আই পি এল চেম্পিয়ন আৰ চি বিৰ ওপৰত টকাৰ বৰষুণ

ইণ্ডিয়ান প্ৰিমিয়াৰ লীগ (আই পি এল)ৰ ১৮ সংখ্যক ছিজনৰ খিতাপ দখল কৰে ৰয়েল চেলেঞ্জাৰছ বেংগালুৰু (আৰ চি বি)য়ে । ৩ জুনত (মঙলবাৰ) আহমেদাবাদৰ নৰেন্দ্ৰ মোদী ষ্টেডিয়ামত অনুষ্ঠিত ফাইনেলত ৰয়েল চেলেঞ্জাৰছ বেংগালুৰে পঞ্জাব কিংছক ৬ ৰানত পৰাস্ত কৰে । ইয়াৰ লগে লগে প্ৰথমবাৰৰ বাবে আৰ চি বি আই পি এল চেম্পিয়ন হোৱাৰ বিপৰীতে পঞ্জাব কিংছৰ প্ৰথম খিতাপ জয়ৰ অপেক্ষা এতিয়াও অব্যাহত আছে ।

২০২৫ চনৰ আই পি এলৰ ফাইনেলৰ পাছত বঁটা প্ৰদান অনুষ্ঠানৰ আয়োজন কৰা হয়, য’ত চেম্পিয়ন আৰু ৰানাৰ্ছ আপ দলৰ ওপৰত ধনৰ বৰষুণ হয় । ইয়াৰ উপৰিও প্ৰতিযোগিতাখনত ভাল প্ৰদৰ্শন কৰা খেলুৱৈসকলক বঁটা প্ৰদান কৰা হয় । আই পি এল চেম্পিয়ন ৰয়েল চেলেঞ্জাৰছ বাংগালোৰে ২০ কোটি টকা লাভ কৰাৰ বিপৰীতে ৰানাৰ্ছ আপ পঞ্জাব কিংছে ১২.৫০ কোটি টকা লাভ কৰে ।

আই পি এল ২০২৫ত শীৰ্ষ ৪ দলৰ পুৰস্কাৰৰ ধন

-আই পি এল চেম্পিয়ন (ৰয়েল চেলেঞ্জাৰছ বাংগালুৰু)- ২০ কোটি টকা

-ৰানাৰ্ছ আপ (পাঞ্জাব কিংছ)- ১২.৫ কোটি টকা

-তৃতীয় স্থানৰ দল (মুম্বাই ইণ্ডিয়ানছ)- ৭ কোটি টকা

-চতুৰ্থ স্থানৰ দল (গুজৰাট টাইটানছ)- ৬.৫ কোটি টকা

এইসকলেও লাভ কৰিলে বঁটা-

ছিজনৰ সৰ্বাধিক ৰান (অৰেঞ্জ কেপ)- ছাই সুদৰ্শন (৭৫৯ ৰান), ১০ লাখ টকা

ছিজনৰ সৰ্বাধিক উইকেট (পাৰ্পল কেপ)- প্ৰসিদ্ধ কৃষ্ণ (২৫ উইকেট), ১০ লাখ টকা

ছিজনৰ উদীয়মান খেলুৱৈ- ছাই সুদৰ্শন, ১০ লাখ টকা

ছিজনৰ সৰ্বাধিক মূল্যৱান খেলুৱৈ- সূৰ্য্যকুমাৰ যাদৱ, ১৫ লাখ টকা

ছিজনৰ ছুপাৰ ষ্ট্ৰাইকাৰ- বৈভৱ সূৰ্য্যবংশী, টাটা কাৰ্ভ ইভি কাৰ

ছিজনৰ সৰ্বাধিক ছয়- নিকোলাছ পোৰাণ, ১০ লাখ টকা

ছিজনত সৰ্বাধিক ডট বল – মহম্মদ চিৰাজ, ১০ লাখ টকা

ছিজনৰ শ্ৰেষ্ঠ কেচ – কামিন্দু মেণ্ডিছ, ১০ লাখ টকা

ছিজনৰ সৰ্বাধিক চাৰি- সাই সুদৰ্শন, ১০ লাখ টকা

ফেয়াৰ প্লে বঁটা- চেন্নাই ছুপাৰ কিংছ

পিটচ এণ্ড গ্ৰাউণ্ড বঁটা- ডি ডি চিএ (দিল্লী ডিষ্ট্ৰিক্ট আৰু ক্ৰিকেট সন্থা), ৫০ লাখ টকা

