৮৩ বছৰত ভৰি দিলে অমিতাভ বচ্চনে

ভাৰতীয় চলচ্চিত্ৰ জগতৰ অন্যতম ডাঙৰ ছুপাৰষ্টাৰ হৈছে অমিতাভ বচ্চন। তেওঁৰ পৰ্দাত উপস্থিতি এতিয়াও আইকনিক বুলি গণ্য কৰা হয়। আজি তেওঁ ৮৩ সংখ্যক জন্মদিন উদযাপন কৰিছে।

জন্মদিনৰ দিনটোতে বিগ বিয়ে নিজকে কোটি টকীয়া উপহাৰ দিছে।তেওঁ মুম্বাইৰ গাতে লাগি থকা আলিবাউগত এটা ডাঙৰ সম্পত্তি ক্ৰয় কৰিছে।

অমিতাভ বচ্চনৰ পৰিয়ালে ইয়াত একেলগে তিনিটা বিলাসী প্লট ক্ৰয় কৰিছে, যাৰ মুঠ খৰচ কোটি কোটি বুলি জানিব পৰা গৈছে।

মুম্বাইৰ সমীপৰ আলিবাউগত মেগাষ্টাৰ অমিতাভ বচ্চনে প্ৰায় ৬.৫৯ কোটি টকাত তিনিটা প্লট ক্ৰয় কৰিছে। অমিতাভ বচ্চন আৰু অভিষেক বচ্চনে মিলি ৰায়গদ জিলাৰ আলিবাগ তালুকৰ মুনৱালী গাঁৱত এই তিনিটা প্লট ক্ৰয় কৰিছে ।

এই প্লট ক্ৰয়ৰ পিছতে এতিয়া মেগাষ্টাৰ বিগ বি শ্বাহৰুখ খান (ডেজা ৱু ফাৰ্মছ), বিৰাট কোহলী আৰু অনুষ্কা শৰ্মা (ছেৰেন হেভেন), দীপিকা পাডুকন আৰু ৰণবীৰ সিং, অনিতা শ্ৰফ আদাজনিয়া, চুহানা খান আৰু ৰাহুল খান্নাৰ চুবুৰীয়া হ’ব।

লগতে পঢ়ক: ‘কান্তৰা অধ্যায় ১’ এ সৃষ্টি কৰিলে নতুন ইতিহাস; ৫০০ কোটিৰ ঘৰত অন্তৰ্ভূক্ত

শ্বোৱেইব আখতাৰক ঠাট্টা অমিতাভ বচ্চনৰ

২০২৫ চনৰ এছিয়া কাপত পাকিস্তানক ৫ উইকেটত পৰাস্ত কৰে টিম ইণ্ডিয়াই। ভাৰতে ৯ম বাৰৰ বাবে এছিয়া কাপত জয়লাভ কৰিছে।ভাৰতৰ এই বিজয়ৰ ফলত সমগ্ৰ দেশতে আনন্দৰ জোৱাৰ উঠিল।

তাৰ মাজতে অমিতাভ বচ্চনে সামাজিক মাধ্যমত এটা বিশেষ পোষ্ট দিছে। বিগ বিয়ে নিজৰ পোষ্টৰ জৰিয়তে পাকিস্তানক ট্ৰ’ল কৰিছিল।

আচলতে এছিয়া কাপৰ সময়ত প্ৰাক্তন পাকিস্তানী খেলুৱৈ শ্বোৱেইব আখতাৰে টিভিৰ এটা অনুষ্ঠানত পেনেলিষ্ট হিচাপে নিজৰ দেশৰ দলৰ পৰিকল্পনা আৰু কৌশলৰ বিষয়ে আলোচনা কৰি আছিল।

