ইণ্ডিগ’ৰ বিমান বাতিলৰ বাবে হাজাৰ হাজাৰ যাত্ৰীয়ে হাৰাশাস্তিৰ সন্মুখীন হৈছিল।অৱশেষত হাজাৰ হাজাৰ যাত্ৰীক ক্ষতিপূৰণ দিয়াৰ প্ৰতিশ্ৰুতি দিছে।

অৱশেষত চলিত মাহৰ ৩, ৪ আৰু ৫ তাৰিখে ঘণ্টাৰ পিছত ঘণ্টা ধৰি বিমানবন্দৰত আবদ্ধ হৈ থকা হাজাৰ হাজাৰ যাত্ৰীৰ দাবী মানি ললে দেশৰ সৰ্ববৃহৎ বিমান সংস্থা ইণ্ডিগ’ই।

কোম্পানীটোৱে স্বীকাৰ কৰে যে কাৰিকৰী আৰু কাৰ্যকৰী সমস্যাৰ বাবে বহু বিমান বাতিল হোৱাৰ লগতে যাত্ৰীসকলে বৃহৎ অসুবিধাৰ সন্মুখীন হ’বলগীয়া হয়। এতিয়া কোম্পানীটোৱে ক্ষতিগ্ৰস্ত যাত্ৰীসকলক ১০ হাজাৰ পৰ্যন্ত ক্ষতিপূৰণ আৰু ট্ৰেভেল ভাউচাৰ প্ৰদান কৰিব।

কোম্পানীটোৱে এক আনুষ্ঠানিক বিবৃতিত কয় যে, যিসকল যাত্ৰীৰ বিমান বাতিল হৈছিল আৰু যিসকল যাত্ৰী আটাইতকৈ বেছি ক্ষতিগ্ৰস্ত হৈছিল, তেওঁলোকক ১০ হাজাৰ টকাৰ ট্ৰেভেল ভাউচাৰ দিয়া হ’ব।

তেওঁলোকে জনোৱা মতে, অধিকাংশ যাত্ৰীৰ ধন ঘূৰাই দিয়াৰ প্ৰক্ৰিয়া চলিছে।বাকী থকা ধনৰাশিও ৭-১০ দিনৰ ভিতৰত একাউণ্টত জমা হ’ব।

চৰকাৰী (DGCA) নিয়ম অনুসৰি নিৰ্ধাৰিত সময়ৰ ২৪ ঘণ্টাৰ ভিতৰত যদি বিমানখন বাতিল কৰা হয়, তেন্তে বিমান সংস্থাটোৱে ৫ হাজাৰৰ পৰা ১০ হাজাৰ টকালৈকে ক্ষতিপূৰণ দিব লাগিব।

ইণ্ডিগ’এ এই নিয়ম সম্পূৰ্ণৰূপে পালন কৰি থকা বুলি উল্লেখ কৰিছে আৰু প্ৰয়োজনীয় ক্ষেত্ৰত এই ক্ষতিপূৰণো পৃথকৈ দিয়া হ’ব বুলি উল্লেখ কৰিছে।

লগতে পঢ়ক: আমেৰিকাৰ পাছত এতিয়া এইখন দেশৰ শুল্ক আক্ৰমণ, ভাৰতকে ধৰি বহু দেশৰ ওপৰত ৫০% শুল্ক !

ইণ্ডিগ’ৰ ১৩০০ বিমান বাতিলৰ পিছতে যাত্ৰীৰ মাজত হাহাকাৰ পৰিৱেশৰ সৃষ্টি হৈছে। বিমানবন্দৰত দিছে সতৰ্কবাণী।

চাৰিদিনত ইণ্ডিগ’ৰ ১৩০০খন বিমান বাতিল হোৱাৰ বাবেই যাত্ৰী সকলৰ মাজত এক হাহাকাৰ পৰিৱেশৰ সৃষ্টি হৈছে।দিল্লী, মুম্বাই, হায়দৰাবাদৰ পৰা বেংগালুৰু বিমানবন্দৰলৈ ১০ৰ পৰা ১২ ঘণ্টা অপেক্ষা কৰি থকা বিমান যাত্ৰীসকলে সহায় বিচাৰি কান্দিছ উঠিছে।

ইফালে দিল্লী বিমানবন্দৰ কৰ্তৃপক্ষই বিমান যাত্ৰীসকলক এক পৰামৰ্শ জাৰি কৰিছে।ইয়াৰ জৰিয়তে যাত্ৰীসকলক ঘৰৰ পৰা ওলোৱাৰ পূৰ্বে বিমানৰ অৱস্থা পৰীক্ষা কৰিবলৈ পৰামৰ্শ দিয়া হৈছে।

যাতে তেওঁলোকে বিমান বাতিল বা বিশাল পলমৰ অসুবিধাৰ পৰা হাত সাৰিব পাৰে।যাত্ৰীসকলক জাৰি কৰা পৰামৰ্শত কোৱা হৈছে যে ঘৰুৱা বিমান চলাচলৰ সমস্যাৰ বাবে পলম আৰু বাতিলৰ সন্মুখীন হৈছে।

যাতে তেওঁলোকে বিমান বাতিল বা পলমৰ অসুবিধাৰ পৰা হাত সাৰিব পাৰে।যাত্ৰীসকলক জাৰি কৰা পৰামৰ্শত কোৱা হৈছে যে ঘৰুৱা বিমান চলাচলৰ সমস্যাৰ বাবে পলম আৰু বাতিলৰ সন্মুখীন হৈছে।