ফাইনেলত অসাধাৰণ প্ৰদৰ্শনৰ বাবে বঁটা-

খেলৰ শ্ৰেষ্ঠ খেলুৱৈ : ক্ৰুনাল পাণ্ডিয়া

মেচৰ ছুপাৰ ষ্ট্ৰাইকাৰ : জিতেশ শৰ্মা

ফেণ্টাচি প্লেয়াৰ অৱ দ্য মেচৰ : শশাংক সিং

 খেলৰ ছুপাৰ ছয়: শশাংক সিং

মেচৰ গ’-4s: ক্ৰুনাল পাণ্ডিয়া

মেচৰ গ্ৰীণ ডট বল : ক্ৰুনাল পাণ্ডিয়া

লগতে পঢ়ক : অৰেঞ্জ কেপ আৰু পাৰ্পল কেপত গুজৰাট টাইটানছৰ আধিপত্য; উজলিল ছাই সুদৰ্শন আৰু প্ৰসিদ্ধ কৃষ্ণ

কিমান দামী আই পি এলৰ ট্ৰফী ?

ইণ্ডিয়ান প্ৰিমিয়াৰ লীগত এতিয়ালৈকে ৭টা ভিন্ন দল চেম্পিয়ন হৈছে । চেন্নাই ছুপাৰ কিংছ আৰু মুম্বাই ইণ্ডিয়ানছে ৫ বাৰকৈ আই পি এলৰ ট্ৰফী জয় কৰিছে । আই পি এলৰ ট্ৰফীৰ ডিজাইন অতি বিশেষ, যিটো দেখাত বিশ্বকাপৰ ট্ৰফীতকৈয়ো কম নহয় । কিয় নহ’ব, কাৰণ আই পি এল বিশ্বৰ আটাইতকৈ ধনী ক্ৰিকেট লীগ । ২০২৫ চনত ৰয়েল চেলেঞ্জাৰছ বাংগালুৰু আৰু পঞ্জাব কিংছৰ ভিতৰত কোনো এটা দলে খিতাপ দখল কৰি ইতিহাস সৃষ্টি কৰিবলৈ সাজু হৈছে । কিয়নো ইয়াৰ পূৰ্বে এই দুটা দলৰ কোনোৱে কেতিয়াও আই পি এলৰ খিতাপ লাওভ কৰিবলৈ সক্ষম ৰহোৱা নাই । আই পি এল ২০২৫ৰ বিজয়ী লাভ কৰাৰ আগতে জানি লওক IPL ট্ৰফীৰ দাম কিমান ?

আই পি এলৰ ট্ৰফীৰ দাম কিমান ?

ভাৰতীয় ক্ৰিকেট নিয়ন্ত্ৰণ ব’ৰ্ডে কেতিয়াও প্ৰকাশ কৰা নাই আই পি এল ট্ৰফীৰ প্ৰকৃত ব্যয় । আই পি এল চেম্পিয়ন দলক দিয়া ট্ৰফীৰ ডিজাইন অৰা (Orra) নামৰ এটা গহনা কোম্পানীয়ে কৰে । ২০০৮ চনৰ পৰাই অৰা কোম্পানীয়ে আই পি এল ট্ৰফী নিৰ্মাণ কৰি আহিছে । সংবাদ মাধ্যমৰ খবৰ অনুসৰি আই পি এল ট্ৰফীৰ খৰচ ৩০-৫০ লাখ টকা বুলি ধাৰণা কৰা হৈছে ।

আই পি এলৰ ট্ৰফী সম্পূৰ্ণ সোণ-ৰূপেৰে নিৰ্মিত নহয় । আচলতে ইয়াক সোণ, ৰূপ আৰু এলুমিনিয়ামকে ধৰি আন বহুতো ধাতু মিহলাই তৈয়াৰ কৰা হয় । ট্ৰফীত গোল্ড পলিচ লগোৱা হয়, যাৰ ফলত ইয়াৰ চিকচিকিয়া ৰূপ দেখা যায় । যিটো দলেই এই ট্ৰফী নাপাওক কিয়, ইয়াক নিজৰ ট্ৰফী কেবিনেটত এনেদৰে সজাই ৰাখে যেন ই এক ডাঙৰ কৃতিত্ব । ইয়াক ক্ৰীড়া জগতৰ আটাইতকৈ দামী ট্ৰফীৰ ভিতৰত গণ্য কৰা হয় ।

কোনে পাব আই পি এল ২০২৫ৰ ট্ৰফী ?

