২০২৭ চনত অনুষ্ঠিত হ’ব মহিলা চেম্পিয়নছ ট্ৰফী। এই চেম্পিয়নছ ট্ৰফীক লৈ এতিয়া আইচিচিয়ে সূচীৰ সালসলনি কৰিছে।

আহমেদাবাদত জয় শ্বাহৰ নেতৃত্বত আইচিচিৰ এখন অত্যন্ত জৰুৰী বৈঠক অনুষ্ঠিত হয়। এই বৈঠকত মহিলা ক্ৰিকেটক লৈ কেইবাটাও ডাঙৰ আৰু গুৰুত্বপূৰ্ণ সিদ্ধান্ত লোৱা হৈছে।এই বৈঠকৰ পিছত মহিলা চেম্পিয়নছ ট্ৰফী ২০২৭-ৰ সূচীত পৰিৱৰ্তন কৰা হৈছে। পূৰ্বে এই টুৰ্নামেণ্টখন জুন-জুলাই মাহত হোৱাৰ কথা আছিল, কিন্তু আইচিচি বোৰ্ডে সূচী সলনি কৰি এতিয়া ইয়াক ফেব্ৰুৱাৰী মাহত অনুষ্ঠিত কৰাৰ সিদ্ধান্ত লৈছে। অৰ্থাৎ এতিয়া এই টুৰ্নামেণ্টখন নিৰ্ধাৰিত সময়তকৈ পূৰ্বে খেলা হ’ব।

পুৰুষ ক্ৰিকেটৰ দৰেই এতিয়া মহিলা ক্ৰিকেটতো চেম্পিয়নছ ট্ৰফীৰ আৰম্ভণি হ’বলৈ গৈ আছে। এই টুৰ্নামেণ্টখনত মুঠ ৮টা দলে অংশগ্ৰহণ কৰিব। পূৰ্বে আইচিচিয়ে ইয়াৰ বাবে ২০২৭ চনৰ জুন-জুলাই মাহটো ঠিক কৰিছিল, কিন্তু আহমেদাবাদত অনুষ্ঠিত শেহতীয়া বৈঠকত ইয়াৰ সূচীত সালসলনি কৰা হৈছে। এতিয়া এই টুৰ্নামেণ্টখন ১৪ৰ পৰা ২৮ ফেব্ৰুৱাৰী ২০২৭-ৰ ভিতৰত খেলা হ’ব। ইয়াত আন এক বিশেষ কথাটো হ’ল পুৰুষ ক্ৰিকেটত চেম্পিয়নছ ট্ৰফী এদিনীয়া (৫০ অভাৰ) ফৰ্মেটত খেলা হয়, কিন্তু মহিলাৰ এই টুৰ্নামেণ্টখন টি-২০ ফৰ্মেটত খেলা হ’ব।

আইচিচিৰ বৈঠকত ২০২৮ চনত হ’বলগীয়া মহিলা টি-২০ বিশ্বকাপক লৈও এটা ডাঙৰ সিদ্ধান্ত লোৱা হৈছে। এই টুৰ্নামেণ্টখনৰ আয়োজনৰ দায়িত্ব পাকিস্তানে লাভ কৰিছে, কিন্তু ভাৰত আৰু পাকিস্তানৰ মাজত চলি থকা উত্তেজনাৰ বাবে ভাৰতীয় দলটোৱে নিজৰ মেচসমূহ খেলিবলৈ পাকিস্তানলৈ নাযায়। আইচিচিয়ে স্পষ্ট কৰি দিছে যে ভাৰতৰ আটাইকেইখন মেচ কোনো নিউট্ৰেল ভেন্যুত আয়োজন কৰা হ’ব। উল্লেখ্য যে ভাৰতৰ পুৰুষ ক্ৰিকেট দলো চেম্পিয়নছ ট্ৰফী ২০২৫ৰ বাবে পাকিস্তানলৈ যোৱা নাছিল। আনহাতে, ইয়াৰ বিপৰীতে পাকিস্তানী দলো বিগত বৰ্ষত অনুষ্ঠিত মহিলা এদিনীয়া বিশ্বকাপ আৰু এই বছৰৰ পুৰুষ টি-২০ বিশ্বকাপৰ বাবে ভাৰতলৈ অহা নাছিল।