আমি সকলো যাত্ৰীকে অনুৰোধ জনাইছো  যে বিমানবন্দৰলৈ যোৱাৰ আগতে বিমান সংস্থাৰ সৈতে পোনপটীয়াকৈ নিজৰ বিমানৰ অৱস্থা পৰীক্ষা কৰক।

আমাৰ দল আৰু সকলো অংশীদাৰে একেলগে পৰিস্থিতি পৰিচালনা কৰি যাত্ৰীসকলক এক উন্নত অভিজ্ঞতা প্ৰদানৰ বাবে অবিৰতভাৱে কাম কৰি আছে।

ইন্দিৰা গান্ধী আন্তঃৰাষ্ট্ৰীয় বিমানবন্দৰত আজি সমগ্ৰ দেশতে ১৩০০ ইণ্ডিগো বিমান বাতিল কৰা হৈছে। সন্ধিয়া ৬ বজালৈকে দিল্লীৰ পৰা সকলো ঘৰুৱা বিমান টি-৩ৰ পৰা বাতিল কৰা হৈছে।

দিল্লী বিমানবন্দৰত পুৱাৰে পৰা বাতিল কৰা হৈছে কেইবাখনো ইণ্ডিগ’ৰ বিমান।ইণ্ডিৰা গান্ধী বিমানবন্দৰৰ পৰা আজি ইণ্ডিগ’ৰ ১৩৫খন আউটগোয়িং আৰু ৯০খন ইনকামিং বিমান বাতিল কৰা হৈছে।

লগতে পঢ়ক: ভাৰতলৈ পুটিন অহা বিমানখনত কিয় লিখা আছে Poccnr? ইয়াৰ অৰ্থ কি?

এ৩২০ ছিৰিজৰ বিমান সন্দৰ্ভত এয়াৰবাছে জাৰি কৰিছে সতৰ্কবাণী

ভাৰতত ইণ্ডিগ’, এয়াৰ ইণ্ডিয়া আৰু এয়াৰ ইণ্ডিয়া এক্সপ্ৰেছৰ বহু বিমানে সমস্যাৰ সন্মুখীন হ’ব পাৰে,কাৰণ তেওঁলোকৰ এ৩২০ পৰিয়ালৰ ফ্লীটত কাৰিকৰী বিজুতি পোৱা গৈছে।

ফ্ৰান্সৰ বিমান কোম্পানী এয়াৰবাছে জনোৱা মতে,প্ৰবল সূৰ্যৰ পোহৰে কিছুমান বিমানৰ উৰণ নিয়ন্ত্ৰণ ব্যৱস্থাৰ বাবে গুৰুত্বপূৰ্ণ তথ্যক নষ্ট কৰাৰ সন্দেহ কৰা হৈছে।

যদি এই তথ্য ভুল হয় তেন্তে ইয়াৰ ফলত বিমান নিয়ন্ত্ৰণত প্ৰভাৱ পৰিব পাৰে। আৰু ইয়াৰ বাবেই বহু বিমান চেক আৰু আপডেট কৰাৰ বাবে গ্ৰাউণ্ড কৰিব লাগিব।

এই জৰুৰীকালীন অৱস্থাই যাত্ৰীসকলৰ ওপৰত প্ৰত্যক্ষ প্ৰভাৱ পেলাব কাৰণ অনাগত দিনত বিমানৰ পলম আৰু বাতিল বৃদ্ধি হ’ব পাৰে।

দেশত ৫৬০খনতকৈও অধিক এ৩২০ বিমান উৰে,আৰু ইয়াৰে প্ৰায় ২০০–২৫০খন বিমান তৎকালীন পৰিদৰ্শন আৰু সলনি কৰাৰ প্ৰয়োজন।

কিছুমানৰ চফ্টৱেৰ সলনি হ’ব, আনহাতে কিছুমানৰ হাৰ্ডৱেৰ পোন বা সলনি কৰা হ’ব।এই সময়ছোৱাত বিমানসমূহ মাটিত ৰাখিব লাগিব, গতিকে বিমান সেৱা পলম হ’ব পাৰে বা বাতিলো হ’ব পাৰে।

ইউৰোপীয় সংঘৰ বিমান সুৰক্ষা সংস্থাই জৰুৰীকালীন জাননী জাৰি কৰি কয় বিমানত এটা ভাল ইলাক কম্পিউটাৰ ইনষ্টল কৰাটো গুৰুত্বপূৰ্ণ,যিয়ে উৰণ নিয়ন্ত্ৰণ চম্ভালে।

এয়াৰবাছৰ মতে, শেহতীয়াকৈ এ৩২০ বিমান এখনে অবাঞ্চিত পিচ ডাউন মুভমেণ্ট দেখিবলৈ পোৱা গৈছিল যিটোৰ কাৰণ ELAC ৰ বিজুতি হ’ব পাৰে ।

যদি সময়মতে সমস্যাটো সমাধান কৰা নহয় তেন্তে বেয়া হোৱা ELAC  এ অনিয়ন্ত্ৰিত গতিবিধিৰ সৃষ্টি কৰিব পাৰে যিয়ে সুৰক্ষাক বিপদত পেলাব পাৰে।

লগতে পঢ়ক: নিজৰ শুল্কৰ বাবেই বিপদত ট্ৰাম্প; ৬ খনকৈ দেশে বাতিল কৰিলে এফ-৩৫ যুঁজাৰু বিমানৰ চুক্তি