আই পি এল ২০২৫ৰ ফাইনেল ৰয়েল চেলেঞ্জাৰছ বেংগালুৰু আৰু পঞ্জাব কিংছৰ মাজত অনুষ্ঠিত হ’ব । আৰ চি বি আৰু পঞ্জাৱ দলে এতিয়ালৈকে ইণ্ডিয়ান প্ৰিমিয়াৰ লীগৰ খিতাপ অৰ্জন কৰিব পৰা নাই । গতিকে ২০২৫ চনত আই পি এলে অষ্টমটো চেম্পিয়ন দল পোৱাটো নিশ্চিত । বংগালোৰে এতিয়ালৈকে চূড়ান্ত তিনিওখন মেচতে পৰাস্ত হোৱাৰ বিপৰীতে পঞ্জাবে এতিয়ালৈকে একমাত্ৰ ফাইনেলত পৰাস্ত হৈছে । এই মেচত সকলোৰে দৃষ্টি বিৰাট কোহলী, শ্ৰেয়াছ আয়াৰ আৰু জোছ হেজলউডৰ দৰে বিখ্যাত খেলুৱৈৰ ওপৰত থাকিব ।

লগতে পঢ়ক : আজি আই পি এলৰ খিতাপ দখলৰ যুঁজত নামিব পঞ্জাৱ-বেংগালুৰু; কোনে মাৰিব শেষ হাঁহি ?

আজি নিৰ্ণয় হ’ব আই পি এলৰ দ্বিতীয় ফাইনেলিষ্ট

আজি আহমেদাবাদৰ নৰেন্দ্ৰ মোদী ষ্টেডিয়ামত অনুষ্ঠিত হ’বলগীয়া ইণ্ডিয়ান প্ৰিমিয়াৰ লীগ ২০২৫ৰ কোৱালিফায়াৰ ২ মেচত মুম্বাই ইণ্ডিয়ানছ (এম আই)ৰ মুখামুখি হ’ব পাঞ্জাব কিংছ (পি বি কে এছ) । এই মেচখন ছেমি ফাইনেলৰ দৰে হ’ব, য’ত দুয়োটা দলৰ পৰাজয়ৰ অৰ্থ হ’ব প্ৰতিযোগিতাখনৰ পৰা বাহিৰ হোৱা । ৩ জুনত ফাইনেলত পোনপটীয়াকৈ আৰ চি বিৰ বিৰুদ্ধে খেলিব বিজয়ী দলটোৱে ।

ৰয়েল চেলেঞ্জাৰ্ছ বেংগালুৰু (আৰ চি বি)ৰ বিৰুদ্ধে একপক্ষীয় কোৱালিফায়াৰ ১ত ৮ উইকেটত পৰাস্ত হৈ পঞ্জাব কিংছৰ আত্মবিশ্বাস কিছু কমি গৈছে । এতিয়া অধিনায়ক শ্ৰেয়াছ আয়াৰ নেতৃত্বাধীন দলটোৱে আই পি এলৰ প্ৰথম খিতাপ জয়ৰ আশাত মৰণপন যুঁজত অৱতীৰ্ণ হ’ব ।

আনহাতে মুম্বাই ইণ্ডিয়ানছে এলিমিনেটৰত গুজৰাট টাইটানছক পৰাস্ত কৰি ষষ্ঠটো খিতাপৰ দিশে আৰু এখোজ আগুৱাই গৈছে । ইতিহাসে দেখুৱাইছে যে পঞ্জাৱ কিংছ আৰু অন্যান্য দলতকৈ আই পি এল নকআউটৰ এই পৰ্যায়ত খেলাৰ অভিজ্ঞতা মুম্বাই ইণ্ডিয়ানছৰ বেছি আৰু এইটোৱেই হাৰ্দিক পাণ্ডিয়া নেতৃত্বাধীন দলটোক এই মেচত সামান্য সুবিধা প্ৰদান কৰিছে ।