আইচিচিয়ে মহিলা ক্ৰিকেটক প্ৰসাৰিত কৰিবলৈ এটা নতুন টুৰ্নামেণ্ট আৰম্ভ কৰিবলৈ ওলাইছে, যাৰ নাম হৈছে ‘উইমেনছ ইমাৰ্জিং নেচনছ ট্ৰফী’ (Women’s Emerging Nations Trophy)। এই টুৰ্নামেণ্টখনো টি-২০ ফৰ্মেটত খেলা হ’ব। আইচিচিয়ে এই টুৰ্নামেণ্টখনক লৈ এটা ডাঙৰ সিদ্ধান্ত লৈছে, য’ত মুঠ ১০টা দলে অংশ ল’ব। এই ১০টা দলৰ ভিতৰত ৫টা দল আইচিচিৰ পূৰ্ণকালীন সদস্য (Full Member) দেশ হ’ব, আনহাতে বাকী ৫টা দল সহযোগী সদস্য (Associate Member) দেশসমূহৰ পৰা অন্তৰ্ভুক্ত কৰা হ’ব। অৱশ্যে এই টুৰ্নামেণ্টখনৰ সূচীক লৈ বৰ্তমানলৈকে কোনো তথ্য অহা নাই।

লগতে পঢ়ক: আইচিচিৰ ডাঙৰ সিদ্ধান্তঃ এইখন দেশৰ ক্ৰিকেট বৰ্ডক কৰিলে নিলম্বন

আই পি এলত খেলা ৱেষ্ট ইণ্ডিজৰ ক্ৰিকেটাৰ জেভন ছিয়াৰ্লছৰ বিৰুদ্ধে কঠোৰ ব্যৱস্থা গ্ৰহণ কৰি তেওঁক নিলম্বন কৰিছে। দুৰ্নীতিৰ গোচৰত জেভোন ছাৰ্লছকে ধৰি তিনিজন লোকৰ বিৰুদ্ধে আইচিচিয়ে ব্যৱস্থা গ্ৰহণ কৰিছে।

আন্তঃৰাষ্ট্ৰীয় ক্ৰিকেট পৰিষদ (আইচিচি)এ দুৰ্নীতি বিৰোধী নিয়ম উলংঘাৰ ক্ষেত্ৰত কঠোৰ ব্যৱস্থা গ্ৰহণ কৰি ৱেষ্ট ইণ্ডিজৰ বেষ্ট বলিং অলৰাউণ্ডাৰ জেভোন ছাৰ্লছক সাময়িকভাৱে নিলম্বন কৰা হৈছে।আইচিচিৰ মতে, ছাৰ্লছক দুৰ্নীতি বিৰোধী সংহিতা উলংঘা কৰাৰ বাবে দোষী সাব্যস্ত কৰা হৈছে।এই গোচৰটো ২০২৩-২৪ চনত বাৰ্বাডোছত খেলা বিম১০ লীগৰ সৈতে জড়িত।

এই প্ৰতিযোগিতাৰ সময়ত মেচৰ ফলাফল আৰু খেলৰ চৰ্তক প্ৰভাৱিত কৰিবলৈ এক ষড়যন্ত্ৰ ৰচনা কৰা বুলি অভিযোগ উঠিছে।কেৱল জেভোন ছাৰ্লছেই নহয়, বৰঞ্চ এই ক্ষেত্ৰত টাইটানছৰ দলৰ মালিক চিত্তৰঞ্জন ৰাথোড় আৰু দলৰ বিষয়া ট্ৰেভন গ্ৰীফিথকো তদাৰকীৰ আওতালৈ আহিছে।

ৰাথোৰ আৰু গ্ৰীফিথকো সাময়িকভাৱে নিলম্বন কৰা হৈছে।দুৰ্নীতি বিৰোধী সংহিতা উলংঘা কৰাৰ অভিযোগত আইচিচি আৰু ক্ৰিকেট ৱেষ্ট ইণ্ডিজে তিনিওজনৰ বিৰুদ্ধে ব্যৱস্থা গ্ৰহণ কৰিছে।