এই সময়তে শ্বোৱেইব আখতাৰৰ জিভা পিছলি গ’ল আৰু ক্ৰিকেটাৰ অভিষেক শৰ্মাৰ সলনি অভিষেক বচ্চনৰ নাম তেওঁৰ মুখৰ পৰা ওলাই আহিল।তেওঁ কয় যে যদি পাকিস্তানে অভিষেক বচ্চনক আউট কৰে তেন্তে ইয়াৰ জয়ৰ সম্ভাৱনা বৃদ্ধি পাব।

দেওবাৰে এছিয়া কাপত পৰাস্ত হোৱাৰ পিছত এতিয়া বিগ বিয়ে তেওঁলোকক ট্ৰ’ল কৰি সামাজিক মাধ্যমত এটা পোষ্ট দিছে। পোষ্টটোত তেওঁ লিখিছে যে,জিকি গ’ল!! ভাল খেলিলে ‘অভিষেক বচ্চন’… তাত জিভা লৰচৰ হ’ল আৰু ইয়াত বলিং, বেটিং আৰু ফিল্ডিং নকৰাকৈ, শত্ৰুক লৰচৰ কৰিলে!! মুখৰ মাত বন্ধ কৰি দিয়া হ’ল। জয় হিন্দ! জয় ভাৰত! জয় মা দুৰ্গা।

অভিনেতা গৰাকীৰ এই পোষ্টটো এতিয়া সামাজিক মাধ্যমত ভাইৰেল হৈ পৰিছে।  

লগতে পঢ়ক: জুবিন গাৰ্গৰ মৃত্যুত স্তম্ভিত আমিৰ খান; আৱেগিক পোষ্টৰে দিলে শ্ৰদ্ধাঞ্জলি

পাপাৰাজীক ধমকি অমিতাভ বচ্চনৰ

বলীউড উদ্যোগৰ মেগাষ্টাৰ অমিতাভ বচ্চনক চিনি নোপোৱা মানুহ হয়টো পৃথিৱীত নোলাব। তেওঁ অভিনয়ৰ লগতে অতি শান্ত স্বভাৱৰ বাবে সদায়েই শিৰোনামত থাকে।

অভিনেতা গৰাকীয়ে সকলোৰে লগত অতি মৰমেৰে কথা পাতে আৰু সকলোকে সন্মানেৰে ব্যৱহাৰ কৰে।লাগিলে সেয়া অনুৰাগীয়েই হওক বা পাপাৰাজীয়েই হওক।

কিন্তু শেহতীয়াকৈ ইণ্টাৰনেটত তেওঁৰ এটা ভিডিঅ’ ভাইৰেল হৈ পৰিছে, য’ত তেওঁক খঙত অগ্নি শৰ্মা হৈ থকা দেখিবলৈ পোৱা গৈছে।  

এই ভাইৰেল ভিডিঅ’টোত অমিতাভ বচ্চনে নিজৰ মুম্বাই বাংলোৰ বাহিৰত বগা কুৰ্তা-পাইজামা পিন্ধি থকা দেখা গৈছে। অভিনেতা গৰাকীয়ে বাংলোৰ পৰা ওলাই অহাৰ লগে লগে পাপাৰাজী সকলে ফটো উঠাবলৈ ধৰে।

ফটোগ্ৰাফাৰে ভিডিঅ’টো ৰেকৰ্ডিং কৰাৰ লগে লগে খং উঠিল বিগ বিৰ। অভিনেতা গৰাকীয়ে ফটোগ্ৰাফাৰ সকলক ধমক দি কয় যে ‘’ এই ভিডিঅ’ নল’ব, কেমেৰা বন্ধ কৰক’।

তেওঁৰ এই কথাই অনুৰাগীৰ লগতে পাপাৰাজীকো আচৰিত কৰি তুলিছে।যদিও এই ভিডিঅ’টো কেতিয়া বনোৱা

লগতে পঢ়ক: দক্ষিণৰ বিখ্যাত অভিনেতা ফিশ ভেংকটৰ মৃত্যু; টকাৰ অভাৱেই হ’ল কাল