এক্সে ব্যৱস্থা গ্ৰহণ কৰি প্ৰায় ৩৫০০ অশ্লীল কন্টেন্ট ব্লক কৰি ৬০০ৰো অধিক একাউণ্ট ডিলিট কৰিছে । প্লেটফৰ্মে ভাৰত চৰকাৰক জনাইছে যে ভাৰতীয় আইন সম্পূৰ্ণৰূপে মানি চলি নিয়ম অনুসৰি কাম কৰিব ।

ছ’চিয়েল মিডিয়া প্লেটফৰ্ম এক্সে(পূৰ্বৰ টুইটাৰ) নিজৰ ভুল স্বীকাৰ কৰি ভাৰতীয় আইন মানি চলিব বুলি উল্লেখ কৰিছে । প্ৰায় ৩৫০০ টা কন্টেন্ট ব্লক কৰা হৈছে আৰু ৬০০ৰো অধিক একাউণ্ট ডিলিট কৰা হৈছে । জানিব পৰা মতে এক্সে আৰু অশ্লীল ছবি পোষ্ট কৰাৰ অনুমতি নিদিয়ে ।

এক্সে নিজৰ ভুল স্বীকাৰ কৰি কন্টেন্ট মডাৰেচন ষ্টেণ্ডাৰ্ডৰ অভাৱ স্বীকাৰ কৰি ভাৰত চৰকাৰক জনাইছে যে ভাৰতীয় আইন সম্পূৰ্ণৰূপে মানি চলি নিয়ম অনুসৰি কাম কৰিব । চৰকাৰী সূত্ৰৰ উদ্ধৃতিৰে এই বাতৰি সংস্থা এ এন আইয়ে প্ৰকাশ কৰিছে ।

ইয়াৰ কৃত্ৰিম বুদ্ধিমত্তাৰ সঁজুলি গ্ৰ’কৰ জৰিয়তে সৃষ্টি বা বৃদ্ধি কৰা বুলি অভিযোগ উত্থাপন কৰা সামগ্ৰীকে ধৰি প্লেটফৰ্মত অশ্লীল আৰু যৌন সম্পৰ্কীয় বিষয়বস্তুৰ প্ৰচাৰক লৈ উদ্বেগ প্ৰকাশ পোৱাৰ পিছতে বিষয়টো পোহৰলৈ আহে ।

চৰকাৰে গ্ৰ’ক এ আইৰ সৈতে জড়িত অশ্লীল বিষয়বস্তু প্ৰতিৰোধৰ ব্যৱস্থা আৰু ভৱিষ্যতৰ পৰিকল্পনা সন্দৰ্ভত ছ’চিয়েল মিডিয়া প্লেটফৰ্ম এক্সৰ পৰা অধিক তথ্য বিচাৰিছিল । এক্সে এই বিষয়ত সঁহাৰি দিছিল, কিন্তু ই কিছুমান মূল তথ্য বাদ দিছিল । তথ্য আৰু সম্প্ৰচাৰ মন্ত্ৰালয়ে মহিলাৰ যৌন আৰু অশ্লীল ছবি সৃষ্টিৰ বাবে গ্ৰ’কৰ দৰে কৃত্ৰিম বুদ্ধিমত্তাৰ চেটবটৰ ব্যৱহাৰ ৰোধ কৰাৰ ব্যৱস্থা গ্ৰহণ কৰিবলৈ নিৰ্দেশ দিছিল ।

এতিয়া এক্সে ব্যৱস্থা গ্ৰহণ কৰি প্ৰায় ৩৫০০ অশ্লীল কন্টেন্ট ব্লক কৰি ৬০০ৰো অধিক একাউণ্ট ডিলিট কৰিছে । ভৱিষ্যতে অশ্লীল ছবিৰ অনুমতি নিদিয়াৰ আশ্বাসো প্লেটফৰ্মে প্ৰদান কৰিছে । ইফালে ৰাজ্যসভাৰ সাংসদ প্ৰিয়ংকা চতুৰ্বেদীয়ে ছ’চিয়েল মিডিয়া প্লেটফৰ্ম এক্সক সমালোচনা কৰি আঙুলিয়াই দিয়ে যে গ্ৰ’কত আপত্তিজনক আৰু যৌন প্ৰৰোচনামূলক ছবি পোষ্ট কৰাটো সম্পূৰ্ণৰূপে নিষিদ্ধ কৰাৰ পৰিৱৰ্তে কেৱল পেইড ইউজাৰৰ মাজত সীমাবদ্ধ কৰি ৰাখিছে ।

