালী পাৰ হৈ নিৰাপদে ভাৰতৰ দিশে আগবাঢ়িছে

দেশত ৰন্ধন গেছৰ নাটনি সন্দৰ্ভত প্ৰচাৰিত উৰাবাতৰিৰ মাজতে পেট্ৰলিয়াম মন্ত্ৰালয়ে এক ডাঙৰ সকাহৰ খবৰ প্ৰকাশ কৰিছে । চৰকাৰে স্পষ্ট কৰি দিছে যে দেশত পেট্ৰ’ল, ডিজেল, ৰন্ধন গেছৰ পৰ্যাপ্ত মজুত আছে আৰু আতংকৰ একেবাৰেই প্ৰয়োজন নাই । ইফালে, আটাইতকৈ উল্লেখযোগ্য সকাহ হৈছে যে বৃহৎ পৰিমাণৰ এল পি জি কঢ়িয়াই অনা ভাৰতীয় দুখন জাহাজে নিৰাপদে ভাৰতৰ দিশে আগবাঢ়িছে । উৰাবাতৰিৰ দ্বাৰা বিপথে পৰিচালিত নহ’বলৈ আৰু আতংকিত হৈ আগতীয়াকৈ গেছ চিলিণ্ডাৰ বুকি কৰাৰ পৰা বিৰত থাকিবলৈ চৰকাৰে বিশেষ আহ্বান জনাইছে ।

পশ্চিম এছিয়াত প্ৰচলিত পৰিস্থিতি সন্দৰ্ভত কেন্দ্ৰীয় চৰকাৰৰ কেইবাটাও মন্ত্ৰালয় একত্ৰিত হৈ জনসাধাৰণক উল্লেখযোগ্য সকাহ প্ৰদান কৰিছে । পেট্ৰলিয়াম মন্ত্ৰালয়ৰ যুটীয়া সচিব সুজাতা শৰ্মাই স্পষ্ট কৰি দিছে যে দেশৰ তেল শোধনাগাৰসমূহে সম্পূৰ্ণ ক্ষমতাৰে কাম কৰি আছে । উৰাবাতৰিৰ বলি নহ’বলৈ আৰু ভয়ত গেছ চিলিণ্ডাৰৰ অগ্ৰিম বুকিং কৰাৰ পৰা বিৰত থাকিবলৈ চৰকাৰে আহ্বান জনাইছে ।

ইফালে আটাইতকৈ আশ্বস্ত কৰা খবৰটো হ’ল ভাৰতৰ দুখন জাহাজ হৰমুজ প্ৰণালী পাৰ হৈ নিৰাপদে ভাৰতৰ দিশে আগবাঢ়িছে । কোনো ধৰণৰ উৰাবাতৰিক বিশ্বাস নকৰিবলৈ আৰু আতংকৰ পৰিপ্ৰেক্ষিতত আগতীয়াকৈ গেছ চিলিণ্ডাৰ বুকিং কৰাৰ পৰা বিৰত থাকিবলৈ চৰকাৰে নাগৰিকসকলক আহ্বান জনাইছে ।

পৰিসংখ্যা মতে ১৩ মাৰ্চত, এটা দিনতে অভিলেখ সংখ্যক ৮৮.৮ লাখ গেছ চিলিণ্ডাৰ বুকিং হৈছিল- যিটো সংখ্যা প্ৰকৃত প্ৰয়োজনীয়তাতকৈ বহু বেছি । এই বুকিং ৰোধ কৰিবলৈ চৰকাৰে নিয়মাৱলী সংশোধন কৰিছে । নতুন নিয়মৰ অধীনত গ্ৰাহকে চহৰ অঞ্চলত ২৫ দিন আৰু গ্ৰামাঞ্চলত ৪৫ দিন আগতীয়ীকৈ দ্বিতীয় চিলিণ্ডাৰ বুকিং কৰিব নোৱাৰিব । ইয়াৰ উপৰিও এতিয়া ২৯খন ৰাজ্যত বাণিজ্যিক চিলিণ্ডাৰৰ যোগান আৰম্ভ হৈছে ।

গেছৰ জমা আৰু ক’লা বিপণন ৰোধ কৰিবলৈ উত্তৰ প্ৰদেশ, বিহাৰ, মহাৰাষ্ট্ৰ, ওড়িশাৰ দৰে ৰাজ্যত অভিযান চলোৱা হৈছে । চৰকাৰে স্পষ্টভাৱে উল্লেখ কৰিছে যে মানুহে এজেন্সীসমূহত ভিৰ কৰাৰ পৰা বিৰত থাকিব লাগে আৰু ইয়াৰ পৰিৱৰ্তে অনলাইন বুকিংৰ পথ বাছি ল’ব লাগে, চিলিণ্ডাৰসমূহ পোনপটীয়াকৈ তেওঁলোকৰ ঘৰলৈ ডেলিভাৰী কৰা হ’ব বুলি আশ্বাস দিছে চৰকাৰে । ইফালে দিল্লী-এনচিআৰ অঞ্চলত প্ৰদূষণ নিয়ন্ত্ৰণ ব’ৰ্ডে কাঠ আৰু জৈৱবস্তুৰ ব্যৱহাৰৰ বাবে এমাহৰ বাবে অস্থায়ী অনুমতি প্ৰদান কৰিছে ।

লগতে পঢ়ক : মোবাইল ডাটাৰ ওপৰত নতুন কৰ!প্ৰতি জিবি ডাটাৰ বাবে ভৰিব লাগিব অতিৰিক্ত ধন!