জনপ্ৰিয় অভিনেতা ৰণবীৰ সিঙৰ একচন-থ্ৰিলাৰ ছবি ধুৰন্ধৰ ২: দ্য ৰিভেঞ্জ এতিয়া ভাৰতত ডিজিটেল প্লেটফৰ্মত মুক্তি লাভৰ বাবে সম্পূৰ্ণ সাজু হৈছে

প্ৰেক্ষাগৃহত সফলতাৰে ব্যৱসায় কৰাৰ পিছত, অনুৰাগীসকলৰ বাবে সুখবৰ! জনপ্ৰিয় অভিনেতা ৰণবীৰ সিঙৰ একচন-থ্ৰিলাৰ ছবি ‘ধুৰন্ধৰ ২: দ্য ৰিভেঞ্জ’ (Dhurandhar 2: The Revenge) এতিয়া ভাৰতত ডিজিটেল প্লেটফৰ্মত মুক্তি লাভৰ বাবে সম্পূৰ্ণ সাজু হৈছে । পৰিচালক আদিত্য ধৰৰ এই ছিকুৱেল ছবিখনে অতি সোনকালেই লাভ কৰিব অটিটি (OTT) মুক্তি ।

ছবিখনত ৰণবীৰ সিঙৰ লগতে আৰ. মাধৱন, সঞ্জয় দত্ত, অৰ্জুন ৰামপাল, চাৰা অৰ্জুন আৰু ৰাকেশ বেদীয়ে গুৰুত্বপূৰ্ণ ভূমিকাত অভিনয় কৰিছে ।

কেতিয়া আৰু ক’ত চাব পাৰিব ?

নিৰ্মাতাসকলে ছচিয়েল মিডিয়াৰ জৰিয়তে আনুষ্ঠানিকভাৱে ঘোষণা কৰিছে ছবিখনৰ ষ্ট্ৰীমিং পৰিকল্পনা :

অফিচিয়েল ৰিলিজ : অহা ৫ জুন, ২০২৬ তাৰিখৰ পৰা কেৱল জিঅ’হটষ্টাৰ যোগে এই ছবিখন উপভোগ কৰিব পৰা যাব ।

বিশেষ ডিজিটেল প্ৰিমিয়াৰ : মূল মুক্তিৰ ঠিক এদিন পূৰ্বে, অৰ্থাৎ ৪ জুনৰ সন্ধিয়া ৭ বজাত এটা বিশেষ ডিজিটেল প্ৰিমিয়াৰৰো ব্যৱস্থা কৰা হৈছে ।

বহুভাষিক মুক্তি : সমগ্ৰ দেশৰ দৰ্শকে যাতে নিজৰ পছন্দৰ ভাষাত ছবিখন উপভোগ কৰিব পাৰে, তাৰ বাবে ইয়াক হিন্দী, তামিল, তেলেগু, মালায়ালম আৰু কানাড়া ভাষাত উপলব্ধ কৰা হ’ব ।

নিৰ্মাতা দলটোৱে ছবিখনক “চিনেমাৰ ধুৰন্ধৰ” বুলি অভিহিত কৰি দৰ্শকক এই ডিজিটেল যাত্ৰাত ভাগ ল’বলৈ আমন্ত্ৰণ জনাইছে ।

ওটিটিত উপলব্ধ হ’ব ৩ মিনিটৰ অতিৰিক্ত দৃশ্য : “ৰ’ এণ্ড অনদেখা” সংস্কৰণ

ছিনেমা হলত ছবিখন চোৱা দৰ্শকসকলৰ বাবেও ওটিটি মুক্তি হ’ব বিশেষ । জিঅ’হটষ্টাৰৰ গ্ৰাহকসকলে ছবিখনৰ এটা বিশেষ “ৰ’ এণ্ড অনদেখা” (Raw & Undekha) সংস্কৰণ চাবলৈ সুযোগ পাব ।