একে সময়তে পঞ্জাব কিংছৰ হৈ অধিনায়ক আয়াৰ আৰু প্ৰশিক্ষক ৰিকি পণ্টিঙৰ মিছন হ’ব নিজৰ দলটোক পূৰ্বৰ পৰাজয়ৰ পৰা উদ্ধাৰ কৰি পুনৰ শক্তিশালী কৰা, বিশেষকৈ বলিং আক্ৰমণত । অৰ্শদীপ সিঙৰ ওপৰত অতিৰিক্ত চাপ স্পষ্টকৈ দেখা পোৱাৰ বিপৰীতে মাৰ্কো জেন্সেন আৰু আই পি এলৰ সৰ্বোচ্চ উইকেট দখলকাৰী যুজবেন্দ্ৰ চাহালৰ অনুপস্থিতিয়ে আৰ চি বিৰ বিৰুদ্ধে পি বি কে এছৰ বলিং আক্ৰমণে সংগ্ৰাম কৰিবলগা হৈছিল ।

মুম্বাই ইণ্ডিয়ানছৰ কথা ক’বলৈ গ’লে ৰোহিত শৰ্মাই গুজৰাটৰ বলিং আক্ৰমণৰ বিৰুদ্ধে বিস্ফোৰক বেটিং কৰি দলটোক জয়ৰ দিশে আগুৱাই লৈ যায় । এনে পৰিস্থিতিত পাঞ্জাৱৰ ভুলৰ কোনো সুৰুঙা নাথাকিব । এই পৰ্যন্ত মুম্বাইৰ প্ৰদৰ্শন প্ৰায় প্ৰতিটো বিভাগতে উৎকৃষ্ট । ৰোহিত, যশপ্ৰীত বুমৰাহ, সূৰ্যকুমাৰ যাদৱ, তিলক বাৰ্মা আৰু হাৰ্দিক পাণ্ডিয়াই দলটোক শক্তিশালী কৰি তুলিছে ।

ইয়াৰ উপৰিও নতুন খেলুৱৈ জনী বেয়াৰষ্টো আৰু ৰিচাৰ্ড গ্লিছনেও দলটোৰ বাবে গুৰুত্বপূৰ্ণ অৱদান আগবঢ়াইছে । বিশেষকৈ গুজৰাটৰ বিৰুদ্ধে গ্লিছনৰ বলিঙে গুৰুত্বপূৰ্ণ ভূমিকা পালন কৰিছিল । প্ৰায়ে নৰেন্দ্ৰ মোদী ষ্টেডিয়ামৰ খেলপথাৰত উচ্চ স্ক’ৰিং খেল অনুষ্ঠিত হয়, গতিকে দুয়োটা দলৰ বলাৰৰ পৰিকল্পনা ইয়াত গুৰুত্বপূৰ্ণ বুলি প্ৰমাণিত হ’ব পাৰে ।

পঞ্জাৱ কিংছৰ সম্ভাৱ্য মূল একাদশ : প্ৰভসিমৰণ সিং, প্ৰিয়ংশ আৰ্য, জোছ ইংলিছ (উইকেটকীপাৰ), শ্ৰেয়াছ আয়েৰ (অধিনায়ক), নেহাল ৱাধেৰা, শশাংক সিং, মাৰ্কাছ ষ্টয়নিছ, আজমতুল্লাহ উমৰজাই, হৰপ্ৰীত ব্ৰাৰ, কাইল জেমিছন, আৰ্শদীপ সিং ।

মুম্বাই ইণ্ডিয়ানছৰ সম্ভাৱ্য মূল একাদশ : ৰোহিত শৰ্মা, জনী বেয়াৰষ্ট’ (উইকেটকীপাৰ), সূৰ্য্যকুমাৰ যাদৱ, তিলক বাৰ্মা, হাৰ্দিক পাণ্ডিয়া (অধিনায়ক), নমন ধীৰ, ৰাজ অংগদ বাৱা, মিচেল ছেণ্টনাৰ, ৰিচাৰ্ড গ্লিছন, যশপ্ৰীত বুমৰাহ, ট্ৰেণ্ট বৌল্ট ।

লগতে পঢ়ক : ‘খেলত হে হাৰিছো, যুদ্ধত নহয়…; পৰাস্ত হোৱাৰ পাছত খেলপথাৰক দোষাৰোপ শ্ৰেয়াছ আয়াৰৰ

আই পি এল প্লে অফত কোন কাৰ মুখামুখি হ’ব ?