লগতে পঢ়ক : ড’নাল্ড ট্ৰাম্পক ফোন নকৰাৰ বাবেই নহ’ল ভাৰত-মাৰ্কিন বাণিজ্য চুক্তি…

বৰ্তমান সময়ত সকলোৰে হাতে হাতে মোবাইল ফোন উপলদ্ধ । কেৱল ডেকা-বুঢ়াই নহয়, শিশুৰ পৰা আৰম্ভ কৰি কিশোৰলৈকে বৰ্তমান সক্ৰিয় হৈ আছে ছ’চিয়েল মিডিয়াত । ছ’চিয়েল মিডিয়াৰ সুবিধাৰ লগতে ইয়াৰ কিছু অসুবিধাও আছে । কিন্তু এতিয়া ১৮ বছৰৰ তলৰ শিশুৱে ছ’চিয়েল মিডিয়াত একাউণ্ট খুলিবলৈ সন্মতি ল’ব লাগিব পিতৃ-মাতৃ তথা অভিভাৱকৰ । ইলেক্ট্ৰনিকছ আৰু তথ্য প্ৰযুক্তি মন্ত্ৰালয়ে ব্যক্তিগত ডিজিটেল তথ্য সুৰক্ষা আইন (ডি পি ডি পি) নিয়মৰ খচৰা নিয়ম জাৰি কৰিছে । ১৮ ফেব্ৰুৱাৰীলৈকে লাভ কৰা আপত্তিৰ ভিত্তিত বৈঠকত সালসলনি কৰা হ’ব । অন্যথা ই চলি থাকিব ।

ব্যক্তিগত ডিজিটেল ডাটা সুৰক্ষাৰ নিয়মৰ বাবে বহুদিনৰ পৰা অপেক্ষা কৰা হৈছিল । অৱশ্যে চৰকাৰে জাৰি কৰা খচৰাত নিয়ম উলংঘা কৰিলে কোনো ধৰণৰ শাস্তিমূলক ব্যৱস্থাৰ কথা উল্লেখ কৰা হোৱা নাই । নিয়ম জাৰি কৰি চৰকাৰে এই সন্দৰ্ভত জনসাধাৰণৰ মতামত বিচাৰিছে । ১৮ ফেব্ৰুৱাৰীৰ পিছত এই সন্দৰ্ভত চূড়ান্ত সিদ্ধান্ত লোৱা হ’ব । য’ত জনসাধাৰণৰ মতামত বিবেচনা কৰা হ’ব ।

তথ্যৰ বাবে জাৰি কৰা হৈছে খচৰা নিয়ম-

ৰাজহুৱা তথ্যৰ বাবে জাৰী কৰা খচৰা নিয়ম

খচৰা অধিসূচনাত কোৱা হৈছে যে ব্যক্তিগত ডিজিটেল তথ্য সুৰক্ষা আইন-২০২৩ৰ ধাৰা ৪০ ৰ উপ-ধাৰা (১) আৰু (২)ৰ ক্ষমতা প্ৰয়োগ কৰি কেন্দ্ৰীয় চৰকাৰে জনসাধাৰণৰ তথ্যৰ বাবে আইনখন আৰম্ভ হোৱাৰ তাৰিখত বা তাৰ পিছত প্ৰস্তুত কৰিবলগা প্ৰস্তাৱিত নিয়মসমূহৰ এখন খচৰা জাৰী কৰিছে ।

জৰিমনা বিহাৰ ব্যৱস্থা-

খচৰা নিয়মত ডিজিটেল তথ্য সুৰক্ষা নিয়মৰ অধীনত লোকৰ সন্মতি প্ৰক্ৰিয়াকৰণ, তথ্য প্ৰক্ৰিয়াকৰণ সংস্থা আৰু বিষয়াৰ কাৰ্য্যকলাপৰ সৈতে জড়িত বিধানসমূহ নিৰ্ধাৰণ কৰা হৈছে । অধিসূচনাখনত কোৱা হৈছে যে, এই খচৰা নিয়মসমূহ ২০২৫ চনৰ ১৮ ফেব্ৰুৱাৰীৰ পিছত বিবেচনা কৰা হ’ব । খচৰা নিয়মত ডি পি ডি পি আইন-২০২৩ৰ অধীনত শাস্তিৰ কথা উল্লেখ কৰা হোৱা নাই । এই নিয়মত ডাটা ফিডুচিয়াৰীক (Data Fiduciary) ২৫০ কোটি টকা পৰ্যন্ত জৰিমনা বিহাৰ ব্যৱস্থা আছে ।

ডাটা ফিডুচিয়াৰীৰ কাম আৰু সীমাবদ্ধতা-

ডাটা ফিডুচিয়াৰী হৈছে এনে এজন ব্যক্তি, কোম্পানী বা ফাৰ্ম যিয়ে ব্যক্তিৰ ব্যক্তিগত ডাটা কেনেকৈ প্ৰক্ৰিয়াকৰণ কৰা হয় সেইটো সিদ্ধান্ত লয় । ডাটা ফিডুচিয়াৰীয়ে ডাটা প্ৰক্ৰিয়াকৰণ কৰিব লাগিব । তেওঁ তথ্যসমূহ কোনো নিৰ্দিষ্ট উদ্দেশ্যৰ বাবে প্ৰক্ৰিয়াকৰণ কৰিব পাৰে । এই সময়ছোৱাত ই তথ্য সংৰক্ষণৰ সীমাও মানি চলিবলগীয়া হয় ।