মহম্মদ ছিৰাজে ভংগ কৰিলে শচীনৰ অভিলেখ

ভাৰতৰ তাৰকা বেগী বলাৰ মহম্মদ ছিৰাজে মহান ক্ৰিকেটাৰ শচীন টেণ্ডুলকাৰৰ এক বৃহৎ অভিলেখ ভংগ কৰিছে।ইংলেণ্ডৰ বিৰুদ্ধে অ’ভালত চলি থকা পঞ্চমখন টেষ্ট মেচত মহম্মদ ছিৰাজে দুৰ্দান্ত বলিং কৰিছে।

ইংলেণ্ডৰ প্ৰথম ইনিংছত মহম্মদ চিৰাজে ১৬.২ অভাৰত ৮৬ ৰানত ৪ উইকেট দখল কৰে।এই সময়ছোৱাত খেলুৱৈ গৰাকীয়ে আন্তঃৰাষ্ট্ৰীয় ক্ৰিকেটত এক ডাঙৰ মাইলৰ খুঁটি অৰ্জন কৰিছে।

আন্তঃৰাষ্ট্ৰীয় ক্ৰিকেটত সৰ্বাধিক উইকেট দখল কৰি মহান ক্ৰিকেটাৰ শচীন টেণ্ডুলকাৰৰ অভিলেখ ভংগ কৰিছে ছিৰাজে।

শচীন টেণ্ডুলকাৰ তেওঁৰ খেলৰ দিনত দুৰ্দান্ত বেটছমেন হোৱাৰ উপৰিও তেওঁ এজন বিশেষজ্ঞ লেগ স্পিনাৰো আছিল।

শচীন টেণ্ডুলকাৰে আন্তঃৰাষ্ট্ৰীয় ক্ৰিকেটত ২০১টা উইকেট দখল কৰিছে ।কিন্তু এতিয়া আন্তঃৰাষ্ট্ৰীয় ক্ৰিকেটত শচীন টেণ্ডুলকাৰক পিছ পেলাই ২০৩টা উইকেট দখল কৰিছে মহম্মদ ছিৰাজে।

ছিৰাজে টেষ্ট মেচত ১১৮টা, এদিনীয়াত ৭১টা আৰু টি-২০ আন্তঃৰাষ্ট্ৰীয় মেচত ১৪টা উইকেট দখল কৰিছে। আনহাতে শচীন টেণ্ডুলকাৰে টেষ্টত ৪৬টা, এদিনীয়াত ১৫৪টা আৰু টি-২০ ইণ্টাৰনেশ্যনেলত ১টা উইকেট দখল কৰিছে।

আন্তঃৰাষ্ট্ৰীয় ক্ৰিকেটত ছিৰাজৰ নাম এতিয়া মুঠ ২০৩টা উইকেট দখল কৰাৰ তালিকাত অন্তৰ্ভূক্ত হৈছে।একে সময়তে শচীন টেণ্ডুলকাৰৰ মুঠ ২০১টা উইকেটৰ কৃতিত্ব আছে।

ছিৰাজে এই কৃতিত্ব অৰ্জন কৰে যেতিয়া তেওঁ দ্ৰুত বলাৰৰ অনুকূল অ’ভাল পিটচত ইংলেণ্ডৰ ৪ জন বেটছমেনক আউট কৰে।

লগতে পঢ়ক: ‘আত্মহত্যা কৰিবলৈ মন গৈছিল…’; বিবাহ বিচ্ছেদক লৈ যুজবেন্দ্ৰ চাহালে ভংগ কৰিলে মৌনতা

শুভমান গিলৰ অধিনায়কত্বৰ অনুৰাগী শচীন টেণ্ডুলকাৰ

মহান বেটছমেন শচীন টেণ্ডুলকাৰে চিন্তাশীল আৰু শান্তভাৱে সিদ্ধান্ত লোৱাৰ বাবে নতুন টেষ্ট অধিনায়ক শুভমান গিলক প্ৰশংসা কৰিছে।

ইংলেণ্ডৰ বিৰুদ্ধে শৃংখলাৰ পূৰ্বে টিম ইণ্ডিয়াৰ টেষ্ট দলৰ অধিনায়ক হিচাপে নিৰ্বাচিত হৈছিল গিল।তেওঁৰ অধিনায়কত্বৰ আৰম্ভণি অতি কঠিন আছিল।

প্ৰথমখন খেলত ইংলেণ্ডৰ বিৰুদ্ধে পৰাজয়ৰ সন্মুখীন হ’বলগীয়া হৈছিল ভাৰতে। কিন্তু দ্বিতীয়খন মেচত গিলৰ নেতৃত্বত ভাৰতে এক বৃহৎ প্ৰত্যাৱৰ্তন কৰে।

অধিনায়ক হিচাপে গিলে প্ৰথমখন মেচতে পৰাজয়ৰ সন্মুখীন হ’বলগীয়া হৈছিল। কিন্তু এই পৰাজয়ৰ বাবে ভয় খোৱাৰ পৰিৱৰ্তে গিলে শক্তিশালী কামবেক কৰিলে।

দ্বিতীয় টেষ্টত তেওঁ টিম ইণ্ডিয়াক এক উজ্জ্বল জয় প্ৰদান কৰে।বাৰ্মিংহামৰ এডগবাষ্টন খেলপথাৰত ইংলেণ্ডক ৩৩৬ ৰানত পৰাস্ত কৰি ভাৰতে পাঁচখন খেলৰ শৃংখলা ১-১ সমতা স্থাপন কৰে

গিলৰ বিষয়ে শচীনে ক’লে এই কথা

আজিৰে পৰা লৰ্ডছ খেলপথাৰত ভাৰত আৰু ইংলেণ্ডৰ শৃংখলাৰ তৃতীয়খন টেষ্ট আৰম্ভ হৈছে।ইয়াৰ পূৰ্বে ষ্টাৰ স্প’ৰ্টছৰ সৈতে কথা পাতি থকাৰ সময়তে শচীন টেণ্ডুলকাৰে কয় যে, “শুভমানে অতি দুৰ্দান্ত প্ৰদৰ্শন কৰিছে, তেওঁ অতি শান্ত আৰু সংযত”।

“মোৰ বিশ্বাস বাকী ১০ জন খেলুৱৈয়ে তেওঁৰ সিদ্ধান্ত আৰু নেতৃত্বক সন্মান কৰে।তেওঁ লোৱা সিদ্ধান্তবোৰ যুক্তিসংগত আৰু সুচিন্তিত।”

শচীনে আৰু কয়,‘তেওঁৰ বেটিং তেওঁৰ অধিনায়কত্বৰ সৈতে মিল খায়। যেতিয়া কোনো অধিনায়ক ভাল ফৰ্মত থাকে, ইয়াৰ দ্বাৰা সিদ্ধান্ত গ্ৰহণৰ ক্ষেত্ৰত ইতিবাচক প্ৰভাৱ পৰে”।

“প্ৰয়োজনীয় সিদ্ধান্ত ল’বলৈ সঠিক মানসিকতাত থকাটো প্ৰয়োজন আৰু বৰ্তমান তেওঁ তাতেই আছে।তেওঁ উজ্জ্বল বেটিং কৰি আছে।”

লগতে পঢ়ক: চতুৰ্থ টি-২০ত ইংলেণ্ডৰ বিৰুদ্ধে ৬ উইকেটত জয়লাভ ভাৰতৰ; শৃংখলাত ৩-১ ব্যৱধানত অগ্ৰগতি