ইণ্ডিয়ান প্ৰিমিয়াৰ লীগ ২০২৫ৰ অন্তিমখন লীগ মেচত ৰয়েল চেলেঞ্জাৰছ বেংগালুৰু (আৰ চি বি)য়ে লক্ষ্ণৌ ছুপাৰ জায়েন্টছ (এল এছ জি)ক ৬ উইকেটত পৰাস্ত কৰি পইণ্ট তালিকাৰ শীৰ্ষ ২ত উপনীত হৈছে । এই মেচখনৰ লগে লগে প্লে অফৰ সমগ্ৰ সমীকৰণ স্পষ্ট হৈ পৰিছে । মুম্বাই, আৰ চি বি, গুজৰাট আৰু পঞ্জাৱ কিংছে প্লে অফৰ বাবে যোগ্যতা অৰ্জন কৰিছে । এতিয়া প্লে অফত কোনটো দলে কাৰ লগত প্ৰতিযোগিতাত অৱতীৰ্ণ হ’ব ?

পইণ্ট টেবুলৰ শেহতীয়া অৱস্থান-

এতিয়া ১৯ পইণ্টেৰে পইণ্ট তালিকাৰ শীৰ্ষত আছে পঞ্জাব কিংছ । একে সময়তে ১৯ পইণ্টেৰে দ্বিতীয় স্থানত আছে আৰ চি বিও । পঞ্জাৱৰ ৰান ৰেট ভাল । সেইবাবেই দলটো প্ৰথম স্থানত আছে । একে সময়তে ১৮ পইণ্টেৰে তৃতীয় স্থানত গুজৰাট আৰু ১৬ পইণ্টেৰে চতুৰ্থ স্থানত আছে মুম্বাই । উল্লেখ্য যে আই পি এলত শীৰ্ষ ২টা স্থানত থকা দলে ফাইনেল খেলাৰ দুটা সুযোগ পায় ।

প্লে অফত কোন কাৰ মুখামুখি হ’ব-

২৯ মে’ত অনুষ্ঠিত হ’ব আই পি এলৰ প্ৰথমখন কোৱালিফায়াৰ । এই দিনটোত টেবুলৰ শীৰ্ষ দুটা দল অৰ্থাৎ পঞ্জাব কিংছ আৰু আৰ চি বি মুখামুখি হ’ব । এই খেলখন চণ্ডীগড়ত অনুষ্ঠিত হ’ব । জয়ী হোৱা দলটোৱে ফাইনেলত প্ৰৱেশ কৰিব কিন্তু পৰাজিত দলটোৱে আৰু এটা সুযোগ পাব ।

৩০ তাৰিখে তৃতীয় আৰু চতুৰ্থ স্থানৰ দলৰ মাজত সংঘৰ্ষ হ’ব । কোৱালিফায়াৰ ২ত যি দল পৰাস্ত হয় সেই দলৰ যাত্ৰা শেষ হ’ব । কিন্তু বিজয়ী দলটোৱে কোৱালিফায়াৰ-১ৰ পৰাজয়ী দলৰ বিৰুদ্ধে আন এখন মেচ খেলিব । এই মেচখন ১ জুনত আহমেদাবাদত অনুষ্ঠিত হ’ব । আনহাতে কোৱালিফায়াৰ-২ৰ বিজয়ী দলটোৱে ৩ জুনত ফাইনেল খেলিব ।

আৰ চি বি বনাম এল এছ জি-

টছত জয়লাভ কৰি আৰ চি বিয়ে প্ৰথমে বলিং কৰাৰ সিদ্ধান্ত লয় । এই মেচখনত টিম ডেভিদ আৰু জোছ হেজলউডে খেলা নাছিল । প্ৰথমে বেটিং কৰিবলৈ ওলাই আহিল লক্ষ্ণৌ । পণ্টৰ অপৰাজিত ১১৮ ৰানৰ ভিত্তিত লক্ষ্ণৌৱে আৰ চি বিক ২২৮ ৰানৰ লক্ষ্য নিৰ্ধাৰণ কৰি দিয়ে । ইয়াৰ প্ৰতিক্ৰিয়া স্বৰূপে আৰ চি বিয়ে ১৯ নং অভাৰত জিতেশ শৰ্মাৰ ৮৫ ৰানৰ ধুমুহাময় অপৰাজিত ইনিংছৰ ভিত্তিত জয়লাভ কৰে ।

লগতে পঢ়ক : লক্ষ্ণৌত ঋষভ পণ্টৰ ধুমুহা… বেংগালুৰুৰ বিৰুদ্ধে ৫৪ টা বলত অৰ্জন কৰিলে শতক