প্ৰতিবেদন অনুসৰি, এই বৰ্ধিত সংস্কৰণত প্ৰায় ৩ মিনিটৰ অতিৰিক্ত দৃশ্য অন্তৰ্ভুক্ত কৰা হৈছে, যিবোৰ থিয়েটাৰ সংস্কৰণত দেখুওৱা হোৱা নাছিল । অলপতে নেটফ্লিক্স আৰু জিঅ’হটষ্টাৰ দুয়োটাতে একে নামৰ সংস্কৰণ প্ৰচাৰ হোৱাক লৈ অনুৰাগীৰ মাজত কিছু বিভ্ৰান্তিৰ সৃষ্টি হৈছিল যদিও, এতিয়া স্পষ্ট হৈ পৰিছে যে পূৰ্বৰ ঘোষণাটো প্ৰথমখন ‘ধুৰন্ধৰ’ৰ বাবেহে আছিল আৰু এতিয়া ৫ জুনত ‘ধুৰন্ধৰ ২’ৰ নতুন বৰ্ধিত সংস্কৰণহে মুকলি কৰা হ’ব ।

বক্স অফিচত অভিলেখ সৃষ্টিকাৰী উপাৰ্জন-

প্ৰেক্ষাগৃহত দুমাহতকৈও অধিক সময় পাৰ হোৱাৰ পিছতো ‘ধুৰন্ধৰ ২’ৰ যাত্ৰা আছিল অভূতপূৰ্ব :

বিশ্বজুৰি সংগ্ৰহ : বক্স অফিচ ট্ৰেকাৰ ‘ছেকনিক’ (Sacnilk)ৰ প্ৰতিবেদন অনুসৰি, ছবিখনে বিশ্বজুৰি প্ৰায় ১,৭৯৮ কোটি টকা উপাৰ্জন কৰি ২০২৬ চনৰ অন্যতম সৰ্বাধিক উপাৰ্জনকাৰী ভাৰতীয় ছবিৰ খিতাপ দখল কৰিছে ।

ঘৰুৱা বক্স অফিচ : কেৱল ভাৰততে ছবিখনৰ নেট সংগ্ৰহে প্ৰায় ১,১৪৮.২২ কোটি টকা স্পৰ্শ কৰিছে আৰু অতি সোনকালেই ১,১৫০ কোটিৰ অভিলেখ গঢ়াৰ দিশে অগ্ৰসৰ হৈছে ।

লগতে পঢ়ক : বিবাহৰ ৩ মাহৰ পিছত হনিমুনলৈ ৰশ্মিকা মণ্ডানা; শ্বেয়াৰ কৰিলে ব্যক্তিগত মুহূৰ্ত

আদিত্য ধৰৰ ছবি ধুৰন্ধৰ ২ এ বক্স অফিচত এনে এক কৃতিত্ব অৰ্জন কৰিছে, যিটো প্ৰতিজন ছবি নিৰ্মাতাই লাভ কৰিবলৈ আকাংক্ষা কৰে। ছবিখন ১০০০ কোটিৰ সীমা অতিক্ৰম কৰা প্ৰথমখন বলীউড ছবি হিচাপে পৰিগণিত হৈছে।

আদিত্য ধৰৰ ছবি ধুৰন্ধৰ ২ য়ে বক্স অফিচত ইতিহাসৰ সৃষ্টি কৰিছে। ৰণবীৰ সিং অভিনীত চোৰাংচোৱা থ্ৰিলাৰ ছবিখনে ১৮ দিনত ১০০০ কোটি টকাৰ সীমা অতিক্ৰম কৰি এক বৃহৎ অভিলেখ গঢ়িবলৈ সক্ষম হৈছে।ভাৰতীয় বক্স অফিচত এনে কৃতিত্ব অৰ্জন কৰা এইখন বলীউডৰ প্ৰথমখন ছবি হৈ পৰিছে।

১৯ মাৰ্চত মুক্তি পোৱা ‘ধুৰন্ধৰ ২’এ প্ৰতিদিনে ভাল ব্যৱসায় কৰি আছে। এই একচন থ্ৰিলাৰ ছবিখনে আশা কৰাতকৈ বহু বেছি ভাল প্ৰদৰ্শন কৰিছে, আনকি তৃতীয় সপ্তাহতো চিনেমাগৃহত  দৰ্শকৰ বিপুল ভিৰ দেখিবলৈ পোৱা গৈছে।

