দ্বিতীয়বাৰৰ বাবে মাতৃ হ’বলৈ ওলাইছে অভিনেত্ৰী দীপিকা পাডুকন। কিন্তু গৰ্ভধাৰণৰ বাবে ‘ৰাকা’ ছবিখনত দীপিকা পাডুকনৰ সলনি আন অভিনেত্ৰী লোৱা হ’ব বুলি চৰ্চা হৈছিল। এতিয়া ছবিখনৰ নিৰ্মাতাসকলে মৌনতা ভংগ কৰিছে।

বলীউডৰ ছুপাৰষ্টাৰ দীপিকা পাডুকনে বৰ্তমান নিজৰ পেছাদাৰী আৰু ব্যক্তিগত জীৱনক লৈ শিৰোনাম দখল কৰিছে। এফালে পুনৰ মাতৃ হোৱাৰ খবৰে অনুৰাগীক আনন্দিত কৰি তোলাৰ বিপৰীতে তেওঁৰ আগন্তুক ছবি ‘ৰাকা’ক লৈ এটা বাতৰিয়ে ছ’চিয়েল মিডিয়াত আলোড়নৰ সৃষ্টি কৰিছে। বিগত কিছুদিন ধৰি গৰ্ভধাৰণৰ বাবে  ছবিখনত দীপিকা পাডুকনৰ ভূমিকা কম হ’ব পাৰে বুলি চৰ্চা চলিছিল। এতিয়া এই সকলোবোৰ দাবীক লৈ নিৰ্মাতাসকলে নিজৰ মৌনতা ভংগ কৰিছে।

‘ৰাকা’ ছবিখনৰ নিৰ্মাতাসকলে দীপিকা পাডুকনক ছবিখনৰ পৰা বাদ দিয়া হৈছে বা তেওঁৰ ভূমিকা হ্ৰাস কৰা হৈছে বুলি প্ৰকাশ পোৱা বাতৰিক স্পষ্টভাৱে অস্বীকাৰ কৰিছে। এই বাতৰিবোৰক তেওঁলোকে সম্পূৰ্ণ ভিত্তিহীন বুলি অভিহিত কৰিছে। প্ৰডাকচন টিমে স্পষ্ট কৰি দিয়ে যে সকলো পৰিকল্পনা অনুসৰি চলি আছে। দলটোৰ মতে, দীপিকা ছবিখনৰ এক গুৰুত্বপূৰ্ণ অংশ আৰু তেওঁ দুৰ্দান্ত শক্তিৰে শ্বুটিং স্থলীত কাম কৰি আছে। শ্বুটিঙৰ সময়ত কোনো ধৰণৰ বাধা অহা নাই।

তেওঁলোকে কয় যে, আল্লু অৰ্জুন অভিনীত আৰু এটলীয়ে পৰিচালনা কৰা এই আগন্তুক ছবিখনৰ বাবে দীপিকাই কিছু দৰ্শনীয় একচন ছিকুৱেন্সৰ শ্বুটিং কৰিবলৈ সাজু হৈছে। গৰ্ভাৱস্থাৰ পিছতো কামৰ ক্ষেত্ৰত তেওঁ অতি পেছাদাৰী হৈয়েই আছে। অৱশ্যে শ্বুটিঙৰ সময়ত অভিনেত্ৰী গৰাকীৰ যাতে সকলো প্ৰয়োজনীয় সুৰক্ষা ব্যৱস্থা আৰু প্ৰট’কল মানি চলিব পাৰে তাৰ বাবে নিৰ্মাতাসকলে সকলো সাৱধানতা অৱলম্বন কৰিছে।

লগতে পঢ়ক: ‘এইটো কেৱল টকাৰ ইচ্ছু নাছিল’; চেক বাউন্স কেছ সন্দৰ্ভত ৰাজপাল যাদৱৰ ডাঙৰ প্ৰকাশ

দ্বিতীয় বাৰৰ বাবে মাতৃ হ’ব সোণম কাপুৰ

অভিনেত্ৰী সোণম কাপুৰৰ দ্বিতীয় গৰ্ভধাৰণৰ বিষয়ে বহু দিনৰ পৰা জল্পনা-কল্পনা চলি আছে। সামাজিক মাধ্যম আৰু বলীউডৰ মহলত চৰ্চা চলিছে যে অভিনেত্ৰীগৰাকী অতি সোনকালে দ্বিতীয়বাৰৰ বাবে মাতৃ হ’ব পাৰে।

সকলো জল্পনা-কল্পনা আৰু উৰাবাতৰিৰ অন্ত পেলাই আজি সোণম কাপুৰে গৰ্ভধাৰণৰ কথা ঘোষণা কৰিছে।শীঘ্ৰে দ্বিতীয় সন্তানক আদৰিবলৈ ওলাইছে অভিনেত্ৰীগৰাকীয়ে।

