এথিয়াৰে পৰা ১৬ বছৰৰ তলৰ কোনো কিশোৰ-কিশোৰীয়ে ব্যৱহাৰ কৰিব নোৱাৰিব ছচিয়েল মিডিয়া । আজিৰে পৰা কাৰ্যকৰী নতুন আইন । উলংঘা কৰিলেই সন্মুখীন হ’ব জৰিমনাৰ ।
১৬ বছৰৰ তলৰ কিশোৰ-কিশোৰীক ছচিয়েল মিডিয়া প্লেটফৰ্ম ব্যৱহাৰ কৰাত নিষেধাজ্ঞা আৰোপ কৰা অষ্ট্ৰেলিয়া বিশ্বৰ প্ৰথমখন দেশ হিচাপে পৰিগণিত হৈছে । ১০ ডিচেম্বৰৰ পৰা কাৰ্যকৰী হৈছে এই নতুন আইন আৰু ছ’চিয়েল মিডিয়া কোম্পানীসমূহলৈ এই নিৰ্দেশ প্ৰেৰণ কৰা হৈছে । শাস্তিৰ ব্যৱস্থা আছে যদিও অভিভাৱক আৰু কিশোৰ-কিশোৰীক কোনো ধৰণৰ শাস্তি বা দণ্ড প্ৰদান কৰা নহ’ব ।
অষ্ট্ৰেলিয়াৰ এই আইনখনৰ অৰ্থ হ’ল ১৬ বছৰৰ তলৰ কিশোৰ-কিশোৰীসকলৰ বাবে ছচিয়েল মিডিয়া নিষিদ্ধ কৰা হৈছে । এই সিদ্ধান্ত বলবৎ কৰিবলৈ ছ’চিয়েল মিডিয়া কোম্পানীসমূহক কিশোৰ-কিশোৰীসকলৰ একাউণ্ট ডিলিট কৰিবলৈ নিৰ্দেশ দিয়া হৈছে আৰু এনে নকৰা কোম্পানীসমূহ কঠোৰ শাস্তিৰ সন্মুখীন হ’ব লাগিব ।
অষ্ট্ৰেলিয়াৰ এই সিদ্ধান্তৰ পিছতে ১৬ বছৰৰ তলৰ কিশোৰ-কিশোৰীসকলক ফেচবুক, ইনষ্টাগ্ৰাম, টিকটক, ইউটিউব আৰু অন্যান্য ছ’চিয়েল মিডিয়া প্লেটফৰ্ম ব্যৱহাৰ কৰাত বাধা প্ৰদান কৰা হ’ব । যদি কোনোবাই এই নিয়ম উলংঘা কৰে তেন্তে ছ’চিয়েল মিডিয়া কোম্পানীসমূহে জবাবদিহি হ’ব আৰু শাস্তিৰ সন্মুখীন হ’ব লাগিব । অৱশ্যে অভিভাৱক আৰু কিশোৰ-কিশোৰীসকল কোনো ধৰণৰ শাস্তিৰ সন্মুখীন নহ’ব ।
অষ্ট্ৰেলিয়াৰ ১০টা বৃহৎ ছ’চিয়েল মিডিয়া প্লেটফৰ্মত মাজনিশা ১২ বজাৰ পৰা কিশোৰ-কিশোৰীৰ প্ৰৱেশ সম্পূৰ্ণৰূপে বন্ধ কৰিবলৈ নিৰ্দেশ দিয়া হৈছে । এই নিয়ম মানি চলাত ব্যৰ্থ হ’লে নতুন আইনৰ অধীনত ব্যৱস্থা গ্ৰহণ কৰা হ’ব আৰু কোম্পানীসমূহে ৪৯.৫ মিলিয়ন অষ্ট্ৰেলিয়ান ডলাৰ (প্ৰায় ২৯৬ কোটি টকা) পৰ্যন্ত জৰিমনা ভৰিব লাগিব ।
লগতে পঢ়ক : ২০২৫ চনত গুগলত সৰ্বাধিক সন্ধান বিষয় বস্তু আছিল কি? ধৰ্মেন্দ্ৰৰ দেহাৱসানৰ পৰা জুবিন গাৰ্গ লৈকে…