১৮ নম্বৰ দিনত ‘ধুৰন্ধৰ ২’এ ২৮.৭৫ কোটিৰ সংগ্ৰহ কৰিছে। এনে উপাৰ্জনে তৃতীয় সপ্তাহতো স্পষ্ট কৰি দিয়ে যে ‘ধুৰন্ধৰ ২’ দৰ্শকৰ শীৰ্ষ পছন্দ হৈয়েই আছে।প্ৰথম সপ্তাহত ছবিখনে ৬৭৪ কোটি আৰু দ্বিতীয় সপ্তাহত ২৬৩.৬৫ কোটি টকা উপাৰ্জন কৰে।এইদৰে ধুৰন্ধৰ ২ৰ মুঠ সংগ্ৰহ ১,২১৩.৭৪ কোটি ।

ইতিহাস ৰচনা কৰাৰ পিছত এতিয়া ‘ধুৰন্ধৰ ২’ৰ দৃষ্টি ‘বাহুবলী ২: দ্য কনক্লুচন’ৰ অভিলেখ ভংগ কৰা।যিয়ে ভাৰতীয় বক্স অফিচত প্ৰায় ১,০৩০ কোটি টকা উপাৰ্জন কৰিছিল।

লগতে পঢ়ক: ১৩ বছৰৰ মূৰত ছবিগৃহলৈ আহিব কুইনৰ ছিকুৱেল; সলনি হ’ব শিৰোনাম

আদিত্য ধৰৰ ‘ধুৰন্ধৰ ২’ ছবিখনে বক্স অফিচত ইতিহাস ৰচনা কৰিছে। ৰণবীৰ সিং অভিনিত ছবিখনে মাত্ৰ চাৰিদিনতে ৪৫০ কোটি টকাৰ সীমা অতিক্ৰম কৰিলে।

আদিত্য ধৰৰ পৰিচালিত ৰণবীৰ সিঙৰ ছবি ধুৰন্ধৰ: দ্য ৰিভেঞ্জ এ বক্স অফিচত বিধ্বংসী ৰূপ ধাৰণ কৰিছে।এই ছবিখনে মাত্ৰ চাৰিদিনতে ৪৫০ কোটি টকাৰ যাদুকৰী পৰিসংখ্যা অতিক্ৰম কৰিছে।

দেওবাৰে এই ছবিখনে অভিলেখ ভংগ কৰি ১১৪.৮৫ কোটি টকা অৰ্জন কৰি মুঠ ৪৫৪.১২ কোটি টকা সংগ্ৰহ কৰিছে।  ৰণবীৰ সিঙে অভিনয় কৰা এই ছবিখন ১৯ মাৰ্চত মুক্তি পাইছিল (১৮ মাৰ্চত পেইড প্ৰিভিউৰ সৈতে) আৰু ভাৰতত মাত্ৰ চাৰিদিনতে ছবিখনে ৪৫০ কোটি টকাৰ সীমা অতিক্ৰম কৰিছে।

এই কৃতিত্বৰে ছবিখনে কেইবাখনো ডাঙৰ ডাঙৰ ছবিৰ অভিলেখ ভংগ কৰিছে। ইয়াৰ লগে লগে ‘ধুৰন্ধৰ ২’এ আমিৰ খানৰ ‘ডাংগল’ (৩৮৭ কোটি)ৰ অভিলেখ ভংগ কৰিছে।তদুপৰি বজৰংগী ভাইজান আৰু বাহুবলী আদি ছবিৰ উপাৰ্জনকো (প্ৰায় ৪২১ কোটি ) অতিক্ৰম কৰিছে।

ধূৰন্ধৰঃ দ্য ৰিভেঞ্জৰ ৰচনা, পৰিচালনা আৰু প্ৰযোজক হৈছে আদিত্য ধৰ।ৰণবীৰ সিঙৰ উপৰিও ছবিখনত অৰ্জুন ৰামপাল, সঞ্জয় দত্ত, আৰ মাধৱন, চাৰা অৰ্জুন, ৰাকেশ বেদী, গৌৰৱ গেৰা, দনিশ পাণ্ডোৰ, আৰু মানৱ গোহিলে বিশিষ্ট চৰিত্ৰত অভিনয় কৰিছে।

লগতে পঢ়ক: ‘ধুৰন্ধৰ ২’ বিৰুদ্ধে শিখ সম্প্ৰদায়ৰ ধৰ্মীয় আৱেগক আঘাত দিয়াৰ অভিযোগ