সামাজিক মাধ্যমত গৰিমা শইকীয়া গাৰ্গৰ আৱেগিক পোষ্ট

প্ৰিয় শিল্পী জুবিন গাৰ্গৰ মৃত্যুৰ পিছৰে পৰা শোক সাগৰত ডুব গৈছে সমগ্ৰ ৰাজ্য । হিয়াৰ আমঠু শিল্পীগৰাকীৰ মৃত্যুৰ পিছৰে পৰা তেখেতক সোঁৱৰি আৱেগিক হৈ পৰিছে অনুৰাগী তথা ৰাজ্যবাসী । লগতে শিল্পীগৰাকীৰ ৰহস্যজনক মৃত্যুৰ তদন্ত তথা ন্যায়ৰ দাবী সৰ্বত্ৰে উত্থাপন হৈছে । ইয়াৰ মাজতে জুবিন গাৰ্গৰ সহধৰ্মিণী গৰিমা শইকীয়া গাৰ্গে সামাজিক মাধ্যমত সোমবাৰে এক বিশেষ পোষ্ট কৰিছে । আপোন মানুহজনক হেৰওৱাৰ ১৮ দিনৰ পিছত প্ৰথমবাৰৰ বাবে সামাজিক মাধ্যমত পোষ্ট কৰিছে গৰিমা শইকীয়া গাৰ্গে । ‘মোক উত্তৰ লাগে‘ বুলি উল্লেখ কৰি ফেচবুক পোষ্টটোত ন্যায়ৰ দাবী কৰিছে গৰিমাই ।

স্বামী জুবিন গাৰ্গৰ সৈতে এক অন্তৰংগ মুহূৰ্তৰ ফটো শ্বেয়াৰ কৰি পত্নী গৰিমা শইকীয়া গাৰ্গে ফেচবুকত লিখিছে-“The last one for this life… But we will be together again,,very soon Goldie ! কিন্তু এতিয়া, অতি শীঘ্ৰেই মই/আমি সকলোৱে জানিব লাগিব তুমি কায়িক ভাবে নোহোৱা হৈ যোৱাৰ কাৰণ । কিয় ? এতিয়া এটা ডাঙৰ প্ৰশ্ন ! এই প্ৰশ্নই দিন ৰাতি জ্বলাই ৰাখিছে মোৰ শূণ্য বুকু । মোক উত্তৰ লাগে ..

#JusticeForZubeenGarg”

ভগ্নী পাল্মীৰ আৱেগিক পোষ্ট-

ইফালে জুবিন গাৰ্গৰ ভগ্নী ড০ পাল্মী বৰঠাকুৰেও সামাজিক মাধ্যমত প্ৰকাশ কৰিছে এক বিশেষ পোষ্ট । ভাতৃৰ সৈতে এখন ফটো শ্বেয়াৰ কৰি ফেচবুকত এক আৱগিক পোষ্ট শ্বেয়াৰ কৰি ন্যায়ৰ দাবী কৰে ভগ্নী ড০ পাল্মী বৰঠাকুৰে ।

ফেচবুকত তেওঁ লিখিছে-“আকৌ তই ‘ মমন ‘ বুলি মাতিবি…. যেতিয়া লগ পাম সীমনাৰ সিপাৰে….

এতিয়া লক্ষ্য মাত্ৰ এটাই, তোক ন্যায় দিয়াব লাগিব!

ৰাইজ! আপোনালোকৰ মনোবল আমাৰ সহায়ক হওঁক!

#justiceforzubeengarg

#JusticeForZubeenGarg”

লগতে পঢ়ক : ‘জুবিন গাৰ্গৰ জীৱিত কালত অখিল গগৈক অনুৰাগী হিচাপে দেখা নাছিলো’; মুখ্যমন্ত্ৰী