‘অপাৰেচন সিন্দুৰ’ৰ নামত আই পি এলৰ সামৰণি অনুষ্ঠান

ইণ্ডিয়ান প্ৰিমিয়াৰ লীগ ২০২৫ৰ সামৰণি অনুষ্ঠান ভাৰতীয় সশস্ত্ৰ বাহিনীৰ নামত উৎসৰ্গা কৰা হ’ব । এই অনুষ্ঠানত ‘অপাৰেচন সিন্দুৰ’ৰ নায়কসকলক সন্মান জনোৱা হ’ব । ভাৰতীয় সশস্ত্ৰ বাহিনীৰ সন্মানত আগন্তুক আই পি এল ২০২৫ৰ সামৰণি অনুষ্ঠান উচৰ্গা কৰা হ’ব বুলি ভাৰতীয় ক্ৰিকেট নিয়ন্ত্ৰণ ব’ৰ্ডে ঘোষণা কৰিছে ।

৩ জুনত আহমেদাবাদৰ নৰেন্দ্ৰ মোদী ষ্টেডিয়ামত অনুষ্ঠিত হ’ব এই অনুষ্ঠান । ইয়াতে অনুষ্ঠিত হ’ব আই পি এলৰ ফাইনেল । এই পদক্ষেপৰ লক্ষ্য হৈছে ‘অপাৰেচন সিন্দুৰ’ৰ অধীনত সন্ত্ৰাসবাদী আত্মগোপন স্থানৰ বিৰুদ্ধে ভাৰতীয় সেনাই গ্ৰহণ কৰা সফল পদক্ষেপক সন্মান জনোৱা ।

বি চি চি আইৰ সচিব দেৱজিৎ শইকীয়াই কয়- বি চি চি আইৰ হৈ আমাৰ বীৰ জোৱানসকলৰ বীৰত্ব, সাহস আৰু নিস্বাৰ্থ সেৱাক প্ৰণাম জনাইছো । ‘অপাৰেচন সিন্দুৰ’ৰ অধীনত আমাৰ জোৱানসকলে যি সাহস দেখুৱাইছে, সেই সাহসে দেশখনক সুৰক্ষিত ৰখাই নহয়, আমাৰ সকলোকে অনুপ্ৰাণিত কৰিছে । এই সন্মানত আমি আই পি এল ২০২৫ৰ সামৰণি অনুষ্ঠান সেনাবাহিনীক উৎসৰ্গা কৰাৰ লগতে আমাৰ জোৱানসকলক সন্মান জনোৱাৰ সিদ্ধান্ত লৈছো । ক্ৰিকেট হয়তো দেশৰ প্ৰিয় খেল, কিন্তু দেশৰ সাৰ্বভৌমত্ব, অখণ্ডতা আৰু নিৰাপত্তা প্ৰথম ।

উল্লেখযোগ্য যে যোৱা ২২ এপ্ৰিলত জম্মু-কাশ্মীৰৰ পহলগামত সংঘটিত সন্ত্ৰাসবাদী আক্ৰমণত ২৬ জন সাধাৰণ নাগৰিকৰ মৃত্যুৰ পিছত ভাৰতীয় সশস্ত্ৰ বাহিনীয়ে ‘অপাৰেচন সিন্দুৰ’ৰ অধীনত পাকিস্তান আৰু পাক অধিকৃত কাশ্মীৰৰ সন্ত্ৰাসবাদী ঘাটিত আক্ৰমণ চলাইছিল ।

এই আক্ৰমণৰ পিছত আই পি এল এসপ্তাহৰ বাবে পিছুৱাই দিয়া হয় । প্ৰতিযোগিতাখন পুনৰ আৰম্ভ হোৱাৰ পিছতে বিভিন্ন মেচত খেলুৱৈয়ে ৰাষ্ট্ৰীয় সংগীত গোৱাৰ লগতে ষ্টেডিয়ামত “ধন্যবাদ, সশস্ত্ৰ বাহিনী” আদি বাৰ্তা প্ৰদৰ্শন কৰা হয় ।

লগতে পঢ়ক : ইংলিছ-প্ৰিয়াংশৰ বিস্ফোৰক ইনিংছৰ সন্মুখত মুম্বাইৰ আত্মসমৰ্পণ… পইণ্ট টেবুলৰ শীৰ্ষত পঞ্জাৱ