মাউন্ট এভাৰেষ্টত প্ৰচণ্ড তুষাৰপাত
তিব্বতৰ মাউন্ট এভাৰেষ্টত হোৱা প্ৰচণ্ড তুষাৰপাতৰ আবদ্ধ হৈ পৰিছে প্ৰায় এহেজাৰ পৰ্বতাৰোহী । ইতিমধ্যে আৱদ্ধ হৈ পৰা লোকসকলক উদ্ধাৰৰ বাবে আৰম্ভ কৰা হৈছে অভিযান । ৪৯০০ মিটাৰতকৈও অধিক উচ্চতাত অৱস্থিত অঞ্চলটোৰ বৰফেৰে আবৃত পথসমূহ মুকলি কৰিবলৈ শ শ স্থানীয় গাঁওবাসী আৰু উদ্ধাৰকাৰী দল মোতায়েন কৰা হৈছে ।
প্ৰকাশিত এক বাতৰি অনুসৰি ইতিমধ্যে একাংশ পৰ্যটকক উদ্ধাৰ কৰা হৈছে । সৰু চহৰ কুডাঙত প্ৰায় ৩৫০ জন লোকক উদ্ধাৰ কৰি নিৰাপদ স্থানলৈ অনা হৈছে ।
শুকুৰবাৰে সন্ধিয়াৰ পৰা এই তুষাৰপাত আৰম্ভ হয় আৰু তিব্বতৰ মাউন্ট এবাৰেষ্টৰ পূৱ দিশত ই তীব্ৰতৰ হৈ পৰে । এই অঞ্চলটো পৰ্বতাৰোহীৰ মাজত অতি জনপ্ৰিয় । উল্লেখ্য যে, মাউণ্ট এভাৰেষ্ট হৈছে বিশ্বৰ সৰ্বোচ্চ শৃংগ, ইয়াৰ উচ্চতা ৮,৮৪৯ মিটাৰ ।
লগতে পঢ়ক : পাক অধিকৃত কাশ্মীৰত প্ৰতিবাদৰ জুই; আৰক্ষীৰ গুলিত নিহত প্ৰতিবাদকাৰী