ইণ্ডিয়ান প্ৰিমিয়াৰ লীগ (আই পি এল)ত কলকাতা নাইট ৰাইডাৰ্ছক প্ৰতিনিধিত্ব কৰিছিল জেভোন ছাৰ্লছে।ফাষ্ট বলিং অল ৰাউণ্ডাৰ ছাৰ্লছে ৱেষ্ট ইণ্ডিজক ১৯ বছৰ অনুৰ্ধ পৰ্যায়ত প্ৰতিনিধিত্ব কৰিছিল।অৱশ্যে ৱেষ্ট ইণ্ডিজৰ হৈ আন্তঃৰাষ্ট্ৰীয় ক্ৰিকেট খেলিব নোৱাৰিলে।  

লগতে পঢ়ক: কেতিয়া আৰু ক’ত অনুষ্ঠিত হ’ব পৰৱৰ্তী টি-২০ বিশ্বকাপ, ১২টা দল নিশ্চিত

টি-২০ বিশ্বকাপক লৈ ভাৰত আৰু পাকিস্তানৰ বিতৰ্কৰ যেন অন্ত পৰাৰ নাম লোৱা নাই। তাৰ মাজতে আজি ডুবাইত আই চি চিৰ জৰুৰী বৈঠক অনুষ্ঠিত হ’ব।

২০২৬ চনৰ টি-২০ বিশ্বকাপত পাকিস্তানৰ নাটক বন্ধ হোৱাৰ কোনো লক্ষণ দেখা পোৱা নাই।ভাৰত আৰু পাকিস্তানৰ প্ৰস্তাৱিত খেলখনক লৈ ক্ৰিকেট জগতত বিতৰ্কৰ সৃষ্টি হৈছে।

এই সন্দৰ্ভত বাংলাদেশ ক্ৰিকেট ব’ৰ্ড(বিচিবি) ৰ সভাপতি আমিনুল ইছলাম বুলবুল পাকিস্তানৰ লাহোৰত উপস্থিত হৈছে।

তেওঁৰ এই ভ্ৰমণ এনে এটা সময়ত হৈছে, যেতিয়া  ভাৰতৰ বিৰুদ্ধে পাকিস্তানে খেল বৰ্জন কৰাক লৈ আন্তঃৰাষ্ট্ৰীয় ক্ৰিকেট পৰিষদ (আইচিচি) এ জৰুৰী বৈঠক আহ্বান কৰাৰ সিদ্ধান্ত গ্ৰহণ কৰিছে।

জানিব পৰা মতে,লাহোৰত পাকিস্তান ক্ৰিকেট ব’ৰ্ডৰ মুৰব্বী মহছিন নকভিক সাক্ষাৎ কৰিব আমিনুল ইছলাম বুলবুলে।

এই বৈঠকত ভাৰত-পাকিস্তানৰ মেচ সন্দৰ্ভত পাকিস্তানৰ স্থিতি আৰু ভৱিষ্যতৰ কৌশলৰ বিষয়ে আলোচনা কৰা হ’ব।

এই বৈঠকখন গুৰুত্বপূৰ্ণ বুলি বিবেচিত হৈছে কাৰণ বাংলাদেশ ক্ৰিকেট ব’ৰ্ডে আঞ্চলিক ক্ৰিকেটত ভাৰসাম্য আৰু আলোচনাৰ ভূমিকা ল’ব পাৰে।

ইয়াৰ মাজতে সমগ্ৰ বিষয়টো সমাধানৰ বাবে আজি নিশা আইচিচিয়ে জৰুৰী বৈঠক আহ্বান কৰিছে।এই বৈঠক জুমৰ জৰিয়তে অনুষ্ঠিত হোৱাৰ সম্ভাৱনা আছে।

ইয়াৰ ভিতৰত আছে আইচিচিৰ চিইঅ’ সঞ্জোগ গুপ্তা,পিচিবিৰ মুৰব্বী মহছিন নকভি আৰু বিচিবিৰ সভাপতি আমিনুল ইছলাম বুলবুল উপস্থিত থকাৰ সম্ভাৱনা আছে।

এই বৈঠকৰ মূল উদ্দেশ্য পাকিস্তানে ভাৰতৰ বিৰুদ্ধে খেলখন খেলিব নোৱাৰাৰ সম্ভাৱ্য সিদ্ধান্তৰ বিষয়ে আলোচনা কৰা আৰু কোনো সমাধানৰ পথ উলিওৱা।

লগতে পঢ়ক: কেনেকৈ বিশ্বকাপৰ দলত স্থান পালে মহম্মদ ছিৰাজে ?  ৰাজহুৱা কৰিলে সেই বিশেষ মূহূৰ্তৰ কথা