ষ্টাইল আইকন সোণমে অতি ষ্টাইলিছ লুকত দ্বিতীয়বাৰৰ বাবে গৰ্ভধাৰণৰ কথা ঘোষণা কৰিছে।হট পিংকৰ এটি ড্ৰেছ পৰিধান কৰি তেওঁ এখন ফটো শ্বেয়াৰ কৰিছে য’ত অভিনেত্ৰী গৰাকীৰ বেবী বাম্প দেখিবলৈ পোৱা গৈছে।

অভিনেত্ৰীগৰাকীৰ স্বামী আনন্দ আহুজাৰ এটা পোষ্টে আটাইতকৈ বেছি দৃষ্টি আকৰ্ষণ কৰিছে।পত্নীৰ এই পোষ্টত আনন্দ আহুজাই নিজৰ কৌতুহল প্ৰকাশ কৰি দুটা মন্তব্য কৰিছে।

এটাত তেওঁ লিখিছে,‘ডাবলাৰ ট্ৰাবল’, আনহাতে দ্বিতীয়টোত তেওঁ পত্নী সোণমক মৰম দি লিখিছিল, ‘বেবী মা আৰু শিক মামা’।

উল্লেখ্য যে ২০১৮ চনত অভিনেত্ৰী গৰাকীয়ে ব্যৱসায়ী আনন্দ আহুজাৰ সৈতে বিবাহ পাশত আৱদ্ধ হৈছিল।দুয়োজনে বিয়াৰ আগতে বহুদিন ইজনে সিজনৰ লগত ডেটিং কৰিছিল।

বিয়াৰ তিনি বছৰৰ পাছত ২০২১ চনত সোণম কাপুৰে বায়ুক জন্ম দিয়ে। প্ৰথম সন্তান বায়ুৰ জন্মৰ তিনি বছৰৰ পিছত পুনৰ সোণম আৰু আনন্দৰ ঘৰত দেৱশিশুৰ আগমন হ’বলৈ গৈ আছে।

লগতে পঢ়ক: ১ মাহৰ পিছত পৰিনীতি আৰু ৰাঘৱে শ্বেয়াৰ কৰিলে পুত্ৰৰ প্ৰথমখন ফটো; ৰাজহুৱা কৰিলে নাম

মুক্তিৰ পূৰ্বেই শক্তি প্ৰদৰ্শন ঋত্বিক-জুনিয়ৰ এন টি আৰৰ ‘ৱাৰ ২’ এ

ঋত্বিক ৰোশন আৰু জুনিয়ৰ এন টি আৰৰ ছবি War 2ৰ বাবে অনুৰাগীসকলে আগ্ৰহেৰে অপেক্ষা কৰি আছে।এই ছবিখন অহা ১৪ আগষ্টত চিনেমাগৃহত মুক্তি পাব।

ঋত্বিক আৰু জুনিয়ৰ এন টি আৰৰ সৈতে ছবিখনত গ্লেমাৰ সংযোজন কৰা দেখা যাব কিয়াৰা আদৱানীয়ে।‘ৱাৰ ২’ৰ এডভান্স বুকিং আৰম্ভ হৈছে আৰু বৃহৎ সংখ্যক লোকে টিকট ক্ৰয় কৰিছে।

War 2 ৰ ট্ৰেইলাৰ মুক্তি পোৱাৰ পিছৰে পৰা অনুৰাগীসকল ইয়াৰ বাবে উন্মাদ হৈ পৰিছে।চিনেমাখনক লৈ ব্যাপক চৰ্চা চলি আছে।

এই হুলস্থুল এডভান্স বুকিঙতো দেখা যায়।ইতিমধ্যে বিদেশত War 2 ৰ এডভান্স বুকিং মুকলি হৈছিল যদিও শেহতীয়াকৈ ভাৰতত ই কোটি টকা উপাৰ্জন কৰিছে।

War 2 ৰ এডভান্স বুকিঙৰ কথা ক’বলৈ গ’লে ছবিখনে এতিয়ালৈকে ৫.৬২ কোটি টকা উপাৰ্জন কৰিছে।ইয়াৰ ভিতৰত ব্লকৰ আসনও অন্তৰ্ভুক্ত।

এতিয়ালৈকে War 2 ৰ ৬৭২৩টা শ্ব’ৰ ৫৫৭৭৩টা টিকট বিক্ৰী হৈছে।প্ৰথম দিনাই ছবিখন চাবলৈ সকলোৱে অপেক্ষা কৰি আছে। ১৫ আগষ্টৰ বন্ধৰ দিনত ছবিখনে বহুখিনি লাভৱান হ’বলৈ গৈ আছে।

লগতে পঢ়ক: ‘উদয়পুৰ ফাইলছ’ৰ প্ৰযোজকলৈ মৃত্যুৰ ভাবুকি; সহায়ৰ বাবে আবেদন